عند سيلا قررت الذهاب لرحله بعد مشاده بينها وبين عمر
عمر : ياسيلا حرام عليكى حسى بيا شويه
سيلا كالاطفال : ياعمر انا نفسى اتفسح زى صحااابى
عمر : ياحبيبتى وانا لو بايدى افسحك فى الدنيا كلها لكن انتى شايفه
سيلا : يوووه بقى ما انا ميه مره اقولك دور على. بابا هو اكيد
معاه فلوس وغنى واحنا ولاده
عمر بغضب : تااانى ياسيلا وهو ابوكى مش عارف انه سافر وساب وراه زوجه ماتت من قهرها عليه وعلينا ومش عارف انه ساب شاب فى ثانوى وحته لحمه حمره انتى عارفه اخر مره شوفتى ابوك هههه هتفتكرى ازاااى وانتى اصلا كنتى لسه فى اللفه
سيلا : يمكن مشغوول
عمر بحده : سيلا انتى مش بدورى على ابوكى انتى عايزه فلوووس فلووس وخلاص انا مش فاهمه انتى لييه كده ماما الله يرحمها عمرها ما حرمتنا من حاجه وربتنا على الفضيله واننا نحمد ربنا من امتى وانتى بقيت ماديه كده
سيلا بحسره : من يوووم ما كبرت ياااعمر ..من يوم ما دخلت جامعه وشايفه زمايلى اللى راكبه عربيه فايف ستار واللى لابسه طقم اخر صيحه واللى حاطه مكياج اغلى ماركه واللى واللى ....كل ده وانا مستحمله مش معايا غير كام طقم داابوا من كتر اللبس والجزم اشتكت منى ..انا ببقى نفسى البس زيهم احط مكياج احط برفاان اركب عربيه هو حراااام يعنى
عمر بالم : مش حرام يا سيلا لكن كل واحد وربنا كاتبله رزقه واحنا رزقنا على قدنا يبقى نحمد ربنا
سيلا : نحمده على ايييه الفقر ...ولا الشقه المعفنه اللى ميعشى فيها الفئران ...ولا اننا بنكمل عشان نووم ...ولا البرد ولا ايييه .انت ايييه يا اخى مبتحسش
وهنا تلقت سيلا صفعه اسقطتها ارضا
وقعت سيلا فى الارض وهى باعين متسعه. وحاله من الصدمه والذهول ( هذه اول مره يمد عمر يداه عليها )
عمر بخنقه بصوت بكاء : احمدى ربنا انك دخلتى جامعه ولاقيه اللى يصرف عليكى اللى بيطفح الدم عشان خاطرك وعمره مشتكى تفتكرى امك لما ماتت عشان استخسرت فى نفسها العلاج عيشه الفيران دى اللى مش عجباكى حمياكى من كلاب السكك
احمدى ربنا انا لو كنت انانى زيك كنت زمانى قعدتك من التعليم واتجوزت انتى عارفه انا بقى عندى كاام سنه..اصحابى كلهم اتجوزوا وخلفوا ..لو كنت مبحسش كنت سبتك وسافرت اكون نفسى بدل ما انا مدفون هنا بالحيا...انا بستخسر اللقمه فى نفسى عشانك وانتى فى الاخر مش عاجبك وبتقولى انى مبحسش
سايبك تتدلعى وترفضى فى العرسان براحتك ومستنيه الشاطر حسن بتاعك وانا سايبك وبقولك بكره تفهم تحس وفى الاخر طلعت انا اللى مبحسش
سيلا وهى لاتنطق ولكن فقط دموعها تسيل
عمر بجموود : اسمعى انا كنت ناوى اطلعك الرحله حتى لو كنت هستلف الفلوس بس دلوقت مفيش رحلات ومفيش خروج من البيت واول عريس اعتبرى نفسك مخطوباله
قال تلك الكلمات وذهب وصفع الباب خلفه ...ليتركها تبكى حظها
