🚫🚫 في قلبي انثى دكالية 2 🚫 متوقفة 🚫

30

مني دخلت ريتاج نعسات حدا ملاك فوق الناموسيه بطلب منها وغاصو  ف نومه تمناو يريحو فيها ماداز عليهم وخا ملاك مره مره كاتقفز. بالاحلام لي تايجيوها

اياد لي طيب قنوفتو لتحتانيه بالعضان بفقايص ريتاج خرج برا للجرده شعل كارو حتا بان له اسلام داخل من الباب هاز راسو للسما تقول مواقع والو... شافو ووقف عندو  سلم عليه: صافا اسلام كانصوني لك و تلفونك طافي
اسلام: ديشارجا ليا... كيف بقات ملاك
اياد: شويه وصافي... اجي ناخدو شي كافي ونهدرو
اسلام: نمشي نشوفها ونجي
اياد عزف راسو الا عكس معاه ما يصور والو: دابا ناعسه يلاه دقو لها برا حيت جاها. انهيار عصبي... نمشيو حنا نهدرو و نرجعو عندهم
اسلام تمشا مع اياد بلا كلمه بلا جوج
مشاو لقهوه اونفاص مع لوبيطال.. خداو بجوج قهوه كحله
اسلام: كلات ملاك شي حاجه؟؟
اياد:شويه وصافي... سكت مده وكمل: ممكن نهدرو بالعقل.. علاش درتي ليها هاكا و من كاتبغيها علاش ماجيتيش عندي قلتيها ليا نلقاو حل
اسلام ننر نتره من الكارو وهدر :من ديما.كانبغيها وكانحاول نصبر ونغطي حبي لها ولكن وصلت للحد.. انا براسي ماعارفش كيفاش وقع هاداكشي جاب ليا الله بحالا غير تانحلم
اياد: دابا اليي وقع وقع... انت و ملاك مستحيل ترجع علاقتكم كيف كانت هي كاتكرهك.. وكانضن من حقها
اسلام: عاااارف... ولكن مستحيل نخليها ولا شي حاجه. ف حال هاكا
انا مستعد مم دابا نمشي لعند الواليدده(ريهام) نقولها بغيت نتزوج ب ملاك
اياد: ههههه والله حتا كترت الهم كاضحك تخطب ختك واش صافا... المهم نعطيو لهادشي شويه الوقت.. ملاك اتخرج ليوما كانت ناويه تمشي للدار بزز باش شذيتها حتا تكمل هاد الايام.. نتمنا منك تفرق عليها و ماطوفش ب ساحتها. . هي اصلا نفسيه زيييرو. وخا تبين لك العكس
اسلام ماجاوبوش ووقف برا تايتكيف حتا لحق عليه اياد... عطاه سوارت اللوطو وطلب منو يتسناه تماك بيدما خلص الوراق ديال ملاك باش يخرجو... وفعلا سلاهم ف ربع ساعه...وتوجه لعند ملاك لي لقاهم مازال مخشيين ف بعضياتهم... :يلاه وجدو ريوسكم باش نمشيو...خرج يتسناهم برا حتا جات الفرمليه حيدت لها السيروم وخرجت معكزه علا ريتاج لي لبساتها سيرفيت  ودايره بنطوفه ف رجليها... شد منها اياد لي من جهه وريتاج من جهه تايمشيو معها علا قد خطواتها اولا لانها سخفانه مع الدم لي ضاع زائد الحريق ديال التحت لي مكرفسها كيف كاتحرك كاتوعت... خرجو من الباب و ضرب فيها البرد لي خلاها تغمض عينيها بدون شعو ر.. حلاتهم ولقات عينين ف لوطو مفيكسين فيها.. كان اسلام لي مقابلها.. بلا شعور زيرات علا اياد زعما هادي هي كلمتك...جاوبها حيت فهمها... ايسوق بينا انا ماكانقدرش نسوق راه مخيط يدي
ملاك: لي انتبهات ليدو: اويلي مالك وامتا
اياد خنزر ف ريتاج لي حاصيه معاهم وطالقه و ذنيها: والو اواحد الشمكاره سخن عليها راسها
وصلت ملاك حدا لوطو حلو الباب و غير شمت ريحتو لي معمره طوموبيل بدات كاترد حسات بجوفها ايخرج...بقات شاداها ريتاج حتا كملات علا خاطرها اما اسلام مني شافها كان بغا يهبط عندها ولكن غمزو اياد باش يجلس بلاصتو.. جالس و كارز علا الفولون تايشوف فيها كاتقطع باغي يشدها ويعنقها ويمسح لها علا شعرها.. ماعارفش انه مجرد ماشمات ريحتو تغيلف عليها خاطرها....جاب اياد قرعه الما وبدا تايغسل ليها ف وجها قدام اسلام لي النار شاعله فيه.. ماتايحمل حد يقيسها ولكن ماعندو مايدير كون مابفعلتو كاعما يوصلو لهاد المواصل...مم بعدما رجعت الروح ف ملاك ركبتها ريتاج لور و جلسات حداها... تكاتها علا كتفها و ملاك غمضات عينيها ماحاملاش تشوف فيه ريحتو خنقتها بقا عليها امتا توصل و تغبر من قدامو...
اما اسلام دقيقه يشوف ف الطريق و 10 حاضيها من المرايه حتا تاينغزو اياد يقابل الطريق حسن مايديرو شي كسيده.... الطريق طواااااالت بالنسبه للكل لان التوتر مالي المكان... بعد مده وصلو حدا الباب....نزل اسلام هو الاول تمشا شويا علا رجليه مبعد عليها عرف انها كارهاه وخلاها علا راحتها علا الاقل هاد الفتره... حاولت معاها ريتاج تطلع بالشويه اما اياد ف سبقهم طلع للدار مشا جمع بيتو بالزربه فرش لها مانطه جديده..ذخلو البنات وجلسو ف الصالون بالاخص ملاك ليكاتحس براسها عملت مجهود ولات كاتنهج... بقات هاكاك حتا ارتاحت.: ريتاج ديني نعس
اياد: دخلي لبييتي
ملاك: شافت فيه وابتسمت ابتسامه شكر و امتنان انه فهمها ما اتقدش تنعس ف البيت لي تغتاصبت فيه
دخلات لبيت اياد.. غطاتها ريتاج باست لها راسها وخرجت.. دخلت للكوزينه كاتحل ف التلاجه و اياد واقف تتيشوفها اش تادير... جبدت شي خضره كانت تما.. غسلاتها و نقاتها باش دير لها لاسوب..شعلت عليها البوطه... مشات للبيت جبدت بزطامها وغاده تحل الباب... حتا وقفها صوت اياد: فين غاده
ريتاج جاوباتو بلا ماتلفت: هابطه نتسخر
اياد نايتمشا جيهتا: اشنو خاصك
ريتاج: شوف اياد ماحدي انا و ملاك جالسين هاد الايام معاك حنا انصرفو علا راسنا
خنزر فيها ودفعها علا الباب: قولي اش باغا حسن مانسيفط مك تنعسي حدا صاحبتك
ريتاج: عرفت راسو قاسح: جيب الطحال... بغيت ربي يطحن لك المسارن... زادت دخلت للكوزينه ترضخ وتنفخ....
اما هو بكتره الفقصه جاتو الضحكه مني دعات عليه هاديك الدعوه