#جيلان
7
ياسر ضل بس يصيح ويعيط المعمل كله ثمن غرف كبار بس تعبانه صبغها ومحفره مال بسامير افتر بالغرف الفارغه وصدى صوت ياسر ينعر باذني والعماله واكفين جنهم سطوله باوعلي صاح يله امشي
اني ماروح ابقى هنا
شعدك حضي المصخم امشي
لا. الله ياسر خليني شوكت ترجع
اتاخر فد اربع ساعات
دروح لعد واني من اضوج ارجع للملحق
دهاك المفتاح حتى متنحرج من فتحه مرت اخويه للبلب
خوش طيني الله وياك بقه يباوعلي مستغرب شاسوي هنا
اتفرج عليهم درووووح دفعته. طلع وعينه عليه باوعت عالعماله كامو يخرطون كردي جربت الباكيت افتر بالغرف الباقيه شغلهم كلش بطيء يفتون الكلب طلعت من الغرفه لكيت بدله عمله صفره باوعتلهم شلتها بيدي واحد اشر مو مالتهم طبيت للحمام بدلت وطلعت اخذت من التصليح والنايلون والفرج والصبغ وبقيت افتر بالغرف لزمت اكبر غرفه صلحتها كملت تصليح شغلت موبايل ياسر العافه يمي اغاني التهيت واني اطبغ الصفحه النشف تصليحها صوت حسيت الجسمي فكدتك والفرشه البيدي ترجعنب لاحلى ايام ايام جنت ارجع من شغل الصبغ للبيت واني عريس تفركلي جسمي بدفو ايدها لگيت روحي ابتسم للذكريات وعشت وياها هاي راحتي تذكرت من جانت تكول دااشتاقلك متدري شوقي الها شون كان. واني بس اريد اكمل صبغ داارجع ارتاح بين حضنها وبين ايدها هسه وينج وين حضنج تعبان شمرت الفرشه كعدت بالزاويه عالنايلون صحت بصوت طلع خنكتي ولج تعبااان الصدى يرجع الخنكه لصدري ارنوبببه ولج صدك ماشوفج بعد اشتاقيتلج لكيت دموعي تحرك خدي جنت مشتاق ابچي خليت راسي بين رجلي ابجي لحد متعبت بطل مي بصفي جريته رفعت راسي اباوع الحايط يخبل فرق جبير بينه وبين بقيه الضلوع الممصبوغه رجعت وكفت رحت عالفرشه اخذت مساطر الخشب سويت نقشه نطت حركه للمكان كانت بغير لون الصبغ. بلشت بالضلع الثاني وكملت حتى السكف بقيت افتر التدفئه تشتغل حتى ينشف بسع لمين النايلون ورطبت الكاع حتى يسحل تنضيفها طلعت اشوف مرت 4ساعات اكبر غرفه كملتها وحدي اخذت الدرج المتحرك وطلعت اباوع العماله ديشربون جاي وكعك بطرانين ذوله خلي يجون يمنا يشوفون البطاله ذاك الوكت ياكلون شغلهم اكل. ضلو يباوعولي معاجبهم طب ياسر صاح اياددهاي بعدك هنا
هاياسر تعال
شنو الفلم باوع لذوله ضل يصيح تركماني بعدكم ممكملين بس غرفتين صغار باوعتله تعال شوف شسويت
شنو
باوع اخذته لاكبر غرفه ضل يتلفت مستغرب باوعلي هاي انت صبغتها مو
اي هزيت راسي كاتف ايدي
عمي حطلعهم وكمل الصبغ انت هههه والله تصبغ احسن منهم
عده الشقه ياسر عوفني اليوم هنا والله روحي طاكه
ولك جايبك عالكراب محضرلك ليله من العمر
ولك ياليله يابطيخ امشي اطلع بره
ههههه انت الخسران لا عده الشقه امشي نتغده
جيب الغده لهنا
شتاكل تاكل كباب ولك اياددد دتسوي شفته شال الفرشه
لابابا عوفني اجه يجرها مني انت متريدلي الراحه
لا عمي ليش لعد
دعوفني ياسر اني من اتعب تره اعوفه
ماشي اياد خليك براحتك اجيب غده واجي اندار يت باوعت عالعماله بدلو ديروحون
باوع حضي المركع حيروحون
ياب دعوفهم اصلا شغلهم سلابات
انت الاسطه بعد بقيت صافن عليه طلعت قهرك بالحايط
دمشي جيب غده عاد بس حجي
اي اي هسه هههه
بلشت تصليح نص ساعه وطب يلسر كعدنا ناكل دك تلفونه اخو ضافر كتله كوم روحله
البضاعه وصلت ومااعرف وين اخليها
خليها بالغرفه الجبيره مو تريد تسويها مخزن
اي ابتسمت والله لو ماانت ماعرف وين ارح
ياب دمشي بتحجي هيج انت اخويه ولك
ديله لعد حروح واجيك بليل بس تتعب ارجع للملحق
