#فتاه_تائهه
بارت21
الكاتبة:tabarak hasan تبارك حسن
هوه عافني وراح روح روح
روحلهه ....
كرهت روحي كمت افتر بلبيت
كلش حلو ومرتب
بردت ودخلت للبيت
رحت للمطبخ
لكيت سوسن تشتغل
اجيت يمهه ساعدتهه
سوسن:مدام روحي كعدي عليه الشغل
باوعتلهه اسمي رنده وخليني اسلي روحي ضايجه
بكيفج
كمت احضر وياهن وسوينه حلويات
وتيم مااجه للبيت ابد
باوعت لساعه 8
طلعت روحي كمت صبيت اني وسوسن بلمطبخ
واكلنه وغسلنه الاماعين
وصعدت للغرفه
كئيبه وين اروح راح اموت من الخنكه
جريت البردات وفتحت الباب وطلعت بلبلكونه
اباوع ع حديقه سمعت صوت سياره
انفتح الباب البره ودخل السياره
اني كمت
طبيت وسديت الباب بقيت اباوع
وجاره البرده شويه دخل
للبيت سديت البردات
ونمت تعبانه
ثاني يوم ع نفس الروتين اكعد ماالكه
تيم موجود
طالع اساعد سوسن ولليل اتعشه واصعد الغرفتي
وابقه اتاني من يجي انام
بقيت ع هاي الحاله اسبوع مااجه
ومااسئل عليه ابد
وجنت بوقتهه كاعده بلغرفه متانيته يجي
مااكو صار دنيا ليل باوعت لساعه ب1
وهوه ماكو كمت طلعت
رحت الغرفته
فتحت الباب هادئه لون نيلي
وبيهه سواد
بقيت اتفحص بيهه بعيوني
فتحت الكنتور مالته
ملابسه رسميه كلبت بيهن
غراضه كلهن موجودات
سمعت صوت باب
انفتح رتبكت
سديت الباب الكنتور بسرعه
وردت اطلع اضربت
بصدره ضليت حايره شسوي
درت وجهي عنه ردت اوخر سحب ايدي
رجعت مقابيله
رفعت عيني عليه مشتاقه لذن الخرز
يلمعن دنكت راسي
ضحك
وين جنت طول هل اسبوع
ليش تتهربين مني
سكتت
جاي احجي وياج ليش تتهربين
ليش تهمك شوفتي
صار يمشي
واني اتراجع شبيك تيم
مشتاقلج
وخر مني تيم وخر
ميسمعلي يمشي بتجاهلي
كمت دفعته وصحت
عليه اصحه ع نفسك قبل ايام
رفضتني وكلتلي احب غيرج
هوه جمد بمكانه
كام يصيح مااريدهه مااحبهه
عفته وطلعت اركض من الغرفه اني
شوداني شوصلني للغرفه
هسه شيكول عليه.
اجه برايه
ردت اسد الباب خله اديه
باوعتله شرايد تيم
رايدج رنده
محتاجج
اريد احجي وياج
انقهرت عليه
ادخل احجي الي تريده وفضفض
كعدت اجه كعد يمي
ساكت واني ساكته دار وجهه عليه
رنده اني ت....
دك موبايله طلعه من سترته باوع
سرقت نضره مكتوب عليه امال باوعت بوجهه
رد هوه اشوفه ضايج يحجي بصوت عالي
كمت من يمه جر ايدي سحبتهه حيل
من ايده وطلعت نزلت جوه يم سوسن دورت عليهه
لكيتهه ماكو
رحت الغرفتهه لكيتهه
سوسن.. محتاجه شي
ايي ضايجه اكدر انام يمج
اخاف وحدي بلغرفه
ايي تعالي
طلعتلي غطه من عدهه ونمت واني راسي يوجعني
وتفكيري كله يمه هسه جاي يسولف وياهه
جاي تتغزل بي
زين هيه تعرف مزوج
لو مكايللهه هو اي امور دور براسي
انكطعت افكاري دكت الباب
سويت روحي نايمه
طلعت سوسن
رنده يمج لولا
ايي نايمه تريد اكعدهه
لا عوفيهه شفتهه ماكو بلغرفه خفت عليهه
ايي خايف عليه
راح وسدت الباب نمت بس ابد مارتاحيت بلنومه
المكان تغير عليه كمت من مكاني طلعت
رحت للمطبخ اشرب مي شربت وطلعت
صار بوجهي تيم بيده سيجاره
لبس فالينه ويتمشه درت وجهي ومريت من يمه
هوه ماحجه شي بقه يباوع برايه صعدت اول
بايه كلي ليش هيج تتعاملين وياي
كملت طريقي وصعدت طبيت
للغرفه شعلت تلفزيون
اباوع حدما غفيت وحدي كعدت صبح على
صوت هوسه شكو
صاير كمت رأستن من الفراش نزلت
اشوف يسر واكف يتعارك ويا
بنيه مشايفتهه قبل
وكفت بدايه الدرج واباوعلهم
انتي شجايبج هنااا شكو جايه للبيت
افهمهه اني احبج لتعوفني
نسيت ايامنه تيم
شغيرك عليه
مااريدج طلعي من البيت طلعي
مااروح مااعوفك اني احبك
تيم حس بيه احبك
اباوعله جرهه من ايدهه وصاح عليهه طلعي
هيه كامت تكسر بلباب
وصلت لهل حاله
كامت تجي للبيت جسمي مات عيوني مااهيس بدموعي
هيج دست عليه شفتني ساكته
ومااحجي سويت بيه هيج
اجه كبالي شافني بقه مكانه
رحت اركض للغرفه
قفلتهه طلعت جنطه خليت ملابسي بيهه
الباب تكسر عليه
رنده فتحي الباب
مااررررريدك روح عنييي
روح اني يايوم ارتاحيت والله لو
اعرف متريدني مااقبل بيك
لك اني هيج عندك رخيصه
جيبهه للبيت ليش ماخليتلي قيمه
ادري متحبني ومتريدني عادد احترم وجودي
ولدخلهه للبيت
رنده سمعيني اريد احاجيج افتهمي مني
كلشي ما اريد اسمع
روح روح
جمعت غراضي وابجي بصوت عالي
هوه بقه يدك بلباب
كمت اخذت الموبايل
دكيت ع ام تيم يرن
ردت عليه
ها بنتي رنده شلونج
اني كمت ابجي عمه تعالي اخذيني يمج
شبيج بنتي صاير
عمه تعالي اخذيني واني افهمج
سدي سدي هسه جايه
سديت الموبايل
وبقيت كاعده وابجي
تيم راح بره شويه اسمع صوت عمتي
دكت الباب هذا صوتهه
كمت فتحت الباب
ذبيت روحي بحضنهه وابجي
اسم الله عمه صايرلج
عمه ابنج تعبني
هوه يباوعلي
عمه عبالي راح يصوني وراح ارتاح ويا
عمه كسرني جرحني وسكتت
بس مال يجيبهه للبيت لا مااقبل
والله مرات اسمعه يحجي وياهه بلموبايل
واسكت واتحمل اول يوم كلي اني احب وحده
ونجبر عليه راح اموت عمه
كلبي يحترك
كافي بنتي كافي
أنت تقرأ
فتاه تائهه
Mystery / Thrillerتدور الاحداث حول بنت يتيمه الاب وتتعرض الى العنف من قبل عمها واحداث كثيره ومشوقه للكاتبةtabarak hasan تبارك حسن
