فصلية حبيبي 🔞🔞🔞🔞🔞
(للكاتبه ⚘ارجوانه )
البارت الثالث
كضينه اليل كله حزن محد كدر ينام خطيه ابوي كسرلي خاطري مهموم وكاعد على اعصابه انه ضليت جوه الفراش ابجي بحدي مااريد احد يشوفني دمعتي عزيزه حتى كدام اهلي ضلينه للصبح كاعدين الصبح كمت حضرتلهم الريوك
كملوا ابوي كام كلي من تكملين لحكيني انه ماشتهيت اتريك مالي نفس كمت ورا بسرعه رحت
ابوي : بويه اني اعزجو تدرين انتي جنة روحي اريدج صيرين قويه وتحمليهم همه حيصيرون اهل رجلج ورجلج اهم شي اسمعيني بويه كسبيهم بلكت يلين كلبهم عليج بعد روحي صيري سباعيه راويني جنتي جنة روحي شلون قويه
جنه : ابتسمت بوجه ابويه وعيوني كلهه دموع ورحت شبكته كالي بويه كافي لا تبجين هل عيون تذبل هاج بويه هاي ٥٠٠ الف اشتري الي تعتازينه واي شي ينقصج اني ادزلج
جنه : دلل بويه تاج راسي بست ايده وباس راسي اخذني اخويه منتظر انه واختي فاطمه ورحنه للسوك اشتريتلي كلشي
بس مابيهم فرحه ابد اشتريت ملابس ومكياج وملابس نوم وطلعه وبيت وبناطير وتراكات وكلشي ما خلت احذيه جنط كملنه خابرنه على منتظر اجه رجعنه صار وكت الظهر تقريبا طبيت سلمت اجه ابوي صبو غده ولتمينه على السفره اول مره نلتم على السفره وماكو فرحه كملنه اكل سويت جاي ورحتلهم للكيلدور صبيتلهم جان ابوي صاحني
ابوي : جنه
جنه : بلي يابه
ابوي : اليوم طلعتي للسوك خماحتاجيتي فلوس غراض
جنه : لا بويه تسلم الله يخليك خيمه علينه كفن وزايد
ابويه : الله يرضى عليج بتي بيضي وجهي كدامهم اذا كالولج هل مي اخضر تكولين ي اسمعي بويه كسبيهم اني مدايملج
جنه : صار بويه الي تامر بي وتريده وياك اني ومااخيبك انشالله
ابويه : هاي هيه بويه كومي حظري جنطج حته نوصلج
جنه : انشالله بويه كايمه
امي كام تبجي اسمعهه تكله شلون نودي جنه شلون هيج نشمرهه منو يكول تتحملهم وجنه متعوده على دلال ابوهه
ابوي : شبيدي يا مره شسوي ماكو غير هل حل
جنه : صعدت لغرفتي اول مطبيت نزلت دمعتي مااريد اعيف هل بيت وهل غرفه مارريد اعيف اهلي بجيت وكمت خليت ملابسي بالجنط صارن جنطتين رسوماتي بيهن اخذتهن ويايه وبيهن بقيتهن اخذت دفاتري واقلامي حته ارسم لان احس الرسم الطريقة الوحيده الي تعبر عن كل حالاتي لان طبعي مو بسهوله ابجي دمعتي عزيزه
كملت لبست شال وعبايه كله اسود لخاطر ابنهم لان سمعنه الصبح مات الله يرحمه وخليت اخوي محمد ينزلهم لجنطي نزلهم ونزلت سلمت عليهم كلهم وصارت مناحه بس بجي كوه هدو امي مني سوده عليه بجتني صعدت بالسياره خانكتني العبره ضلن دموعي تنزل وحدهن ابويه اخذني هوه وعمامي ثنين طريق شي نص ساعه هيج وكفت السياره نزلو عمامي وابوي نزلت وراهم وكفت شفت بيت كوولش جبير اكبر من بيتنه بقاطات عبالك قصر وكله حديقه داير مدايره و ناس متحظرين بالباب كومة زلم وسلاح ومعكلين ابوي سوده عليه وصاهم وعليه وعمامي كذالك ووصوني ارفع روسهم وامشي بهل طريق بصبر الحجي الجبير يطلع بعمر ابويه كله شسالفه يابه من هل لحظه صارت مثل بتنه واكثر والي صار قضاء وقدر وهيه مالهه دخل سمعت صوت ولد يصيح وكل شويه يريد يهد على ابوي وعمامي ويهدو انه ما شفته لان مغطيه وجهي راحوا عمامي وابوي وبقيت بروحي ردت اكولهم اخذوني ردت اصيح ليش عايفيني
صبرت روحي وسميت بسم الله وطبيت ويه الرجال الجبير للببت تلاكنه النسوان بجي ونوح وكلهه تصيح هي هاي الفصليه وحجي اله اول ما اله اخر طببني بنات ثنين عمرهم تقريبا بعمري شويه اكبر مني وصاحتني مره كولش جبيره اظاهر هيه ام الولد المات الله يرحمه وكامت تصيح اخوه كتل ابني وتبجي وتملخ بروحهه رادت تتهجم عليه كمشنهه النسوان اني متت بجي اول مره هيج ابجي حسيت نفسي كولش ضعفت روحي بعد مابيه مجال تنطق حرف اخذني هذني البنات كالن الشيخ اجه يعقدلكم كمت وياهن كعدني وره الباب وعقدوني عليه طلع اسمه علي كملت اخذني للغرفه كعدني كالنه من اليوم احنه احسبينه خواتج اني لمى واني سهى احنه خوات علي احنه وياج لان نعرف انتي مالج دخل بكل هاذه بوسني وكالن رتبي غراضج من اليوم اعتبري هاي غرفتج وطلعن لان عدهم عزه وناس طابه طالعه رتبت كلشي ومددت تعبانه غفيت قريب الساعة اقل هيج شي لكيت دنيه مغرب كمت غسلت وتوضيت وصليت ولبست كلبية سوده وشال اسود ونزلت ......
ويتبع .......
(اشتركو بقناتي ع تليكرام )
@qwezqwez123
(عندك صفحه قناة كروب بأي برنامج وتريد منشورات قناتي منوعه للخمط 😍😍)
