احكام لعبه

الحلقه الاولى

محمود مهندس وسيم ورياضى عنده٣١ سنه ابن لمحامى شهير
رنا فتاه جميله وبنت بلد عندها٢٣سنه وتعمل بائعه فى مول
محمود:ااااااااه ليه ليه ليه انا قصرت معاكى فى ايه عملتى كده ليه  رنا:لاحول ولاقوه إلا بالله  بينه على آخره وبعدين لو متصرفتش هيذلونى اعمل ايه
محمود:(بيصرخ) خاينه خاينه (وراح قالع دبلتها من ايده ورميها على طول دراعه)مش عاوزك ياخاينه
رنا:يا ختتتتتى دا محروق من واحده على كده لو شاف ست هيولع فيها (رجعت تجرى على اصحابها )لا العمر مش بعزقه 
ريهام:نعععم ياختى انتى تتفذى متستهبليش وبعدين انتى بتحكمى بالعن من كده
رنا:آه بس دا شاكله مراته  خانته وممكن يقتل لا يا ماما مش هضيع عمرى اونطه عشان لعبه
سلوى:ملناش فيه
ريهام:متخافيش اول منلاقيه هيأذيكى هنجرى هههههه
رنا:انتو بتهزروا بقولك مش هنفذ
سلوى:براحتك بس انتى عارفه عقاب اللى مبينفذش
رنا:يووووه بصوا انا هروح وذنبى فى رقبتكو(وراحت ناحيته وهيا بتقدم خطوة وتأخر خطوتين وقفت جنبه واتنهدت بصوت عالى انتبه لوجودها فبطل صريخ وكان هيمشى لحد متكلمت)
رنا:ياااه الدنيا واااسعه اوى هة وضيقه اوى واسعه على خالى البال وضيقه على المهموم عارف المشكله أن اللى عنده هم بيبقى مش شايف غيره فبتتقفل فى وشه بدل ما تتحل الهم بيعميه
محمود:واذا ماكنش لها حل
رنا:مفيش حاجه ملهاش حل
بصلها والغضب مالى عينه وقال : مراتى خنتنى عندك حل ليها دى😠
برقت وبدأت عنيها تبص يمين وشمال من غير ما تلتفت له بلعت ريقها و قالت:أحمد ربنا
محمود:نعم
رنا: عندك اولاد منها
محمود:لا
رنا: أحمده مرتين
رنا:انتى عبيطه أحمده على خيانتها مع صاحبى
رنا:طبعا لانك اكتشفت ولان مفيش ارواح بريئه
هتتعذب فى النص وبعدين هى متستهلش وهو مش صاحبك دا واحد بيغير منك ومطالش منك إلا البواقى لانها لو غاليه مكنش طالها و يمكن يكونو ابرياء و تكون غلطان
محمود:غلطان هه فعلا أصلهم كانوا عريانين فى سريرى بيسبحوا
رنا:يا نهههههار اسود هيا وصلت لعريانين وسرير لا بقى افهم😨
محمود: بصى انا هريحك واحكيلك حكايتى كلها يمكن ألاقى عندك حل مين عارف يوضع سره فى أضعف خلقه انا ياستى كنت عايش مع أهلى فى الفيلا بتاعتنا والدى كان هو وعمو وجيه أخوات و أصحاب وشركاء فى مكتب محاماه ويعتبروا اكبر محامين فى البلد لحد ما في يوم والدى كان مسافر بره فى قضيه مهمه والطياره وقعت واتوفى ماما مستحملتش الخبر راحت فيها وفضلت لوحدى عمو وجيه اهتم بالشغل وكان الوصى عليا والصراحة مأثرش معايا عمره ما حسسنى بغياب بابا كان بيعاملنى زى اسعد ابنه وأحسن وكان بيفضلنى عليه كمان وأسعد كان بيعتبرنى أخوه وعمره ما أتشاكل معايا كان أخ وصديق كبرنا سوا والجامعة دخلناها سوا وكان لنا صاحب تالت هو ماجد ابن خالى واحنا فى سنه تالته اتعرفنا على هاله كانت فى سنه اولى وساعدناها كتير وبقت زى أختنا ما عدا اسعد حبها جدا وهيا كمان وقرروا يرتبطوا وبالفعل أول ما خلصنا خطبها وقررنا نعمل مشروع سوا عمو وجيه وافق يساعدنا بمبلغ صغير من معاه جنب اللى مخنصره كل واحد فينا من مصروفه وقال لى فلوس أبويا موجوده لو نجحنا هيكبر لنا المشروع لو فشلنا مبقاش ضيعتها عشان كده مش هديهالك
