مروة
بقيت بلمستشفى يومين ورجعت وياة مجبورة وين اروح ماعندي احد اروحلة بقت بس هديل اروحلة بعد ما خذت العنوان من جيران اهلي بس تتحسن صحتي
وبقت معتزلة بغرفتي مع احزاني اسبوع كامل خالتي خطية تجيبلي الاكل
وراها قررت اروح لاختي اشوفة وذا قبلت اعيش وياها واخلص من نزار
لان ادري بي بس يرجع من سفرة راح يرجع عذابي
رحت الاختي وياريتني ما رحت لكيتة ساكنة بمنطقة كولش راقية وبيت جبير وفخم اول ما دكيت بابهم طلعتلي خدامة فلبينية اريد ماما هديل
راحت شوية ورجعت دخلتني بلحديقة وبقيت انتضرها ساعة كامله والجو حار كلش رجعت الخدامة جابتلي كلاص مي وكلاص عصير سالتها كالت شوية وتجي بيقت انتضرها نص ساعة وما اجت اتشجعت ادخل جوة ليش ما تجي تستقبلني
اول مادخلت الخدامة ما قبلت بعدتة عني وصحت هديل وينج تعالي احجي وياج
شوية وسمعت صوت كعب على درج الي ينزل وسط البيت
هديل
انتي هييي وين كاعدة ليش تصيحين بيتي ولتفتت لخدامتة تكلها ليش خليتيها تدخل
شبيج هديل اني اختج ليش هيجي تصرفين ويايه ليش ما تريدينة دخلني
شبيج متغيرة
هديل
شعندج جايتني ليش اجيتي وانتي الخير غطاج تغطي خلاج ما تعرفين اهلج هسة ذكرتينة امي ماتت تريد تشوفج وانتي تكولين لرجلج خل تنسى عدها بنية لان اني ما اتشرف بيهم
ومن ماتت امي زوجج وكفلنة وقام بلواجب وانتي ما كلفتي نفسج تجين تواسيني على فقدان امنا
وتدرين كلش زين اني مالي احد غيرج وتكولين رجلج لا تجيبة لبيتي
ولوما رب العالمين ونزار اقترح على صديقة دكتور يزوجني جان ضيعت نفسي لان بقيت وحدي بهل الدنيا بس ربج ما تركني ورزقني باحسن زوج بلدنيا
بعد ما تكرمتي وجيتني ياله بدون مطرود طلعي من بيتي ولا تراويني وجهج مرة ثانية لان اني ما اتشرف عندي هيج اخت حقودة
مروة
بقيت مصدومة من حجي اختي وما اعرف شلون بقيت امشي بلشارع
بعد ما طردتني واني افكر انو كل شي دايصيرلي من وراة هو ماكو غيرة هو سبب تعاستي يعني طول هل فترة وهو يكذب على اهلي وعلية زين ليش شنو السبب اني لازم اعرف اكيد هو شيطان لان هو ولا مرة كان انسان طبيعي رجعت للبيت واجر وراية خيبة امل وحيدة كانت هي اختي وهسة تدمرت هسة هي تشوفني انسانة حقيرة
دخلت للبيت واحس بلضيق كانو سجن لا كبر لا ارحم من هذا
هذا عذاب هذا نار تسعر بداخلي بعدني بافكاري وفزيت على صوت صياحة القوي
وين جنتي وييين
العشيقج مو جاوبي
اليوم موتج على ايدي
ما نطاني مجال اجاوبة سحبني من ايدي حسيتة انخلعت من جرة وداني للغرفة المتروكة فارغة ما بية اثاث وشمرني على الارض وبدأ ينزع حزامة ويضرب بية بكل قوتة من حرارة الضربة احس روحي تريد تطلع وكل عادة ما عافني الا من فقدت الوعي
ورها بساعتين حسيت على ضربة على كلتي فزيت مرعوبة واشوف الشيطات كبالي
يلله جاوبي وين جنتي لا اذبحج جاوبي وين اختفيتي3 ساعات
راد يضربني صرخت عند اختي ولله ردت اشوفة
حسيتة تفاجأ من عرف رحتلها
شلون وصلتيلها فهميني
اخذت عنوانها من جوارين اهلي
تعصب حيل وكام يغلط علي اخر شي طلع وقفل الباب
حسيت بتعب قوي وبلجوع لا من الصبح على لحم بطني وراة بشوي سمعت خالتي تتوسل بي يفتحلها لان تريد تجيبلي اكل ما يقبل وبقت على هل حالة لثاني يوم بليل فتح الباب وبيدة لفة فلافل وبطل مي شمرهن بحضني وكلي كومي للحمام ورجعي على سريع للغرفة لا موتج على ايدي يالله ركضي
والله بلقوة مشيت لان احس نفسي شجرة خاوية ما بية طاقة لان لا اكل لا راحة وفوكاة ضرب وعنف مشيت من يمة دفعني حيل على الارض وكمت بلقوة علية لا انضرب مرة ثاني من طلعت خطية خالتي صارت كدامي من شافتني كامت تصيح على نزار وتدعي علية لان انصدمت بشكلي صرت كأني مومياء اخذتني للحمام وغسلتلي ورادت تغيرلي ملابسي انصدمت من شافت جسمي عبالك محرك من ضرب الحزام
خطية كامت تبجي على حالي وتصبر بية ----
--------------------------------------'--------------------------
اتمنى يعجبكم البارت حبايب قلبي واعذروني على التاخير
YOU ARE READING
💔مكسورة خاطر 💔
General Fictionانا فتاة عصف الزمن باقدارها وكسر قلبها بحب شخص ينضر لها بزدراء وجعلة منها وسيلة للحصول على غاياتة واتخذ حبها له بساطا يمشي علية ومن ثم يرمية فهل تستطيع بطلتنا ان تتحرر من ارذان عشقها المخذول ام تبقى حبيسة له اتمنى متابعة شيقة بقلمي ( نور الحسيني.)