ماشي روح دفعته وقفلت الباب الللله رجعت للوحده احسها تنتضرني جوه واحنا وحدنا رجعت اصلح واشغل اغاني مبتسم اغنيتنا المفضله لو على قلبي فضل شاكر بتمر ايام وليالي وانت مبتغيب عن بالي ايام العلاقه من عرفتني اني مو ياسر وتركتني مواقف تضحكني تبجيني وتفرحني من طتني السلسله وكالت هاي مالتك. اخ ربي احلى احساس جان الامل بوصالها. سفرتها لتركيا مكالماتنا الكامره الجننا نفتحها عيشتني احلى حلم فزيت منه بفراكها اني بيدي الموتتها رجعت ابچي اني السبب اني مراح اسامح روحي رجعت كعدت بالزاويه وهم بچيت وصيحت هالمره وحدي عليت كل صوتي جنت احس براحه من اتالم. ورجعت كمت لكيت روحي كملت غرفه لخ بقت كم غرفه لليل اتصل ياسر كتله حباب عرفني براحتي تركني من عرف راحتي الوحده بس دز مقبلات وكيك ولفات بيد واحد من العماله رجعت قفلت جان اكو فرش للعماله تمددت ارتاح عليه اتفرج عالشغل لزمت غرفه وره غرفه لكيت روحي لل7الصبح مكمل كلشي بقه بس التنضيف نكعت الكاع احس مااكدر امشي من التغب بس راسي مرتاااااح خابرت ياسر كعدته من النوم كال جايك طبو العماله وي طبته كتله ميحتاج بس هلي ينضفون اباوعله مستغرب مخوصر يفتر بين الغرف باوعلي
تره انت فنان بعرضي هسه ارتاحين
غمضت عيني همست حمااااااام وفراش دافي
متريد حضن
لا عدي هنا اشرت على كلبي
ابتسم مقهور عليه نصه راسه امشي اوصلك للبيت
امشي وصلني والعماله ينضفون تركناهم طبيت للحمام كبل وطلعت نمت. جان هدوء المكان يريحني نمت براحه غريبه مشتاق لهالراحه حلمت بايناس مره لخ تفركلي بجسمي تبتسم وصوت ضحكتها مسموع برقه ابتسمت ماريد اكعد مع العلم بالنوم واذري بروحي دااحلم تلمست خدي برقه ايدها الناعمه لا اني مدااحلم اني حاسس فتحت عيني اباوع طفله شكره تطلع عمرها سنتين تتلمس خدي ولحيتي تضحك الملهيه بحلگها ضحكت غطيت جسمي بست ايدها عرفت بت اخو ياسر بله هذا المطي اخو يخلف هالخلقه
شجابج هنا ضحكت بستها من خدها يمه فدوه. لا الله شون حلوه اجه ببالي لو مخلف جان صار عدي مثلها دمعت عيني صفنت عليه برطمت ضحكت تلمست شعرها صوت امها ناددين ماما وينج
صاحت ماما اتني
يمكن قصدها هياتني راحت وسدت الباب تباوعلي فدوه رجعت نمت حسيت العصر على صياح صافر وياسر شوي وطب ياسر يكفر
شكو شبيكم
هذا كلشي ميعجبه شك حلگي
اخوك الجبير
ولك هو بس ينننك وفد يتفاول بالفكر والله العضيم فد يوم اخطفه اسبوع ارتاح من نككه وارجعه
خوش مشروع جريت نفس كمت من الفراش لبست تيشرتي وهذا ينزع قميصه صاير اعصاب باوعلي
طبعا لو اما انت اني اديح منا لاسبوع يله نفتح بتجر حنفتح تدري كلشي كامل وضافر قفل عليك كال لتخلي يروح بعد يشتغل ويانا صدك اياد ليش متشتغل ويانا
دروح بابا شغليش. اني مااتحمل غربه جريت نفس اكولك اريد اروح لالان اتشكره انطي فلوس اجيب السلسله
ها باوعتله اي صح بس خل افرغلك ونسوي روحه
اني اروح وحدي ضبطت الطريق
صدك ذكرتني تره اتصلو وكالو السياره كوهازعلى طريق السيشره الفرعيه
بيها الخير جريت نفس اني باجر الفجر اروح
لابابا عكبه حتى اجي وياك
لا ميحتاج
اياد فدوه لعينك
دييله ماشي عكبه الفجر
اي هاهي اندكت الباب وفتحتها نفس الطفله ميلت راسي همست هلاووو ابتسمت والملهيه بحلكها تلعب بشعرها بخجل
ياسر- امشي لج امشي ولي منا يله
هاي شبيك وياها تقربت منها شلتها شبي هذا عمج
ولك هاي البريئه الكيوتت مسويه مصايب يابو مصايب
طالعه عليك باوعتله ببرود كفخها بيده برطمت
لااا ياسر شكد مكروه لاحبيبي معليج منه
تدري مره شسوت طبت لغرفتي جرت الربع مالتي طلعت تتطوطح اجاني ابوها. حار شسوه اتذكر ابويه بيومها بيتني بره من وره هالربع مترالنوب شون جرته اني كوه اشربه شون جرعتها
