إمراة من عاج

الثالث عشر

الـثالث عشـرر

! مــِن شفنه الحچــَي
مـگاطـٰف

عـُرفنه اوجـٰوهنه انملـٓـت ..

#إمرأة_من _عاج 🗽

بقـلمي ... #نٰـشوى_السـلطان ... 🍂

خليت ايدي على راسه مو مصخن بقيت بفراشي صافنه وافكر لحد ما غفييييت ... كعدت الساعه 4 ونص على

صياح وكلام شهم .. بس مامفهوم يحجي كلام مخربط
سمعته يكول ... جواهر .. شبيج .. وخري لا لا ... كلمات

متقطعه ومامفوهمه مافهمت غير هالكلمات بس شنو يكول جواهر شبيج .. ؟؟؟ بقيت صافنه علية ... هاي شديكول

معقول ديذكر اسم لو شنو.. همست بصوت ناصي شهم
شبيك... احاجي مايرد نايم وغركان بالنوم ..معقول هذا

مجرد حلم لو اكو شي مااعرفه اني ،.لا شبيه اني حتى
من الحلم  اغار واشك اللي يسمعني شيكول .. لا ماتصور

اي هاي هو مريض .. سوده عليه .. لو بس اعرف شبي
ليش هيج صار ...تقربت عليه وخليت ايدي على صدره

وبقيت صافنه وافكر وادعيله يارب يرجع مثل ماكان ..
من السهر والتعب نمت وماحسيت  الا وهو يدفعني ويندار

ووكل مااتقرب يبعدنب ماعرف شبي عفته  جوز لان مريض مايحب احد يتقربله نمت وور    كعدت لكيت

شهم ماكو يمي ... رفعت راسي باوعت ماكو السويج هاي وين راح ولا حسيت عليه والنوب هو مريض كمت الحيلي

غيرت ملابسي غسلت وجهي شلت تلفوني من الشحن لكيت مكالمه من اسراء عفته بعدين اخابرها نزلت اركض

بالي يم شهم ... دانزل شفت لمياء طلعت من غرفتها وطبت للهول وتباوعلي صفح هاي شبيها عبالك عدوتها اني طبيت

للمطبخ مالكيت احد باوعت بالطرمة عمتي شايله بيدها علاليك المسواك .. طلعت عليها اخذتهن منها ... جيبي عمه انطيني...

ام شهم.. هاي جابهن ابو احمد وصلهن للباب وراح خلي كلشي بمكانه المخضر خلي بالثلاجة ..

مسك.. اخذت العلايك وعمتي طبت للهول ... خليت كلشي بمكانه نسيت اسألها وين شهم .. سيارته يم الباب بس هو

ماكو ... طبيت للهول عمتي ولمياء يسوولفن من طبيت سكتن عمتي ماعرف شبيها تبين ضايجة ... وكفت يم الباب .. عمه شو شهم سيارتة واكفه وهو ماكو وينه كعدت مالكيته وين راح ... ًً

لا يمه موجود هين بالربعه شوي مالو خلگ يمه شيرين كاعده يصيح من راسو مدري شبي شنكول غير حسبي الله ونعم الوكيل

مسك... لا عمه شو مادز عليه خل اروح اشوفة

لمياء... لا تعاي مايقبل احد يفوت يمه ضايج ويصيح
حتى عمتي طلعت وعافتوو...