رنا:عنده حق
محمود : المهم يا ستى المشروع نجح وساعدنا عمو وجيه عشان نكبر المشروع بفلوس بابا اللى فى البنك وبكده بقى ليا نص المشروع اللى بقى شركه كبيره لها اسمها ووضعها فى السوق وهما كل واحد الربع  خالى تعب وماجد رجع البلد وخليناه يمسك أرضنا كلها ويهتم بادارتها واهو يفضل جنب والده ووالدته وبعد مده سافرت لندن منها شغل ومنها اضطلع على الجديد فى شغلنا واطوره هناك اتعرفت على واحد إسمه شريف ساعدنى كتير وقدر فى فتره صغيره اوى أنه يبقى صديق مقرب وعرف عنى كل حاجه وأما قررت أنزل مصر نزل معايا استقبلنى أسعد وهاله فى المطار وهو كان فيه عمه ومراته وبنته سهر الغريبه بقى أن أسعد وسهر من أول ما شافو شريف و أقربائه كرهوهم فورا وبعد فتره بقوا قريبين منى وخصوصا سهر واعجبت بها واتجوزتها رغم رفض أسعد وهاله ليها وسافرنا شهر عسل وبعدها بشهرين فضلت تزن عاوزة تسافر تتفسح فقلت لها أنى هسفرها وهعملها كل اللى نفسها فيه بس دا لو نجحت الصفقه اللى بعملها واليوم اللى نجحت فيه الصفقه كنت فرحان وفاكر أنى هسعدها بالخبر دا لكن للاسف
محمود:بتجرى على فين كده
محمود:هفرح سهر
محمود:  يييه استنى أما اوصلك لتعمل حادثه 😡
محمود:ههههه مش لدرجه دى عموما ماشى بس أنجز
اسعد:يلا أركب نفسى افهم ايه اللى معلقك بيها كده وبعدين هيا مالها ومال شغلنا
محمود :مراتى و بحبها انا اللى نفسى افهم انت ليه مش متقبلها مع انها بتحترمك جدا وياسيدى هيا مالهاش فى شغلنا بس كانت عاوزة تسافر قولتلها لو الصفقه اللى بعملها نجحت هسفرها شوفت اهى نجحت عشان خاطرها
اسعد:لا والنبى
محمود:ههههههه أنا مش فاهمك بتكرها ليه
اسعد:معرفش انا من أول ما شوفتها مرتحتش  وأنا احساسى عمره ما خيب
محمود:طب يا عم الحساس بس معلش عشانى
اسعد:أنت شاغل نفسك برأى ليه
محمود:لأنك صاحبى واخويا وهى مراتى وحبيبتي ويهمني أنكو تبقوا على وفاق مينفعش أغلى اتنين عندى يبقوا مختلفين
اسعد :  خلاص يا عم سيبك من دا كله المهم أنك مبسوط وادينا وصلنا
طلعت اجرى من على حبيبتى دخلت الفيلا لقتها هاديه ومفيش حد طلعت على اوضتى وأول ما دخلت اتصدمت لما لقتها فى حضن شريف صاحبى فى سريرى وهما شبه عريانين والصدمة لجمتنى مبقتش عارف اعمل ايه استغلوا الفرصه ولبسوا وطلعوا يجروا  شريف هرب  جت تجرى مسكتها من دراعها  : انتى   انتى   ليه دا أنا حبيتك وشيلتك فى عينى ليه
