#ظلم-الزمن
بقلمي #ايات #مظفر
بارت 4
الحياة مجرد كتاب غير أننا مجبورين علي أن نعيش صفحاته بالترتيب ولا يمكننا اختيار الصفحة التي نشاء فأرضى بكل شيء فلربما تكون الصفحة القادمة أجمل
شربت الحبوب شوية ونمت ماادري شصار
نور / وردة هواي اتاخرت معقولة هلكد نايمة
خل اروح اشوفهة خطية مظلومة 😰
فتحت الباب ودخلت نايمة بعدهة وردة وردة
ماكو صوت ولج شبيج وردة اكعدي باوعت
أشرطة الدوة على ميز فارغة عرفت شربتهن
ولج يوم الحكي محمد وردة انتحرت ولكم تعالو
محمد / كاعد بالاستقبال واسمع صوت نور
تعيط رحت ركض ولج شبيج شكوووو
نور / وردة محمد وردة شاربة الدوة كلة
محمد / رحت عليهة فاقدة طلعت جهاز خابرت
ابن عمي تعال ودينا للمستشفى المرة متخربطة
شوية واجة اخذناها ورحنة دخلنة للمستشفى
شلناهة على سدية للطوارئ
الدكتورة / شبيهة المريضة
محمد / شربت أدوية هواي
الدكتورة / هسة بسرعة نسوي الغسيل مال معدة
لأن صار فوك الساعتين من شاربة
محمد / دخلوهة يسوون غسيل معدة
طلعت جهازي ودكيت على أبوهة السلام عليكم
أبو وردة /وعليكم السلام
محمد / عمي احنة بالمستشفى وردة انتحرت
أبو وردة / خوما بيهة شي شلون انتحرت
انتو بيا مستشفى
محمد / شاربة دوة راح يسوولهة غسيل معدة
بمستشفى مال المنطقة
أبو وردة / هسة جايين سديتة بنتي شلون هيج
سوي هية فقيرة مومال انتحار ولج يأمرة
تعاي وين حسين بدلي بسرعة رايحين
أم وردة / وين شكووو شبيك
أبو وردة / وردة انتحرت وبالمستشفى
يلا بسرعة أخذت حسين وأمة ورحنة
وردة / حسيت عيوني مغوشة أيدي بيهة
المغذي والسستر يمي
الحمد لله على السلامة
الله يسلمج
