ابن شيوخ وعذبني عشك بغدادية

البارت 1

هلو حبايب قصه جديدة
#ابن-اشيوخ وعذبني عشك البغداديه
البارت الاول😄
بنات ماضفت للقصه هواي جان بيهة حته متنعرف الشخصيات القصه حقيقه بنات انوه عن شغلهة القصه بيهة  محاورة شعريه الابيات الشعر اني خليتهن لئن بوكتهة مجنت حاضرة 😂 وياهم حته اعرف الاشعار او احفضهن 😁😁
اني محمد من محافظه غرب العراق. عمري 30سنه طولي 175 سم جسمي ضخم ومعضل بس عندي حدبه بضهري من الولاده . بشرتي سمرة عيون كبار عسلي  عندي 4اخوان اني ازغر من الجبير وعندي 2ازغر مني وعندي 5اخوات 3مزوجات و2بعدهن وابوي شيخ المختار المحافضه واحنه شبعانين وعدنه خير من الله اخوي الجبير مزوج عشك كرديه من دهوك ورة مزوجهة راح سكن بدهوك واني مامزوج بس يلحون اهلي عليه وشايل فكرت الزواج من بالي اني ايد ابوي وكلشي مسلملي من الحلال الوالد وبل منطقه يصيحولي الشيخ احنه ناس اهل كرم ولي يدخل لبيتنه ميطلع وايده خاليه.  موجني حجيت هواي 😃😃
شهد من بغداد عمري 19 سنه اني شكرة عله مامة عيوني خضر وبشرتي بيضه وحواجبي لونهن اشكر شعري طويل ذهبي من كاعه بدون صبغ 🙆طولي 165 رشيقه وناعمة  عائلتي متكونه من مامة و2اخوان 3اخوات وبابه متوفي من جنت زغيرة اختي الجبيرة متزوجه ابن عمتي بل بصرة سنتين او تلاثه تجي تشوفنه ورة متوفت اختي بعد ابد ما اجتنه لئن عمتي وزوجهة ميخلونهة عمتي تكلهة خاف عيالي يدرون بختج نكتلت وننفضح بس بقت مرات بل ختلات تتصل علينه تسلم عله امي وامي كلش تشتاقلهة بس مابيدهة شي اتسويه غير الدعاء  واختي الوصطانيه اوووووف ياضيم كلبي متوفيه 😧 اخوي قتلهة 😱اي هسة تجيكم السوالف وتعرفون ليش قتلهة اني ممزوجه واتمنه احد يتقدملي حته ازوج ولا هل العذاب الي شايفته من اخوي الجبير اياد طبعا شاب سكير سرسري ما متحمل مسؤليه طايش واخوي الزغير فديته مصطفى الكعدة عمره 15سنه طالب يدرس. يله نبدي قصتي
شهد اخوي بطلني من المدرسه وجان بيتنه كلش زغير ومئجرينه مو بيت ملك حالتنه كلش كلش تعبانه نتغده منتعشه عيشتنه نخدم ببيوت جوارينه لو نطبخلهم لو انضفلهم نغسللهم ويطونه هاذه الي قاسمة الله امي عدهة مكينه خياطة وتخيط للجيران حته يادوب اطلع مصروف الشهر مال الاجار واكلنه من الجيران الي يدزونه النه ناكله لئن يدرون بحالتنه حيل تعبانه حته ملابسي من بنات الجيران القديمات ايدزلي ياهن واني مااحجي وما اطلب شي من مامة لئن ادري بضروفهة حيل تعبانه. جانت جارتنه ام ليان مسيحيه ولبسي كله من بتهة ليان صديقتي اهل ليان حالتهم زينه عدهم ابنهم الجبير مسافر بكندا وابو ليان جان مدير مدرسه وام ليان معاونه مدرسه. وهمة يساعدونه دائمن اخوي الجبير شغلته بليل سكران وبل نهار لو نايم لو مشاكل ونكرة وميشتغل كاعد ومرات بليل يجيب اصدقائه للبيت يشربون وياه واني ومامة نبقه كاعدين بل غرفه الاخيرة وقافليهة علينه بيتنه كلش زغير جان مشتمل 50متر يوم من الايام اجه اخوي اياد دخل للغرفه لكاني نايمه وهوة دفرني اني فزيت كتله شكو. اياد. باعي اليوم يجي صديقي ايشوفج لئن يدورله عله مرة يزوجهة واني كتله اطيك اختي واليوم يجي يشوفج ام اياد. يوم منو هاذه صديقك اعرفه. اياد. اي يوم تعرفينه.
اياد. يوم صديقي ماجد الي يوميه يجي يمي
ام اياد 😱 عزة العزاني وبقت ادك عله وجهة بنيتي ضاعت حياتهة يربي شسوي اخذت وحدة مني وهسة راح اخسر الثانيه وذيج الجبيرة حسرة بكلبي شوفتهة حس بيه الله ونعم الوكيل منك اياد حس بيه الله.  امي خطيه كعدت عله الدرج تنعه وتبجي شهد اني شفت امي بقت تلطم وتبجي اني محجيت شي لئن اذا احجي يضربني اياد اخوي لزغير مصطفى اياد شهد متزوج هاذه لسكير. اياد وانتا شنو حته تحجي وتقرر تريدهة تصير نفس رنا اشتعلت لشتهة وهم اقتلهة عله ايدي واني اضل يوميه قاتل وحدة من خواتي كوم من خلقتي لا ادفرك اكطع كلبك. شهد حرت شسوي شلون اتصرف صار العصر واجه اياد وصديقه وصاح شهد تعالي جيبي الجاي شهد. ام اياد يوم شهودة روحي ودي الجاي وتعالي شهد صار يوم
شهد دخلت لكيت اخوي وماجد كاعدين اني دخلت حته مسلمت اياد. متسلمين بحلكج عضم ماجد. عوفهة يمكن خجلانه مني ويباوعلي بطرف عيونه اياد. كام يخزر بشهد خزر لئن مسلمت شهد طلعت واني حايرة شسوي لكيت مامة كاعدة وايدهة عله خدهة
شهد مامه اني اعرف بلي جاي تمرين بيه بس شسوي كليلي
ام شهد مامة اني راح اكلج شسوين اليوم بليل ابد لا تنامين وحضري نفسج ولا تاخذين ملابس وياج هواي قطعه لو قطعتين. شهد 😱ها مامة وين حروح
ام شهد وين ما عد الله كاع ولا تغلطين نفس اختج وتضلين بغداد وحافضي عله نفسج يمة
البشر ذيابه وما ترحم راح ادبرلج كروه واطلعي من بغداد روحي لكربله هناك للحضرة ادخلي وبلكي اهل الخير يباعون عله حالج.  يمة والله كلبي يتكطع عليجن وعله حضجن المصخم بس شسوي ييمه ما بيدي غير حل ولا ازوجج لماجد الي انكس من اخوج ورة شكم يوم  ويضل يطبب ناس عليج.  شهودة يمة احلفي براسي بروح ابوج لخاطري يمة اطيني وعد لو متي من الجوع تبقين محافضه عله نفسج من ولد ابليس وابد متبيعي
وللحكايه تكمله
،
عليّ ضحّكت شمّاتي والاغراب
وبچه حتى النسر لأجلي والغراب
عجيبه شگد انت قاسي والاغرب
تدري ما اگدر اكرهك مو بدّي