سهر : عشان مبحبكش وأنت لو عندك دم تطلقنى
ضربتها بالقلم وقعت فى الارض وبدات اضرب فيها جه شريف من ورايا خبطنى بفازه على دماغى فوقعت وطلعت تجرى هيا وشريف اسعد رجعلى بعد ماكان مشى لأنه لقانى نسيت الموبيل لقائهم نازلين يجروا  قلق خصوصا هو مش بيرتاح لهم الاتنين نزل جرى وطلع يدور عليا وينادي عليا لقانى مبرضش فضل يدور وبعدين طلع يدور لقانى واقع على الأرض دماغى بتنزف حاول يفوقنى وطلب لى دكتور جه الدكتور وعالج الجرح وقاله:الحمد لله الجرح سطحى وهو دلوقتي كويس بس يفضل يرتاح شويه وميتعرضش للشمس كتير
اسعد:بس دا اغمى عليه
الدكتور:من أثر الواقعه ذى ما قال ولو انى مش مقتنع لان واضح انها خبطه وهو مش عاوز البوليس ياخد خبر عشان سمعته وانا مقدر ده بعد إذنك
اسعد:اتفضل (وراح لمحمود يطمن عليه)عامل ايه دلوقت
محمود:الحمد لله مفيش داعى تفضل روح عشان مراتك متقلقش
اسعد:أولا يا سيدى أنا كلمت هاله وقولتلها هبات عندك وهيا وافقت دى كمان بعتالك سلامات وتحيات (هاله مرات اسعد ووالدتها تركيه بس هاله بتتكلم مصرى كويس لأن باباها مصرى اتعرفت على اسعد فى الجامعه وحبو بعض واتجوزا وخلفوا بنوته اسمها يارا ودا كان اكبر حافز ليه عشان ينجح فى شغله وشارك محمود ونجحوا سوا هاله بتعتبر محمود اخوها وهو كمان ومكانتش بترتاح لشريف وسهر ابدا) ثانيا لو على الكلام انا مش هسالك  فى حاجه خالص لحد ما تطلب انا طلبت دليفرى قدامك خيارين يا فيلم يا متش وانا رافتا بك هخليه فيلم عشان لو غلبتك فى الماتش هتتحجج بالتعب يلا قوم بلاش كسل
محمود:ماشى بس عموما انا متشكر ليك اوى
اسعد:لا والله متشكر تصدق لولا دماغك مفتوحه كنت فتحتها لك قال متشكر قال وبعدين انا طالب الدليفرى باسمك يا حلو يعنى مفيش داعى الشكر
محمود:نعم يا أخويا ماشى مردوده لك
صراحه اسعد وهاله مسبونيش وقدرت أخرج من اللى انا فيه وحكيت لهم اللى حصل وبعد يومين لقيت الهانم بعتالى سى شريف وواحد محامى طالبه حقوقها
رنا:نععععم حقوق ايه
محمود:حقوقها منى بعد الطلاق
رنا:طلاق ايه انت مقولتش أنك طلقتها
محمود:ما انا مطلقتهاش لانى كنت فى حاله صدمة من اللى حصل بس هيحصل أكيد مش هسيبها على ذمتي بعد اللى حصل
رنا:ااااه قولتلى طب بقولك ايه منقعد شويه عشان رجليا من الوقفة مش حاسه بيها وضهرى اتكسر
محمود: يا خبر أنا اسف اوى اتفضلى فى العربيه
رنا:نعععم عربيه ايه لا يا بابا احنا نقعد هنا  لو بس معاك جرنال افرشه وهنسند على السور ااااه يا ضهرى ولو مش موافق همشى اه
محمود: خلاص خلاص براحتك ثانيه واحده (راح جاب جرنال وفرشوه وقعدوا يتكلموا بس أصحابها تعبوا وراحو لها)
ريهام:رنا شكل قعدتك هتطول لا لا متقوميش اسمعى هنخلص مشاورنا ونرجع لك وبعدين انتى اصلا مكنتيش حابه تلفى  المهم أما نرجعلك هنمشى على طول فاهمه
