سلام عليكم ...
.......
حواء وغرور آدم ...
بقلم أمونه...
وصلنا واخويه اكل راسي اكل يبووووو ..
نزلنا اني وسرى .....
واخويه هم ويانه ...
اول مفتنا ....كانت اكو شرطه يم الباب ...
مال الكليه. ...
دخلنا للكليه واخويه ويايه ...بعدين كتله.
--خلص علووش رووح...
--اذا تحتاجين شي اني يمج ماشي ..
وديري بالج تضحكين ترى تفضحينا ..
ضحكت ..ع كلامه
--وجع شداحجي اني لاتضحكين هوايه ...
وديري بالج تمشين ويه أي شاب اله تعرفي هااا ومو وحدج تمشين ...
ردت اعانده كتله
--هااا لعد انت ليش تمشي ويه بنات ..
--خلي اشووفج ماشيه ويه ولد وحدج. .
كتلج يصير حلال. ..
ضحكت كتله روح بابا رووح ...
راح وكانت الدنيا كلش حاره ....
كانت اكوو مصطبه كتلها سرى امشي نكعد ترى انتهيت شنوو هل الحر. ...
--كعدنا ع المصطبه ويا ولد اليفووت يباووع يبووو.
والله موتوني. ..
فجاه سرى وكفت ...كتلها. .
--هااا سرى شبيج ..
كامت تأشر بيدها. ..انداريت ع التأشر عليه ..
شهكت. ...اااه عززززه...
هذا الاسمه سيف نبيل ...
ضليت صافنه عليه ...شنوو هل الجمال. ..
لابس ملابس عسكريه ....
ويسولف ويأشر وعبالك عصبي. ..
تنهدت ....بعدين نتبهت على رووحي وعلى هاي سرى بعدها ماده ايدها ابتسمت ...وكتلها واني صاكه ع سنوني وج يمصخمه ايدج نزليها.
نزلت ايدها ...كالت والله انتي مو عاقله .
--ليش ياربي سترك. ..
--ولج اكوو واحد يرفض هل القشطه....
ضحكت .....بعدين نتبهت على الطلاب كاموو يباوعون وهوه كان قريب علينا يبووو خشيت بهدومي صخام صخمني شجاني وضحككت...حسيت وجهي كام يطلع نار ...شفت مجموعه شباب كاموو يبتسمون ويجون باتجاهنا ..ذبوا حجي. ..
اجني بنات ثنين ...سلمن. .
سلام عليكم ..
ردينا....
--وعليكم السلام...
--اني نور ..
واني ياسمين ...سسرى كالت ..
--اهلا وسهلا واني سرى وصديقتي ميساء ..
اني ضليت اكرط باضافيري من التوتر ...
اووف يحضي يمصخم ...
نور كالت ...شبيج حبي وضحكت ...ياريت عندي مثل ضحكتج والله ....
ياسمين كالت ...تعاي انتوو مرحله اوله موو. .
سرى جاوبت
--اي أولى. ...
--تعاي ميساء رووحي غسلي لان خدودج صارن حمر. ....
ودني للحمام غسلت ...واذكر الفشله صخام والله الدره علي ليصلخني يبوووو ...
طلعت شفتهن واكفات يسولفن بعدين مديت ايدي..
--اني ميساء مرحله أولى. ..
--ياسمين. .تشرفنا حبي .واحنا مرحله ثانيه ..
ضلينا نسوولف احنا وياهن بعدين مالن تعالن نعرفكم ع كروبنا ....
كروبهم مكون من بنات 3 ولد 4 ..
بس شنوو ولد كلهم صاكين ...
سرى كالتلي وهيه منصيه بالكاع وتحجي همس.
--ولج شلون راح اتحمل كلهم قشطه هنا ..
كووه حصرت ضحكتي ...كتلها ..
--ولج اثكلي ...حتى يعترفلج واحد من هل القشطه ..
--لا وداعتج محد يعترفلي ..لان معندي حضج وجمالج ..
--نجبي سرى لحكتيني ع حضي ...
مشينه سلمنا ردوو السلام ..
عرفونا عنهم ..
واحد اسمه .هيثم .وجاسم .وامير. وسامر .
وبنات نور وياسمين ونجلاء.
كلهم مرحله ثانيه ..بس هيثم وامير مرحله ثالثه.
ضلينا نسوولف ...شفت هيثم يباووع من فوك ليجوه يعني نضراته نفرزتني ....
بعدين هيثم كال. .....
--انتي الضحكتي موو. .
ابتسمت وكتله. ..
--بالغلط. .ضحكووو كلهم ...
وضلوا يصنفون. ....
سامر كال ...
--من ضحكتي خدودج طلعن بره .
امير كال هسه حاير شسميج ام خدود لو ام غمازه لو ام شامه. ...خرب بعمي كلهن بيج. ...
--كافي. ......عوفوني .ترى ازعل
كضوها يصنفون عليه وحتى سرى هم باعتني الحقيره .....
خلص اليووم ....وكان اول يوم كلشي مناخذ ..
مجرد تعارف وبس. ...
طلعنا اني وسرى ...
