#اول_حب_بعمرك_اني

الجزء السادس

#اول_حب_بعمرك_اني
بقلمي فردوس عبد اللطيف
الجزء السادس حقيقيه
أشتاقلك .. ليس هناك تاريخ ولا شهر ولا حتى يوم معين .. أشتاقلك دوماً وكلّما اشتقت إلَيكِ ساءَ حَالي
هبه ...ماما رحبت بي ودخل بغرفه الخطار
ام هبه وينج ماما اجه خطيبج
هبه ها هذا هو الي رِن الجرس
ام هبه اي بس اشو اليوم ما مرتبه نفسج مثل كل مره
هبه لا هيج خلي اروح لا يضوج
دخلت لغرفه الخطار باوعتله اشرتله براسي هلو
الحمد لله عالسلامه بس مو من كل كلبي لان كنت زعلانه
هو جرني وحظني وباسني بوسه اشتياق واعتذر مني
حسام حبيبي جبتلج هديه اعتذار
اني من شفت الكلاده حرف H صدك فرحت بوسته وكتله شكرا ...بس بعد لا تعيدهه
حسام هباوي راح احجيلج الحقيقه باعي اني بالعسكرية تجيني رسائل من شخص مغرض يفرقنا
مره يكولي انت رايح للموت وخطيبتك مرتاحه بالكليه وتتمشى بالحديقه وتتمضحك
مره تجيني رساله انت نايم بالبهذله وهباوي نايمه بالبيت
مجاي تداوم ورسائل كثيره خلتني اتنرفز لهذا قررت اغير رقمي وهذا راح أغلقه
هبه انت تعرف كلش زين شكد طلاب وطالبات حاولو يفرقونه ويتدخلون بيناتنه اشلون تسمع لمثل هيج كلام
حسام حبيبتي اعرف وميأثر شي ولا تتصورين تتغير مشاعري اتجاهج
هبه لعد ليش تصير عصبي وتكلمني بهالطريقه ... وانت تعرف كولش زين اني انتظر مكالمتك بفارغ الصبر
حسام اعرف ياعمري واني نفس الشي احسب الايام ويوم الخميس يعتبر عيد بالنسبه الي
هبه حبيبي اريد اروح ارتب نفسي لان جيتك هيج
حسام مستحيل اخليج ترحين ابقي يمي اريد اشبع من شوفتج
هبه حسومي دقايق واجيلك
رحت سبحت عالسريع وغيرت ملابسي ماخليت مكياج لان حبيبي يحبني عالطبيعه
رجعت وكعدنه نسولف واحجيله عالكليه وذكرياتنه وتالي صارت سوالف واحنا الان بمرحله الخطوبه تجاوزنه كل العقبات بصراحه كثير حاولو يفرقونه وينقلون كلام لكن حبنا وتعلقنا ببعض كان اكبر من هذا كوله
اني شكيت بسما هي الي تلعب بأعصاب حسام لكن ماعندي دليل عليها خليتها هي وربها بنفس الوقت كنت اغثهه اوصللهه كلام ان احنا اسعد خطيبين بالدنيا ومستحيل اكو احد يكدر يفرق بينا ..بعدها التحق حسام بالكليه
مرت الايام وخلصت المرحله الثالثه ونجحت والحمد لله وبدت العطله
اليوم كان خميس اني اعرف بالوقت الي يجي بي حبيبي اول ما يوصل لبيت اهله يسبح ويبدل ويجيني
كنت انتظر جيته وكلسع اتصل بي
هلو حسومي شوكت تجي
حبيبي جاي مسافه الطريق تحظري اليوم عازمج على عشا بالمطعم
هبه حياتي انتظرك
حسام جيبي وياج رهوفه خلي شويه نضحك
هبه رهف تحظري حسام عازمنه بالمطعم
رهف هلا هلا اليوم ناكل مشاوي اخ بطني تصيح جوعانه من الان
هبه ام كرش همج على بطنج يالى بدلي ولا تاخرينه
اجانه حسام وصعدنه معاه بالسياره
صعدت كدام بالصدر ورهف بالخلف