رنا :ماشى بس ماما
سلوى:وهيا هتعرف منين متخافيش وراكى رجاله
رنا:ههههههه انتى هتقولى لى  ما أنا عارفه عموما انا هنا لحد ما ترجعوا
ريهام وسلوى:باى باى يا قطه
رنا:باى باى يا قطط هه يا انى كمل يا عم الحج
محمود:ههههه ربنا ما يحرمك منهم
رنا: يا رب يا اخويا ونفضل فى ارابيز بعض على طول المهم مكملتش عملت ايه
محمود:مسكت فى خناقه طبعا ولولا ان اسعد كان معايا كنت قتلته وطردته بره و اسعد قال للمحامى أننا  ممكن نسمع كل اللى عايزينه ونتفق بس من غير وجود شريف أو وجودها والمحامى معاه توكيل منها يعنى مش محتاجين وجودهم فى حاجه وبعد مامشيو لقيتني
مش قادر حتى النفس اللى فى الفيلا لأن كل حاجه موجوده فيها ريحتها خرجت وقلت لأسعد انى هتمشى بالعربيه لحد ما أهدى لانى محتاج أكون لوحدى وفضلت سايق لحد ملقتنى على الكورنيش نزلت وقفت ابص على النيل لقيتنى شايف صورتها وهى فى حضنه فضلت أصرخ من الوجع لحدما انتى جيتى
رنا:واااااو ايه دا كله دا ولا فيلم سيما بس هابط لكن اللى محيرني أنت حكيت لى كل شىء مع أنك متعرفنيش ليه
محمود:ماما زمان كانت أما تضايق بتيجى تقف على الكورنيش ودايما كانت تقول الكلام عن الوجع بيخففه كل ما تحبس وجعك بيزيد ولما كانت تيجى هنا وتصادف اى حد متعرفوش و يسألها عن اللى مضايقها كانت تحكى كل حاجه وهيا ضامنه ان سرها فى أمان لأن اللى بتحكيله ميعرفهاش ولاتعرفه وإذا صدافته تانى مش هيفتكروا بعض وبعدها تمشى ساعات كانت بتلاقى الحل ولو ملقتهوش يكفى أن نفسيتها بتهدى
رنا:ياااه دا أنا كنت فكره أن مفيش اجن منى لما وقفت معاك لكن صراحه طلعت أنت اللى فى البلالا خالص بس هيا نظريه برضه وأمك دى شكلها كانت طيبه وربنا سترها معاها وموقعتش فى حد كده ولا كده المهم مقلتش برضه هتعمل معاها ايه
محمود:هعمل ايه يعنى هطلقها وأخلص
رنا:نعم يا أخويا تطلقها وتخلص دا ايه دا تصدق عندها حق تعمل فيك أكتر من كده الله يرحمك يا رجولة
محمود:بت انتى اتلمى أحسن لك وبعدين انتى عاوزانى أعملها ايه يعنى
رنا:تاخد حقك تعرفها ان اللى حصل دا مش هيعدى بالساهل توريها العين الحمرا على الأقل متكررهاش مع غيرك وتاخد ثواب
محمود:يعنى عايزانى اعمل ايه أروح اضربها مثلا
رنا:لا يا فتك بص انا هقولك على حل من فيلم قديم مع التعديل أنت ترفع عليها قضيه طاعه وتاخدها البلد تسكنها فى بيت ريفى قديم يادوب فيه الأساسيات وتربيها تعمل شغل البيت وتعيش كفلاحه وتتربى وتوصى عليها الناس هناك يعملوها الأدب خصوصا الحريم وبعد ماتتربى هتقولك حقى برقبتى وهتتنازل عن كل حاجه فى سبيل انها تخلص منك وتحرم تعيدها تانى لأنها واضح انها اتجوزتك عشان الفلوس
محمود:يا بنت الشياطين ايه الدماغ دى تصدقي فكره جوهنميه وعجبتني وهنفذها بس انتى عرفتى منين انى ليا مكان فى الفلاحين