بطلعتي صار بوجهي ابو الكمارو ...
فتحت عيوني كان مندمج يخابر ويدخن ...
شافني واكفه كبل نصيت مشيت اروح منا هوه هم يروح منا يعني وين مروح يجي ويايه ..
رفعت راسي شفته مبتسم ابتسمت وسوالي طريق طلعت. ..بس كلبي ضل يدك يدك ...
وجسمي يرجف ...سرى ضلت صافنه وتضحك. .
شفت اخويه منتضرنا ..صعدنا بالسياره كان يحجي ويه ولد .... سرى ضحكت ..
--وجع شبيج ...تخبلتي. .
--هههههههه ولج موقفكم فددد شي هههههه .
--نجبي جاا علي اششش...
جا علي نطانا مي. ..كال
اكوول ميسه هاي منو التصادمتي وياا وتوزعين ابتسامات....
يمه وكع كلبي عبالي عرف بالضحكه. .كتله
--لا بالغلط واكيد اضحك على هيج موقف ياعلي ..
سرى كل شوويه تبتسم. .وايكتها ..
وصلنا للبيت سلمت ع ماما وبابا وكانت اختي هاله هنا. ...
رحت سبحت. ...ونزلت اكلت شوويه ..وسولفتلهم ع يومي بالكليه ....
رحت للغرفه لكيت 4 مكالمات ....من رقم غريب .
--تصلت عليه كانت ساعه 9 بليل. .
بسرعه ردد
--💭الوو
--💭 هلوو شلوونج ميساء ..
سكتت وكلبي ضل يدك بسررعه ..
سويت نفسي ماعرفه كتله ..
--اهلاوسهلا منوو. .
--معقوله نسيتيني ...
انه عمار او ابو الكماروو ...
يمه اسمه عمار...
بلعت ريكي. ..كتله
--هلوو بيك شلوونك. .
تنهد وكال. .شلوني يعني ....
ميساء مشتاقتيلي شنو هالكلب
ميساء انه احبج ميساء اليوم من ضحكتي نار وشبت بكلبي ....مستعد اتقدملج بس كولي ايي ...ولاتطلعين حجه انه اريد اكمل دراسه عادي انتضرج تكملين كليه شتكوولين ...
واذا لا اريد سبب ...
--عمار..
سمعته طك جداحه وتنهد ..
--عيوونه وروحع وكلبه وعقله ..
--عمار اني اني ...شوف اني .
--شبيج انتي مو شلعتي كلبي ..
--اني احبك
--اخخخخ بويه وين جنتي عن هل الحجي لعد. .
--عمار بس ماريد زواج هسه
اتعود عليك واعرفك زين ...
عوف الزواج ..
--براحتج يروح عمار ...
ضلينا نسولف سوالف عاديه وحجالي شوكت حبني. .
يكول اول يوم شفتج بي ..
من صجموج اصدقائي ....
وضلينا سوالف. ...
ومشت ايامنا عاديه بين مخابراته واشوفه بالكليه .
وحجيت كلشي. .لسرى وكيفت ....
وهاي صارلنا شهر ...علاقه اني وياا
امووت عليه .....
وموتني البسي هاي ولاتلبسين هاي يبووو ...
فد يووم كنت اقره بالكتاب سرى ..لكت قشطه هههههه ..حبت امير وهوه هم كلش يحبها طبعا بفضلي اني جمعتهم ...
سرى تتمشى واني وحدي اجا عليه ..عمار. .
لابس ملابس عسكريه ..والمفاتيح السياره ورا ...
وشايل جكاره ... وعطره يمشي قبله ....وشعره بس يعدل بي اخخخ يمه شنو هل الجمال ...
واليشوفه يكوول متكبر ونصبه...
كعد يمي ...شبيها روحي صافنه ...
--صافنه عليك ليش هلكد ترتب بنفسك ..
--غير علمودج. ..
--لا حباب ترى ازعل عووف هل العطر ليش تخلي هوايه .....
--وليش ماخلي. ..
--مو تجذب الانضار باووع شلون يباوعن عليك ..زعلت. .
--اخخخخ بويه ..لاتسوين هيج حركات موتشعلي لجدي. .
ضحكت. ...
--ولج كافي اوويلي هاي الضحكه لازم تغيريها ...من نزوج اخليج تغيريها ..
--اووف كافي. ...حبيبي ..
عمار. ..اخذ نفس بالجكاره وكان منتجي ع الطاوله ومبتسم ويباوع عليه ...
--يروح عمار ...
--ليش احسك مهموم ...
عدل كعدته ...وكال
--ليش ...سامعه شي ..
--لا بس احسك ضام عليه شي وتريد تكوله ...
وراح اسالك للمره الالف ليش متخليني اسلم على محسن (صديقه )...
..
--شكم مره كتلج لاتسالين هذا السؤال ...
--بس لازم اعرف ...وانت بين اسبوع واسبوع يله تجي. ...ومتسولف على اهلك اريد جوواب ...
ضرب ع الطاوله بايده ...
--كافي سدي الموضوع لتخليني اعصب اكثرر
.......
وللحكايه بقيه
بنات صوتو حبيباتي
