رواية الرفاق💕

الحلقة الثانية

(الحلقة التانية)                                                 رفاق السوء من كتاباتي♡عاشقة الفردوس♡

دخلو كل الطالبات لفصولهم وبعد دخلو وزعو عليهم كتباهم وكتبلهم جدولهم ع السبورة  
و ضرب الجرس وبدت الحصة لأولى
سنة أولى تناوي عندهم حصة رياضيات    
الأبلة زينب : خشت للفصل السلام عليكم
الطالبات : وعليكم السلام ورحمة الله وبركاته
الأبلة زينب :كيف حالكن يابنات وشن أخباركم
الطالبات : تمام بخير
الأبلة زينب :يلا نخش ع الدرس طول وبعدين نتعرف عليكم
والأبلة وهيا تكتب في عنوان الدرس ع السبورة
نوال (بهمس) أففف تو هادي شن جابها من أول يوم
مودة: تشن ماتعرفهمش أبلات رياضيات مايغبوش بكل تقول بيعدمهم كان غابو
الأبلة زينب: عنوان درسنا اليوم"الكسور العشرية"
  نوال: ان شالله الطيحي وتنكسري ع عشرة
سمعها الطالبات يلي مقعمزين قدامها وقعدو يضحكو
الأبلة عصبت شن يضحك فيهم يلي ماتحشمو هالمرة سامحتكم المرة الجاية طرد طول
خافو الطالبات وسكتو وبينما لأبلة تشرحلهم في الدرس نفتح باب الفصل وخشت طالبة طول لا سلام ولا كلام خشت وقعمزت في كرسي بروحى
الأبلة والطالبات مصدومات فيها ومن تصرفها
الأبلة زينب: هي نتي ياطالبة من سمحلك تخشي بدون ماتستأدني
الطالبة: ساكتة ومطبسة راسها وماترد
الأبلة زينب خافت منها وسكتت قاعدت تفكر زعما شن قصتها هالبنت شوي و ضرب الجرس تمت الحصة وطلعت لابلة زينب ومشت لحجرة الأخصائية

طبعآ الطالبات أول ماخشو للفصل كل صحبات اخترو كرسي يقعمزو في معا بعض
الطالبات مودة ونوال والأء قعمزو في كراسي لخيرة عشان يخدو راحتهم في الهدرزة والغش وعشان يتواصلو عما اصحابهم بدون ماحد يحس عليهم ع خاطر مقمعزين في لخير
اما جوري ومريم ومرام قعمزو في أول كرسي لأن هما طالبات شاطرات ومحترمات

وصلت الأبلة زينب لحجرة الأخصائية خشت وهيا ع وجها علامات الصدمة
الأخصائية خير يابلة زينب الطالبات ضيقوك بشي
الأبلة زينب لا لكن
الخصائية : احكي يابلة زينب خير شن فيه
الأبلة زينب:كنت نشرح لطالبات عن الدرس فجأة خشت طالبة واحكتلهم عن القصة وتبي تفهم منهم شن قصتها
الأبلة فوزية: هدي البنت خوها جابها وقال للمدير هيا خجولة هلبة وتحب العزلة عن الناس ديرو بالكم عليها الأبلة مباركة : والله عجيب معقولة تو هيا تقرى سنة أولى تناوي وقاعدة تخجل من الناس
الأبلة فوزية : نا مش مصدقة كلام خوها أكيد وراها قصة هالبنت
الأبلة أمنة : خلاص حنى تو نسايروها ونصبرو عليها لين نفهمو قصتها حنى أخصائية لازم نحللها مشكلتها
الأبلة زينب :يلا نا مروحة سلمت عليهم وروحت              طبعآ اللي جتهم اسمها"هبة"تو تعرفو قصتها في باقي الحلقات
بعد خدو تلاثة حصص نضرب الجرس وطلعو استراحة
مودة: هيا فساع نمشو للحمام ونديرو مكياج خفيف ونكلمو اصحابنا
نوال والأء: شن هبلتي نستي لأخصائيات قالو ممنوع تخشو بلا استئدان و يراقبو فينا وين نمشو

مر شهر ع المدرسة وفي هالشهر كانو لأخصائية طاغطين ع الطالبات ويراقبو فيهم وماشفوش اي تصرف غلط من الطالبات بعدها رخو بالطالبات ومعاش يهتمو بهم زي قبل وبعض الطالبات في اللحظة هادي استغلو الفرصة وخدو راحتهم ع أساس محد يراقب فيهم ولاحد يندري عنهم ونسو إن الله تعالى يراهم من فوق سبع سموات

يتبع................