كان ابالي اكتب هوايه احداث بهذا الجزء بس لاسف الوقت مااسعفني وتاخرت حيل عليكم لذالك اضطريت اختصر الاحداث اتمنى تنال اعجابكم
وعد : رجعت للبيت وترف راحت لبيت امها ومرت عليه يومين واني حاسس بفراكها البيت فارغ بدونها احس كلشي جان اله نكه مختلفه بوجودها ... طبعا الهادي بدون مشاكل هي جانت تفتعل مشاكل واني اعرف بيها تتقصد هيج اسوي بس احب شيطنتها .. حسيت اماني مرتاحه حيل نفسيتها مرتاحه ماالومها بشي حقها بكل شي لان اني هم احس بديت اميل بمشاعري ل ترف واحبها ....
ترف : رجعت ل حياتي الطبيعيه يم ماما ورجعت اتواصل ويا صديقاتي مرت عليه الايام طلع قبولي بالجامعه فرحت كلش نسيت وعد ونسيت السماوة وحاولت ارجع حياتي لطبيعتها بس من اصفن احس اكو شي نقص ....
وعد : مرت اسابيع وترف ماكو منها اي اتصال واي اريد اتصل ومااعرف شنو الي يمنعني تاثرت حيل بغيبها لا اكلي مثل العالم والناس ولاكعدتي مثل العالم والناس الكل بده ينتبه عليه واول وحده اماني اكثر من مرة باليوم تسألني شبيك
علي : مرت علينا ايام واني احس تغيرت نفسيتي ارتاحيت وبالذات من اسمع اخبار ترف وهي مرتاحه ابغداد ارتاح ازيد ... صار لازم افكر باسماء لو تجيني زوجه لو اطلكها وكلمن يروح بحال سبيله ... دزيت ناس على الشيخ حتى يتفاهمون وياه ويشوفون حل ميصير البنيه تبقى هيج معلكه
اسلام : بده الدوام وصار لازم اروح لبغداد رحت وداومت والمصيبه شفت ترف اداوم بنفس جامعتي تخبلت من شفتها شكد جانت تلفت نضري بلبسها واناقتها هسه كلشي تغير هاي صارت عرضي وميصير هيج اسوي ... ردت احجي بس بعدين غيرت رايي هاي مخبله ومااستبعد اسويلنا فضحيه بالجامعه
اتصلت على وعد وكتله السالفه حتى هو يصرف اول مرة احس وعد هيج عصبني ومجروح .. تاكدت هو يحب ترف ومجنون بيها <br>
وعد : اتصل عليه اسلام وحجالي على ترف وانو هي اداوم بالكليه تخبلت من برودها وهمالها اليه متوقعتها هيج رح اسوي ولا كانما مريت بحياتها ... اتصلت عليها ومارد عليه ورجعت اتصلت وماكو رد ... اعصابي انهارت تخبلت; ..اول وتالي تبقى مرتي اذا رضت ولا مارضت ...... عفت الي بايدي شغلت سيارتي ورحت لبغداد وقبل مااوصل اتصلت على اسلام كتله اطلعلي ل باب الجامعه جان الدوام تقريبا رح يخلص ... قبل ميطلع اسلام شفتها طالعه من الباب ويا اثنين من صديقتها بدون ماافكر نزلت وكفت كدامها هي حسيتها طارت من الفرحه جتي ركض عليه تصرفها هذا مخلاني اكدر احجي على دوامها بدون علمي ولبسها
ترف : شفت وعد كدامي احلى مفاجئه هاي ممتخيله رح اشوفه كدامي رحت اركض عليه وبسته بالشارع هو حسيته غرك بهدومه من الخجل وجهه صار احمر واني اباوع عليه ومبتسمه
وعد : ليش هيج حتى اتصال مكلفتي نفسج وتتصلين
ترف : اعرف بروحي غلطانه بحقه مكدرت احجي شي نزلت راسي وسكتت
وعد : كل يوم انتضرج تتصلين واني ولاكانما موجود بحياتج
ترف : ليش متصلت عليه انته
وعد : مااحسج مهتمه ومردت اثر عليج انتضرت فترة ردت اشوفج هم تحسين بغيابي ..
ترف : اكيد حسيت بغيابك وانته اكثر شخص افتقدته
وعد : خلينا نمشي هسه هذا وين صار الاخ
ترف : اها كول هيج واني اكول شمدريك اني هنا ... ثاري اسلام فتانه وكراشه ... بعدنا بهل الحجي جا اسلام ...