ابوها منو باوعت بعينها ولج تشربين طلعتي كامت تفرك بعينها اخذها من ايدي ذبها بالكع ضربها جلاق على كيفه على حفاضتها مشت سريع غمته وراحت. خربت ضحك ولك والله هاي دواك
لج كولي لامج تصب الغده صاحت مااا
ولج
هههه خرب ببليس ولك تصنيف بعرضي. جريت نفس تذكرت ايناس هاي لو عايشه جان جتنا مثل هاي تونسني بقيت ساكت وياسر يلبس تراكسوده شوي وطب اخوه وي صينيه الغدا كعدنا تغدينا سوه وضل يحجي ويصبغ بيه انت شاغول وانت انت باوعتله مبتسم ضل يقنع بيه ابقى اشتغل وياهم واني روحي مطايقها ششتغل شاسس حياه بعدني منفكر باجر شون حكمل يومي بقيت ساكت اخر شي كال فكر بالموضوع ورد خبر اني محتاج احد ويايه بالاداره والوالد يريد يفتح ببغداد فرع بس خل تهدا الاوضاع جريت نفس ردته يسكت دوخني اخيرا طلع من الشقه صاح ياسر
يبوووووو خرب عرضك من يچلب بسالفه
ولك هاي شنو اخوك عمي اروح ابوس فاروق من راسه چلب چلب شكد يلح
اي لعد شعبالك بعدك ششايف بس والله هو بالشغل حقاني نصيحه ابقى ويانا
الله كريم يابه هسه اني انهزمت مناك من المللحه
اي عمي صح جريت نفس باوعت بعينه شكت عينه ولونها نفس لون ريناد هاي شنووو رجعت حنيت اي ادري بروحي نفسي اليصعد والينزل مسجل باسمها بكل ليله قبل لانام هي اخر احلامي ثاني يوم الصبح طلعت للشغل وياسر اجه ويايه جان مكيف بالشغل والتعزيل وترتيب الميوزه والبردات وتعليمها نزلنا اعلان وهالسوالف للموضفين وبده العمل خلينا البضاعه وبالمخازن ورتبناها لليل روحي طلعت رجعنا من وكت واياد متعب اكلنا وكبل نمنا
ثاني يوم الفجر كعدني اياد وفعلا تريكنا ورجعنا لعقره لنفس المكان بقينا ندور لحد ملكينا البيت اياد صعد ركض بالدرجات دك الباب صاح الان ماكو رد مد راسه
وين دتدور
سيروه سادو النحاله شو كل احد ماكو بقيت اذور لمحت سيروه من بعيد شايله نجانه الخبز عراسها يم تنور الطين تقربت منها اضحك سيروه بس شافتني كامت تدردم وتصيح عليه شكوو شبيها هاي باوعت لياسر دتفهم شي
لا كفيلك العباس
بقيت اباوعها مستغرب اشرت وينهم اشرتلي كلبجان فتحت عيني دفعتني بغضب هاي بس لا عبالهم احنا البلغنا كامت تشمر بالحجاره علينا انهزمنا واني كطره حيل مبقت بيه متت قهر باوعت لياسر مو كتلك اتقى شر من تخسن اليه
احنا شعلينا كلشي محجينا وكضيناها تلزك
والله مااعرف صار سنتين محد يعرف مكانهم ليش من جينا
هاي نوع من الحظ الحلو كمت اكل بروحي حسيت اختنكت وكف السياره ياسر
وين بعد
وككمككككككف.
اي اي لتصيح نزلت. من السياره دخت حسيت روحي حتطلع ذبيت من راسي وكعدت خليت راسي بحضني. اريد ابجي اريد اصيح مااكدر اخانكت اريد اتنفس ياسر يصيح لك شبيك
ولك شلون البنيه عميه
من
ولك جيلان بت اخووو عميه وين راحت هسه ضل صافن بعيني كله وجمن وره جهرتي اننني فكر وحق الله اني فكر شون شسوي وين الكاهم شون اساعدهم
بابا دمشي احنا شلنا دخل
توديني للمركز واطلع منها ارجع لاهلك
لك بابا شمعرفنا يامركز راحو وشمعرفك باسمه الحقيقي احنا لغتنا منعرفها نمنا سبوع هنا
احاول امشي ارجع من ورايه لو اعرف اروح للسجن
دكل تبن ارهابيين بابا
داكولك مالك غرض ملازم اني اروح وحدي وكفت امشي صاح
والقران هسه اخابر فاروق اكوله اخوك حيذب روحه بتهلكه اني مطلعك اونسك لو اذبك تسعه باسود
ياسر شون فهمني شون اتركها
انت مو تكول اهل امها. جانت عايشه يمهم هسه ترجع لهناك امشي عمي شلنا غرض الله يدري لا النا دخل ولا حجينا اصلا غطينا
نصيت راسي مايس صعدت بالسياره مجبور -----
ا
