سأتخلي عن أمومتي لأجلك

الحلقه التامنه

هما ووسيم جي سلم عليهم وسألهم على محمد وخدي منهم الحاجات ووصلهم للحوش وطول الطريق يشوف لي أيات وهي تشوفله حست عليهم جنات وشكت انه في شي ..
جنات :ماما خلينا نخشوا للمكتبه عندي كتاب نبيه
حياة:باهي خشوا هي
جنات : لا روحي ياأيات هوا الحوش قريب بابا قاعد بروحه ووسيم يوصلك مش براني هوا 😉
حياة :باهي خلاص وصلها ياوسيم
وسيم :حاضر
أيات مقلتش ولا كلمه خشت جنات وأمها ووسيم وأيات مشوا
وسيم :أيات كيف حالك ؟
أيات :الحمد الله بخير وانت كيفك؟؟
ياأيات أنا بنقولك حاجه بس متزعليش مني أرجوكي
أيات:شن في ياوسيم مش حانزعل
وسيم :أيات أنا نحبك والله من أول ماشفتك وأنتي كل حياتي وطول الوقت نفكر فيك أنا نبي نكمل حياتي معاك نكملوا التانوي ونخطبك وبعد نتخرجوا من الجامعه نتزوج شني ياأيات قولي حاجه متقعديش ساكته أرجوكي ...
أيات :.........  .....من غير متتكلم بي ولا كلمه 😮
وسيم :أنا أسف ياأيات 😳
وصلها للحوش ودخلت الحاجات ومشي وسيم وهوا حامق 😵
خشت أيات للحوش وهي طول الوقت تفكر في كلام وسيم ....
روحن جنات وحياة مشت حياة دست الحاجات عن مايشوفهم محمد وتخرب المفاجأه
خشت جنات على أيات وسكرت الدار وقالتلها ها شن صار
أيات :فيش ؟؟
جنات:في وسيم أنا لهيت ماما ودخلتها للمكتبه عليشان حسيت انه في كلام وسيم يبي يقوله
أيات :اه ايه أنا مضايقه ياجنات وقعدت تبكي 😭😭
وسيم قالي انه يحبني ويبي يتزوجني
جنات :كويس وعلاش تبكي ..أنتي تحبيه ؟؟
أيات :مش عارفه ياجنات عقلي ملخبط بكل
جنات:لازم تحددي موقفك تبيه وإلا لا ..  شن قالتيله لما قالك نحبك؟؟
أيات :مقلتش ولا كلمه
جنات :اكيدا يحسابك تحبي في واحد تاني !!
أيات :لا والله منحب واحد كان هو 😢وهي تبكي قالتها عفويه
جنات :هههههههههه😄قلتيها بروحك أصلا واضح عليك
أيات :هههههه ايه والله نحبه ونموت فيه 😊
جنات:باهي شن تقوليلي فيها أنا قولهله هوا
أيات :ايه بنقوله كل شي شكرا ياجنات لولاك معرفتش نتصرف
جنات :ولو احني خوات يالله امسحي دموعك قبل متجي ماما ...
ناضن جنات وأيات دارن لعشاء ودارن محلبيه ومحمد يقري في أمين وأمير حياة خشت لي دارها وسكرتها عليها  وتصلت بي صاحبتها وتفهمت هي وياها يوم الأربعاء تحجزلها في المزين .  ...
تعشوا وضمن أيات وجنات الحوسه وجابن لمحلبيه والفواكه ويأكلوا ويتفرجوا على التلفزيون ويهدرزوا ويضحكوا وأخيرا رجعتلهم البسمه من جديد.....
جنات تليفونها يتصل خشت بتأخده من الدار رفعت التليفون ولقت 5 مكالمات من رقم غريب وبعتلها رساله قرتها ونصدمت معاش عرفت شن ادير لقت مكتوب في الرساله .......

❤❤❤❤❤❤❤❤❤❤❤❤❤❤

إلي اللقاء في الحلقه القادمه

للكاتبه:( نسرين محمد)