رهف ها حسام وين شعرك أأنت اشلون عريس اكرع
هبه لج عوفي حسومي مبين عليك عندك كلام من وجهك أعرفك
حسام شفتي رهف اختج تقراني
هبه ها باعي يالى احجيلي شيصبرني
حسام حبيبتي هبوشه بعدلي شهرين واتخرج مادام انت معطله خلي نتزوج ومد ايده على ايدي ولزمهه
هبه اني من يمي خربت ذبت صدك تحجي اخاف ابوي مايقبل
حسام ليش ما يقبل
هبه اخاف يكول كملي كليتج
حسام حبي اني وأعدته وانطيته كلمه شرف انج تكملين كليتج
حبيبتي مادام معطله حاتكونين متفرغتلي
هبه ظل كلبي ينبض سريع مدري شصار بي مو كأنه هذا حبيبي الي كنت اتمنى ابقى يمه طول الوقت
لكن الخبر فرحني واسعدني
حبيبي انت اليوم من نرجع للبيت كلم ابوي بالموضوع
حسام ماشي حبيبي
رهف نحن هنا جوعانه وين العشا
حسام يوووو نسيناج يالى وصلنه للمطعم
نزلنا تعشينا وكنت اباوع على حسام وهو هم يوكلني ويخلي بفمي المعلاق
حسام اكلي حياتي وراج زواج
رهف.  ههههه زواج لو حاتسوي عمليه وخايف عليهه توكلهه معلاق
كملنه ورجعنا للبيت
هبه بابا حسام يريد يحجي معاك
ابو هبه اي بابا جاي
ابو هبه السلام عليكم اشلونك ابني
حسام هلا عمي الحمد لله شخبارك
ابو هبه بخير حبيبي هبه دكول رايدني تفضل
حسام عمي بعدلي شهرين واتخرج وانت تعرف بس نتخرج
تعينه بنفس الوقت ومادام هبه معطله ممكن بعد موافقتك نتزوج بهالفتره
ابو هبه بس يا ابني كنت اريدهه تكمل السنه الرابعه عدنه وتتزوجون
حسام عمي اني وعدتك تكمل حتى عندي راح تكمل
ابو هبه يعني وعد ...اذا هيج مثل ماتحبون هي زوجتك تعتبر
حددو الموعد بعد ماتشوف اهلك
حسام بوست راس عمي وشكرته على ثقته بي وبوسني وباركلي
رجعت لاهلي واتفقت معاهم نتزوج بعد اسبوع وبقينا نسولف اني وهباوي ونتفق علزواج وشنسوي نمت والتحقت بالعسكرية وقدمت على اجازه للزواج
بعد يومين اتصلت بأهلي لأنهم اهتموا بترتيبات الزواج وبدوا بالتحضير للعرس لكن الاقدار تسبق التخطيط
من اتصلت عرفت جدي توفى واهلي انخبصو بالفاتحة تعرفون احنا عشاير وفاتحتنا واعراسنا تكون ثكيله
انشغلوا اهلي بالفاتحة
حسام هلو حبي اشلونج
هبه هلو عمري البقيه بحياتك
حسام وحياتج الباقيه حبيبي مقدر ومكتوب يتأجل زواجنا كنت اتمنى جدي يحظر زواجي خطيه الله يرحمه كان يكولي يالى تزوج خلي افرح بيك
هبه الله يرحمه اكيد يفرحلك حتى لو متوفي
حسام حبيبتي راح نظطر نأجل العرس الى بعد الأربعين
هبه اعرف حبيبي ومقدره هاي قسمه ربك
بعد الأربعين لوفاة جده حددو يوم العرس
بهالفتره اني من اول يوم خطوبه كنت اجهز نفسي وأشتري مستلزماتي بس من تحدد الموعد بعد بهالأيام انشغلت اكثر احس الوقت يركض وما الحك
اقترب موعد العرس حددت يوم الحنه اسوي قبل العرس بيوم حتى ارتاح قبل العرس يوم استراحه
طبعا عائلتي منفتحة يعني البس تنوره قصيره لكن عائله حسام متحفظين من انخطبنه لبسني عبايه ولبسي تغير صرت لازم أتحفظ بلبسي والبس مثل عائلته