&&&&&&&&&&&&&&
فى احد الشقق
شخص ما يقف فى المطبخ يرتدى بنطال اسود وتيشرت رمادى وحافى القدم وشعره مبعثر و يعد كوبا من الشاى ياتى به
على الاريكه شخص مرتدى مايشبه ملابسه ولكنه معصب الراس بتلك الشاش الطبى
معتز : اتفضل يابرنس الشاى
الشخص بامتنان : متشكر
معتز بمرح : ولا يهمك تصدقى هدومى لائقه عليك والله
الشخص بنص ابتسامه : اها
معتز : انا كنت خايف متطلعش مقاسك اصلى انت مليان شويه عنى
الشخص وهو يقتضب احدى حاجبيه : ههه مليان ده عضل يابنى امال لو شوفتنى زمان
معتز وهو ينظر له : اييه كنت طرزان ولا اييه ههههههههه
معتز : ههههههههه اها شوفتلك مره ماتش ثم اعتدل فى جلسته ووضع رجل فوق الاخره وقال بثقه : انا على فكره بلعب رياضه
&&&&&&&&&&&&&
عند شمس
شمس : اسمع ياعم مسعد انا لازم ادخل مكتب المحامى ده كل الورق عنده
مسعد : بس يابتى ده خطر عليكى
شمس : مهو انا كده مش اقدر اثبت انى مش مجنونه الورقه اللى مضاها دكتور فكرى اكيد عنده فى المكتب
مسعد : طيب سبينى كام يوم ارتبها فى دماغى
شمس : بس متتاخرش عليا يا عم مسعد
مسعد : متقلقيش بس قوليلى افرض انك لقيته الورقه دى ايه اللى هيحصل يعنى
شمس : اهو على الاقل اقدر اخرج من هنا واشوف الناس بدل ما انا محبوسه هنا وساعتها لازم ارجع حق بابا
مسعد : بس يابتى انا قولتلك أن عمك خد كل شىء هو ولده
شمس : ايووه ودخلونى المستشفى على اعتبار انى مجنونه عشان ينهبوا الفلوس بس ورحمه بابا مش هسيبهم وهجيب بتاره
مسعد : ربنا معاكى يابتى
&&&&&&&&&&&&&&&
وصلت جيرمين المطار وكان فى لقاءها المدعو جورج وبجانبه يقف رجل يبدو فى عقده الخامس يكثر فى راسه الشعيرات البيضاء ولكن هذا لم يخفى جمال عينه ووسامته وجسده الرياضى الممشوق كان يرتدى بدله من اللون الكحلي وكان يفتح اول زراير قميصه ويدخن تلك السيجاره
ما أن وصلت جيرمين
جورج : اهلا جيرو نورت باااريس
جيرمين بخوف : حضرتك انكل جورج
جورج بضحك : ايوه انا حبيبى
جيرمين وهى تنظر لذلك الشخص الذى بادلها هو نفسه نفس النظرات
الشخص بصوت ثابت : اذيك ياجيرمين
جيرمين وقد اصابتها قشعريه غريبه بمجرد سماع صوته فنظر له
الشخص : ههههه ليكى حق متعرفنيش كبرتى وبقيتى عروسه
جيرمين بفرحه : بااابى
كمال وقد احتضن ابنته وربت على شعرها الاشقر الحرير : وحشتينى يا حبيبتى
تدخل جورج : يلا بقى ياجماعه احنا لازم نحتفل بقدوم جيرمين كمال بيه دى بنتك الوحيد
كمال وتعتليه ابتسامات غير مفهومه : اكيييد وحدث نفسه ( بنتى اللى جايبه الخير معاها هههههه الخير اللى بيه هقضى على الاعداء واولهم اللى كان السبب فى غربتى طول السنين دى كلها ههههههههه كان نفسى اشوف منظرك اما تعرف ان فى مخطط من مخططاتك فشل يا حضرت المحامى النصااب )))
