6
مااوصف الكم سعادتي بهذا اليوم
بعد ما خابرت مسلم.... كالي اليوم ماراح اجي
مشغول كلش .... وعذرته لان فعلااا مايلحك خطيه
وعمال وبناء
امي خابرت علئ ام مسلم
واتفقوو
باجر يجي مسلم وعمه......
وصار باجر واني اسعد وحده.....
وصار باجر...,رتبت البيت .... وسويت حلويات
وكيك وزنود الست..... وعصائر .... وكذا
رتبت نفسي توب...
صار الليل واجت ام مسلم واخته الجبيره
ومسلم وعمه.....
قدمنه الهم ..... الضيافه
وبقوو يحجوون مواضيع عامه
واتفقو مهر 5 ب10
ووافق مسلم.... وعمه... بقوو ساعه ونص تقريبا
اني لبست فستان قصير موف كلش حلووو
وسويت تسريحه بسيطه
مكياج خفيف..
ام مسلم كلش حبتني
اخت مسلم...... شوك
نعم
مسلم دزلج امانه
شنوو
هاج...
علاكه نازكه وبيه يمكن كارتون
اخذته.... شكرا
فتحته.... موبايل C1. طبعا توه نازل بالاسواق وغالي كلش
بيه خدمه وسائط ارسال صور وفيديوات
فرحت كلش بيه
امي.... لا ام مسلم ماناخذه هس... لمن يصير شئ رسمي
شالقصه ام مصطفئ... هو موبايل وانتي تعرفين هو يتخابرون
بعد ليش ترفضين.... هذا هديه بس
امي سكتت
وسن.... يله يمه عادي ..هو يومين ويعقدون شيخ انشاءالله
اني... ساكته
امي .. اشرت الي يعني اوك اخذيه
اخذته ... وخليته يمي
شوك
نعم خاله ام مسلم
ترئ مسلم طيب ... صح هو عصبي بس ماكو نفس كلبه
شايل البيت كله.....
اخوانه واخواته كلهم هم شايلهم وواكف الهم
اني اعرفه خاله
والله ياام مصطفئ حته اخوانه لكبار هو شايلهم طبيبهم كهرباتهم كميتهم.... كلها عليه
