احاسيس مبعثرة💞

# البـ✒ـارت الـحادي عشر

# البـ✒ـارت الـحادي عشر

‏ما زلت لا أدري أيهما يؤلمني أكثر الأشياء التي أفعلها رغماً عن قلبي أم الأشياء التي يفعلها قلبي رغماً عني ..
!؟!؟

بعد مرور شهر

الكل ف هدووء غريب يعيشون ف دوامه من المشاعر

رشاد" يحس باحساس اتجاه دينا مع ان مافي كلام بينهم ولا احتكاك كبير بس يشوف ف اهتمامها بيه وطيبه قلبها مع الكل واشياء كثيره فيها عمره مالاحظها يحس انه بدا معجب بيها مش حب بس مجرد اعجاب قرر ينسى الماضي ويعيش حاضره مش مكتوبله يتزوج يلي يحبها بس ربي بعتله يلي افضل منها مع انها قالت تحب غيره بس من تزوحها للان مالاحظ انها كلمت حد ولا تلاقت مع حد ولا اي تصرف يدل ع انها لها علاقه مع حد فكر مليوون مرة يمكن ديما طلبت منها هكا او يمكن لان قلبها طيب وماتبي تجرحهم هما الاثنين وتعرف انهم يحبو بعض .. قرر يتقرب منها اكثر يمكن تستمر حياتهم للافضل ويكونوا كزوجين طبيعيين💗

هاني " من بعد الموقف يلي صار هداك اليوم ورجع للحوش ف وقت موخر ولا عبر القوانين وبعد ماوصل ف القايله شاف نزار واقف قدام قسمهم واول ماشافه جاه طيران وضربته ولولا خروج رشاد كان دبحه .. من هداك اليوم انعزل الجمييييع وداير اضراب ع المائده يلي تجمعهم والكلية يوم يمشي وعشره مايدورهاش .. ومستغرب من جدته علاش ماتبيش تعاقبه هو بالذات ؟؟

زيد " كان يحاول يتأقلم مع وضعه الحالي ف شقه بروحه ولا من يطيبله ولا يدري عليه حي ولا ميت .. وللان يحس انه تربى ع العز والدلال ومش قادر يتأقلم لا مع الشقه ولا مع الجيران ولا الحارة كلها يلي عايشين ف فقر .. ويحاول قد مايقدر يتحمل لين جدته تعتق رقبته من هالعقاب"

هيثم " لا احد يعلم بحاله وقلييييل مايرد ع اتصالات هيا .. وهالشي زاد من تعبها النفسي وتراجعت للوراء .."

نزار ....... سنديان

نزار ماكان بوعيه هداك اليوم يحس انه كان مغمى عليه او ف شي صارله خلاص يفقد التفكير ويتجرأ ويساوي يلي ساواه مع سنديان ما استاعى ولا حس بنفسه لين رن الجرس نداء للغداء وللاسف بعد ماانهى كل شي .. يعرف انه يلي داره مش حرام هي زوجته حتى لو كان تزوجها غصب وحلالها يغني يلي صار بينهم حلال .. بس ماتخايل نفسه يدير هالشي ابدااا وهو يلي مش طايقها بس مش عارف كيف صار هكا

وسنديان كذالك كانت مخدره تماااااماااا وكأنها بدون وعي

هالموقف اثر ف حياتهم وقلقلها من بعد هذه الحادثه ماصار بينهم كلام ولا احتكاك حتى ولووو بسيط حتى النظرات يتجاهلو ف نظرات بعض وكأنهم فعلو ذنب يخجلو منه

دخل للقسم وهو يحس ان حيله منهد مش من الشغل لا من التفكير فيها وف حياتهم الحالية قرر قرار مش رح يتراجع عنه لازم يعيشو كأي زوجين  ويجيبو اولاد يملو حياتهم .. مافي فايده من هالجمووود يلي عايشينه .. تنهد وتوكل ع الله لازم يصارحها اليوم ويعيش معاها ويعاملها كزوجه وتكون حلاااااااله .. شد مقبض الباب وذكر اسم لله وفتحه بهدوء ودخل وانصدمممممم وهو يشوفها مرمية ع الارض وماسكه بطنها وتتألم بشده قرب منها بخوووف غير طبيعي عليها نزل وقعمز قدامها ومد ايديه يرعشوووا ورفع راسها وشافلها كيف تتألم : دينا