رنا:غبى ما انت لسه قايلى وبالاماره لما ماجد مسك إدارتها ايه هو الزهايمر اشتغل ولا ايه
محمود:أولا متشتميش ثانيا نسيت انى قولتلك هو انا ايه مخى دفتر ثالثا وهو الاهم انتى ازاى تقعدى معايا وتتكلمى وانتى متعرفنيش لأ واصحابك سيبينك عادى كده افهمها دى بقى
رنا:أولا انت اللى شتمت الاول وأنا ماتكلمتش ثانيا الحكايه وما فيها اننا بنحب نلعب لعبه الشايب اللى فى الكوتشينه ونحكم على الخاسر أحكام وينفذها ولومنفذهاش بيتعاقب يمسح السلم بتاع البيت كله بالميه والجاز وبعدها يطلع يقلب على روحه شفشق جاز وشفشق ميه ويلبس هدوم ناشفه من سبت الغسيل الوسخ ويفضل لحد تانى يوم وبعدها يستحمى ويغير هدومه عادى امبارح خسرت وقالو أنهم هيختاروا لى الحكم النهارده طول السكه بيفكروا لى لحد ما شافوك ويا تقفى معاه و تكلميه لمده نص ساعه على الاقل يا الجاز وبصراحه كنت فى الأول مرعوبه منك وحاسه أنك يمكن تقتلني تضربنى من الحاله اللى انت فيها وهما كانو قاعدين بعيد وبيراقبو وسبونى لانى نفذت ولقونى قعدت من التعب ومش هقدر اكمل معاهم
محمود:ياولاد المجانين وافرضى كنت اذيتك او سبتك ومشيت
رنا:وسبونى كانو هيلاقوا حكم تانى ولو اذتنى كانو هيتدخلو
محمود:على العموم انا متشكر للظروف اللى قبلتنى بيكى لأنك بجد افدتينى صحيح مقولتليش اسمك ايه
رنا:مش لازم تعرف خلينا أغراب اتقبلوا وافترقوا وانتهت الحكايه يلا سلام بقى عشان القرود جم
محمود:سلام (قامت روحت مع أصحابها وهو ركب عربيته وطلع على عمه وجيه وطلب منه يرفع على سهر قضيه طاعه وبعدين روح البيت أول ما وصل تليفونه رن)
محمود: اسعد ابن حلال كنت لسه هكلمك
اسعد:لا يا راجل وجاى على نفسك ليه متستنى لما ارن عليك للمره الألف ياراجل دا انا لما كنت مستنى هاله وهيا بتولد متعذبتش كده
محمود :ههههه مش لدرجه دى يا عم عموما انا لقيت حل لمشكلة المدام بتاعتي وعاوز لما تفضى تيجي عشان نكلم ماجد
اسعد:واااو ايه دا معقول تغيب ساعه ترجع متغير كده وبعدين مال ماجد بالموضوع لا دا أنا جايلك حالا لازم افهم فى ايه
محمود:طب يادوب على ما اخد شاور يلا فى ستين داهيه يا قلبى
اسعد: انا وأنت يا روحى غور ياض ناقصه هبل(قفل السكه ودخل قال لهاله ونزل ركب عربيته وطار على محمود كان محمود خد شاور وعمل اتنين عصير لحد ما اسعد يوصل حط العصير فى الثلاجه لقى جرس الباب راح يفتح لاسعد)
محمود :حبيب قلبى تصدق حاسس انى بقالى سنه مشفتكش
اسعد:وله انت مبرشم
محمود:أخص عليك وأنا لو هبرشم هبرشم لوحدى برضه لازم هاخد رايك ليطلع الصنف مضروب
اسعد :لا دا انت ضربت خالص فهمنى بقى انا سبتك ساعه روحت فين وايه اللى قلبك كده صحيح انا مبصوت انك بقيت كويس ورجعت محمود اللى اعرفه بس افهم

بقلم ايمى عبده (إ م ح)