وعد : يله امشو خل اروح للبيت ...
ترف : وين للسماوة
وعد : لا للبيت الي ساكن بي اسلام بيتنا هنا
ترف : اوك بس اتصل على ماما
وعد : رحنا للبيت عافنا اسلام وطلع واني اباوع عليها اكلتها اكل بعيوني ياربي شنو هل الجمال هاي جانت لابسه تنورة قصيرة سودة وبدي ابيض وسعرها نازل ومخليه قراصه حمرة بشعرها احساسي كان موطبيعي تجاهه حسيت برغبه اريد المسها واحضنها ... بس خفت تصدني وتبتعد عني بديت احجي وياها واسالها حاولت اتقرب منها بالكلام واعرف شنو مشاعرها تجاهي
ترف : وعد بدون هذا الحجي الي حجيته اني اعرفك شتريد
وعد : تفاجئت من جرأتها واسلوبها بالحجي .. كتلها شنو الي اريده
ترف : اني رح اسألك سؤال وانته جاوب عليه وبعدها اكولك كل الي تريده
وعد : اسألي
ترف : انت تحبني
وعد : اكس لوني تغير ووجهي كام يطلع نار ... بس كل الي كلته اني اتنفسج
ترف : وانته الشخص الوحيد الي حسيت برجولته وتمنيت يصير اليه صح مااكول هذا الحجي حتى بيني وبين نفسي بس لازم احجي اني احبك وعد ومستعده ارجع وياك للسماوة
وعد : ترف صدك تحجين كمت شلتها وحضنتها من فرحتي نزلتها على كيفي للكاع واني حاضنها من خصرها بستها من ركبتها جانت اول مرة المسها بيها ... حركت كل مشاعري تجاهه رجفت كلبي بمجرد مالمستها بدون مااحسن بديت المسها وابوس بيها سحبتها على كيفي لغرفه النوم واخذت حلالي جان شعور ماينوصف اول مرة احس بهيج احساس صح اني متزوج واليه فترة بس لما صار هذا الشي ويا ترف الانسانه الي احسها ويا الهوة كلشي جان مختلف احساسي بيها ماينوصف ... بعدها حسيت براحه بقيت فترة منيمها بحضني والعب بشعرها حجينا هوايه شغلات واتفقنا على حياتنا شلون رح نرتبها
ترف : وعد صار زوجي رسمي واتفقنا اني ابقى ابغداد لحد مااخلص دراسه وطبعا وعد يروح ويجي عليه طبعا طردنا اسلام من البيت واحنا واحنا احتلينا وهو راح اجر شقه بفترة الي يجي وعد لبغداد احنا نكون ابيتنا وفترة غيابه اني يم ماما طبعا تغيرت كلش تصرفاتي تغيرت ولبسي تغيرت صار محتشم اكثر وتحجبت .. وعد كالي اطي خميس وجمعه بس هو يكضي الاسبوع يمي ويروح خميس وجمعه ...يمي ويروح خميس وجمعه ... طبعا اماني صارت حامل ومبقى شي على ولادتنا الحجي بيناتنا اني كمت اغار منها وقررت اصير حامل بس الله مراد هوايه راجعت دكتورة بس بدون علم وعد لان هو ميريد طفل هسه يكول خلصي دراسه بالاول
وبعد مرور اربع سنوات
وعد : ترف خلصت دراستها ورجعتها ويايه للسماويه وهسه ساكنين كلنا ابيت واحد اماني مرات تضوج وتغار من ترف ..بس ترف هي ترف واسمها عليها ولسانها عسل بكلمتين تراضي اماني طبعا صارن عندي 3 بنات وترف كلش تحبهن وهن هم متعلقات بيها علاقتها تحسنت مع خواتي البنات وطبعا ومع اهلها وكامت كل اسبوع تروح تزور ابوها ... اسلام تزوج بنيه من بغداد يحبها قبل سنه وهسه عنده ولد وسماه امجد وطبعا علي اخذ مرته الي اختي يمه وهسه عنده اطفال اثنين بس لسه العلاقه متوترة شويه لان علي دائما يحس بالذنب .... بقى احلى شي بحياتي مكتلكم على ترف حامل بالشهر السابع وصايرة مثل البطه ننتضر ولد انشاالله ورح نسمي ايهم
خلصت قصتي وياكم اتمنى نالت اعجابكم ... انتضروني بقصه جديده واحداث جديده
مع تحياتي
missroro17
