الجزء ٧
#بعدك ع بالي
مرت الايام وبديت اتعود ع الدوام
فد يوم كعدت الصبح اروح للدوام
فتحت النقال شفت استاذ ضياء دازلي مسج
..، ست اليوم مااكدر اجي عليكم لان سيارتي صار بيها عطل...
والمشكله عدنا امتحانات شفهيه ... مااكدر مااداوم
اتصلت بيه ست زينب كالت
...راح نتفق ويه ابو تكسي يخذنا ويرجعنا...
جاوبتها...
ست زينب اني راح اجي عليكم بسيارة ماما
وخبري المدرسات وياج
اني صح اعرف السياقه بس ماطالعه لاماكن بعيده
او خارج المدينه .. بس لازم اتشجع
اخذت مفاتيح السياره من امي وكلتلها كزري روحج اليوم
اخذي تكسي
واخذت المدرسات
ست امل ماداومت اليوم
وصلنا للشارع المؤدي للمدرسه
الشارع كان سايد واحد فقط
اشوف السواق وحته الناس الي دتمشي
كلهم متعجبين مني ... مره تسوق سياره بوياااي
واني والمدرسات نضحك
وصلنا للمدرسه
المديرمن عرف بيه اجيت بسيارة اهلي حسيته ضاج
وكال جان اجرتو تكسي جابكم
كلشي يصير يخطفوجن يدعمونجن انوب انه ابتلي بيكم
طنشته
كملنا امتحاناتنا وطلعنا من المدرسه من وقت
بالطريق شغلت اغاني فيروز
وكلتلهم ستات اذا تستحرمون سدو اذاتاتكم
اخذني الواهس وكمت ادندن وياها
الشارع هيج وقت يصير مزدحم
اسمع صوت هورن سطرني
اباوع ع المرايه سياره سوده واحد لابس نظاره شمسيه
واكو شاب كاعد يمه
واشوفه يحجي ويهز بايده ويدك هورن
جنت اسوق براحتي اخاف اعبر بين السيارات
واني اول مره امشي هيج طريق
ظل يدك هورن حته اسويله طريق يعبر ...
عفته خل يولي الشارع ضيق شسويله
اخر شي عبرنا هو ودار عليه ورفع نظارته ...
واسمعه كال ..... هو انتن مال سيارات
ست زينب .. هذا ابو قصي
ايه ... شكد شايف نفسه
اي موكتلج
ست هبه .. همه عدهم المره خيرتهم عدها نقال
وكل ساعه يمنون عليها بيه
انوب تسوق سياره
ههههه لا والله
ست هبه ... مسار صوتجً حلو مبين
هههً اي يكولون
زينب ...هاي عود دندن هيج حلو لعد لو تغنين شلون
ههههه خجلتوني
هبه ... بس لو اعرف زوجج شلون متحمل غيابج
اني سكتت مارديت
زينب .. لج مسار اخاف شايفله شوفه هناك
عفيه بنات سدو الموضوع
ها العفو
(شكد اكره سيرته واكره نفسي وياه)
وصلتهم لبيوتهم ورجعت للبيت دايخه من الطريق
الله يساعد لاستاذ ضياء
مرت الايام نفس الروتين دوام
وبدت امتحانات نصف السنه وخلصت
وبدت العطله
الله شكد مشتاقه لنومة الصبح وسهر الليل
اني ومنار متفقين يوميه نسهر ع فيلم
نحضر الشاميه وحب الشمسي وحلويات وعصاير
بس هي مرات تعوفني وحدي وتتخابر ويه همام
وزونه هم تجي ويانه ع الواهس وتنام بنص السهره
ومرات نشوف افلام كارتونيه لخاطر زونه
