درستها فعلمتني الحب للكاتبه ام رحيل ..ع م

درستها .....فعلمتني الحب بارت 13

للكاتبه ام رحيل ...ع م
--رن.... رن.... رن...
-الو... ها. يمه سناء شبيچ تبچين
-يمه حسين اجتي الشرطه واخذته
-يا ليش يمه ولچ شمسوي واجته الشرطه واخذته... عليمن..
-يمه ما ادري. اخذو ومشو وكلشي ما گالو غير انت مطلوب، ابمركز الشرطه...
-خابرتي خالچ ...كرار...
-يمه خابرت وكلهم جايتهم الشرطه وماخذتهم مثل حسين..
-زين ..لا تبچين... هسه راح اخابر ابوچ  ويروح الهم
.....وسدت التليفون ام امير وبعده ما طلبت ابو امير
واذا التليفون ايرن من جديد..
-رن.... رن... رن..... رن
-ها يمه .... ايمان خير ...
-يمه اني وعمتي بلمركز ويه.... خالي وكرار... خل ابوي واخوتي يجون ويجيبون محامي..
-وانتن شسون بلمركز... هم كمشوچن الشرطه. .
-لا يمه.. لا ..احنه لحگناهم لعد قابل انعيفهم وحدهم غير انريد نفتهم السالفه شكو..
-زين يمه هسه اخابر ابوچ واخوتچ واكللهم... يله ديري بالچ على روحچ.... مع السلامه..
-مع السلامه  يمه ابسرعه خل يجون...
-زين.. زين.. مع السلامه.
-طوططططط👂👂👂. طوططططططط👂👂👂
الو ابو امير  سناء وايمان خابرن ايكولن اجتي الشرطه وكفت الزلم كله.... اي... ابو حسين وحسين وكرار..... وايمان وام حسين لحگنهم للمركز....
-گليله احنه چايين اني والولد وراح انخابر  اخوچ موسى ايلاگينه بلمركز لان هو بلشرطه، وعده عرف
هناك..
-زين ..ابو امير ..اخابر اخوتي ابو كامل... وابو سلمان
-ام امير لا اتسويه علينه هوسه خل انشوف شنو السالفه.. سهله صعبه
-
ابو امير شنو السهل بيه هاي كفة اعيال، الله يستر
لا يكولون غوغائيين... اهي.. اهي... 😭😭😭
-هذا مو وكت بچي  يله مع السلامه اني راح اتصرف.
-زين  .مع السلامه.
😭😭😭😭😭 اويلي ماعدچن حظ ولا بخت  لا من اول ولا من تالي، يمه ايمان اشلونچ هسه، بلمركز
يمه... يمه.. سوده ابوجهي، يمه بتي حلوه وهسه ياخذوه الشرطه يمه... اروح الحگه... لالا ما اظل گاعده.. لالا.. 👐.....👐....👐..
-اگلچ عمه وين تردين ترحين قابل هيه الدنيا سايبه وياخذوه الشرطه
-،عمه حنين... شمدريني الدنيا بيه اشكال الوان
والوگت مو حلو ...ولچ يمه حنين،
-عمه اتهدي بلرحمان وانشاله ماكو شي، وهمه مو وحدهم کله راحت الهم وعمو موسى هم عده رتبه بلشرطه وهسه ايحله...
-انشاله ابنيتي انشاله..
-هاا اشبيچن گاعدات تبچن يا ستار.. خو ماكو  شي
-ها. سهيله... اجيتي اشلونه امچ
-احسن من البارحه وعلى الله... بس شكو حنين اشوف عمتي مقهوره وتبچي ليش...
-هسه خابرونه يگلون كرار وحسين وابو حسين بمركز الشرطه گامشيهم
-يا.... ليش شمسوين
-والله عمه ما ندري ليش كامشيهم ...الله يستر ويعديه، على خير  ويستر ويلادنه من هذا البير الاظلم... الوگعو بيه.. 😭😭😭
-يا عمه.. هذا يا بير خاف رجولة بناتچ شو شمسوين وکمشوهم. 
-ولچ سهيله تره هسه احس عزراين واگف فوگ👿👿👿 راسي وخري عني وفوتي الغرفتج. احسن ما ارجعچ لمچ واخلي گلبه ينفخ وتموت.
-يا اسمله على گلبه وامي شله شغل بولاد اخوچ مدري شمسوين من بليه..
-والله اليوم لحط ابراسچ توثيه يلکاوليه بت الكاوليه
-واووووووو... واووووووو.... يبوووووووو.. يبووووو
-يا عمه عوفيه هاي فطيره وما تفتهم خليه اتولي
عمه... 😄😄😄
......           .......
-هذا مو صوتك  كرار
-نعم حضرة الضابط... هذا صوتي بس امنين اجه هذا التسجيل
-مو شغلك جاوب على گد السؤال. 
-حاظر ...بس ممكن اعرف شنو تهمتي
-متعرف شنو تهمتك هذا التسجيل وكلام التهديد
الي جاي اتهدد بيه  الاستاد كيان
-لا ابد مو تهديد..
-لعد شنو معنى لا يستعجل بلخطبه والزواج تره يندم
-يعني لا يتسرع.. هاي معناه مجرد نصيحه لا بيه شي ولا هاي...
-ليش انت حظرتك اتعرفه... شايفه.. صديقك... مثلا
-لا اني لا اعرفه ولا شايفه ولا صديقي والنصيحه تتقدم الكل انسان حتى المتعرفه...
-هااا حظرتك گمت تتفلسف حتى تطلع من التهمه مو.
عريف رزاق اكتب يحبس خمسة عشر يوم على ذمة التحقيق... اخذه للسجن... ودخل الباقين..
-نعم سيدي.
سحل عريف رزاق كرار للتوقيف... وجاب حسين وابو حسين للضابط.  
-انت حسين.
-نعم حضرت الضابط،
-انت واخوك امهددين الاستاد كيان بلموت اذا اتزوج
-ماكو هيج شي، حضرت الضابط...
-وانت ابو حسين عدك علم ابولدك ايهددون الاستاد،
كيان.
-حضرت الضابط.  .
واني واولادي اشعدنه وياه علمود انهدده
-سيدي. 🤚🤚
-نعم عريف رزاق
-عقيد موسى عبد الكريم.. مامور سجن المنطقه الغربيه.. بره
-خليه يتفضل ابسرعه...
-السلام عليكم.. عقيد ريسان.
-اهلااااااان عقيد موسى عاش من شافك شنو هاي الغيبه... واليوم يا ريح الهفتك علينه شماليه،... غربيه
ههههههههه..    هههههههههه
-والله ريح اهلنه الواگفين يمك... شلونك ابو حسين شلونك حسين.. لعد كرار وين..
-هله ابو يحيى.. والله ما ندري .....وشنو السالفه هم ماندري. 
-عقيد موسى يعني الاخوه گرايبك،
-اي والله... وما نعرف شلقصه واجيت افتهم السالفه.
-والله السالفه الاستاد كيان سليم   وجده المحامي الاستاد كامل ومجموعه من المحاميين قدمو شكوه
بتعرض الاستاد كيان للتهديد بلقتل وقدموا تسجيل
ابصوت كرار محمد ايهدده بلتليفون...
وبعد ان عرف موسى التفاصيل.... وان التسجيل ابصوت كرار بس... ..وان  ابو حسين وحسين، ما عليهم اي اثبات بقيامهم بلتهديد. ..فرجو عنهم وطلعوا ويه موسى وابو امير واولاده... للبيت،.. وكرار
ظل، بلتوقيف...