اجرت بدله للعرس مع كليلهه ومستلزماتهه وبنفس الوقت اجرت فستان لحفله الحنه حجزت بالصالون ليوم الحنه والعرس
بيوم الحنه كنت حاسبه حسابي حبيبي يجي ويشوفني ونركص سويه ونأخذ صور
فستاني كان احمر ناري وتسريحتي مرفوع شعري لفوك
كعدت بين النسوان وعيني عالباب واكول شوكت يجي حبيبي
دخلن خواته وظل كلبي يخفق سريع واباوع ماكو حبيبي
سلموا علي سألتهم وين حسام
كالو وصلنه وراح
هبه ليش
يستحي
هبه ضجت لعد اني المن متحظره ومكيجه وتسريحه وتاليتهه ميجي ضجت
خواتي شغلن  دي جي عاد صديقاتي جروني يالى هباوي اليوم يومج
هبه طبعا اخذت الاحبه واليوم فرحانه
كمت ركصت خواته استغربن
خوات حسام هاي شنو هبه عيب انت عروسه ليش تركصين
هبه اخذت حبيبي وفرحانه ليش تضوجون
هن ضحكن  وكامن يركصن وياي
سهرنه ذيج الليله كولهه ركص وغنى
من رجعوا خواته يحجوله زوجتك تركص وفرحانه ودكول اخذت الاحبه
حسام ضَل يضحك وكلهم خلوهه شتردون منهه
حسام سوى حنته يوم الثاني اتفق مع اصدقاءه يلبسون زي عربي دشاديش وغتره وعكال بحيث طلع فد شي بهذا الزِّي
فدوه لعمره
اتصل بي مشغول ملتمين أقاربه واصدقاءه وكل الناس الي تحبه بحيث بس اريد اسمع صوته اشتاقيتله ميكدر يكلمني
لان كان مشغول بالضيوف
صار يوم العرس تحضيرات يوم العرس تختلف عن كل يوم بعمري ...من سموها ليله العمر فعلا ليله العمر
كعدت الصبح كملت ريوكي طبعا ما اشتهي الاكل
رحت للصالون مع اختي وخالتي بقيت كم ساعه لان الحلاقه تتعب مع العروسه واني هم تعبت حيل وجعت وراي حفله وهوسه كملتني ولبست الفستان طلعت عروس من صدك الكل تعجب علي اجاني حسام واخذنه صور بعدهه دزني لبيتنا الا اهله جايين بالطريق واهله واصلين لباب بيت اهلي واني بعدني ماواصله بالشارع هما بقو بالسيارات لحد ما وصلت ونزلو الهوسه
اني كلشي ما افتهمت هوسه ودوخه وتعب وهما يهوسون بالباب ودخلن النسوان يهوسن يمي هوسات العرس ويركصن واني عود خجلانه ومستحيه
اجه حسام ومد ايده يالى كومي باوعتله
هبه بس خلي اسلم على ابوي
اخذني يم ابوي لكيته يبجي ما يتحمل يشوفني يعتبرني بعدني صغيره واول نَفَر بالعائله يتزوج قبل خواتي واخواني
حظنت ابوي وبقيت ابجي وهو يبجي همس باذني
حبيبتي بيت ابوج مفتوح يمته ما حسيتي انج تعبتي ولزمني من ايدي وسلمهه لحسام رجعت حظنته وبوسته ومشينه صعدنه بالسياره صعدت بالصدر وهو يسوق اشو اجن خواته كعدن وره بالسياره اني بوقتها كنت فرحانه وخجلانه لان طلاب شعبتي كلهم جايين بالزفه وكلهم يعرفون بقصه حبنا
كنت بيومهه اسعد انسانه بالدنيا لان حبنا وصلنا للزواج وطبعا كثير حاولو يفرقونه لكن حسام قسمتي ونصيبي وحبيبي ....
للحكايه بقيه
.................بقلم فردوس عبد اللطيف ......................