مساء الـوورد
الفصل الثالث ..الجزء الـ. (2)
#حرير.... #دحام...#بعد_منتصف_الليل
#بـقلبمي .. #نـشوى #السلـطان
♥️♥️♥️♥️♥️♥️♥️
دحام.. طلعت عاالسيارة شغلت لفت جدام الساحة صعد محمد ومشينا
سهام... شلت التلفون .. خابرت على سحر ماترد اريد اشوف شنو الاخبارر.. بقيت كاعده وانتظر وين ولت هاي
حرير... عمة شنو الصاير منو هذول..
ام رعد.. يعني منوو عبالج شمة مگطوعه من شجرة لا عيني مثل ما هججتيها بمكرج وسوالفج.. الا اكسر خشمج واردها لزلمتهااا
ام حسين.. اصبري شبيج خل نحجي بتفاهم موهيج
حرير.. شهالحجي هذا.. عمه انتي احجي.. اني شنو ذنبي هي عافته مواني ..لا تحجون هالحجي اني ماعليه
ام رعد.. دحكوووو شنون تتمسكن ولج صدك لو كالو تقتل القتيل وتمشي بجنازتووو
ام دحام.. شو هيج الحجي ام رعد ماهكيتها منج يعني مو وكته هالحجي بنت اختج هي اللي كامت اتطاول على
زلمتها وتحجي حجي كبار ماينسكت عليه شتتوقعين زلمة وحرمته تكله اذا انت زلمة طلگني .. تقبليها عجل يسكت
اذا هو يسكت الناس تبقى تظحك عليه
ام رعد... طبعاااا يسسسسكت البنيه محروگ گلبها وبحزة عصبيه كالتها المفروض يتجفة الشر ويسكت لو هو رادها من الله حتى يطلك
ام دحام.. ياحزة عصبية اكولها وداعتج اكثر من مره عادتها . وحتى من سافر وماندري بي اتكول هاي حوبتي
اني الصدك انقهرت منها شنون تكول هيج على زلمتها
حرير.. اني اروح خاله .. عن اذنكم...
ام رعد... اسمعي اكلج لا تروحين احنا هين جايين انرد شمة الدحام مانقبل تفكين حلگج وتكولين ماترجع افتهمتي
شمة هاليومين ارجعها الزلمتها كافي شفتوها مالها احد اكلتوها اكل وكطيتوها على اخوهاا
حرير.. اني شعلي كاعده تحجين هالحجي اللي عدكم شي تريدون تحجو احجو الدحام وبعد لا تصيحين عليه
عيب عليج انتي بمثابة امي وحترمتج بس كافي حجي ماله داعي... شذنبي اني كتله رجعها يله اوفق عالزواج بس هي رفضت ماقبلت ترجع
ام رعد...لا والله من رحتي واخذتي الزلمة من حرمتو وفريتي عقلو وخليتي مايشوف غيرج شتتوقعين من خربتي
بيتها تريدينا نكوم نشكرج ونبوسج والله عجبتي على هيج
بنوات يخربن بيوت ولا مهتمات
سحر... طبيت للغرفة اطگ اصبع وهلا هلا ست حرير اين المفر اليوم كله ضدج 😃🤣 شلت الجهاز 3 مكالمات لم
