((صهيل البشامة))
((أحاسيس مغناة))
البشامة:طلعت سمره من الغرفه بقيت أفكر اشراح يصير يالله يسر ولا تعسر ياربي قويني ظليت أدعي لحد مانمت..
كعدت الصبح باوعت الساعه بالسبعه والبيت هدوووء همزين بالغرفه بيها تواليت طبيت كنت محصوره طلعت رجعت اتمددت اخاف يطب احد ع غفله بقيت انتظر سمره تجيني صافنه بالسقف سالفه توديني وسالفه تجيبني ب9 انفتح الباب گبل غمضت عيوني
سمره: ههه بهمس البشامه هاي اني صباح الخير ولو من ورا خاتون من وين انشوف الخير البشامة: اتعدلت خليت فستاني جوا رجليه صباح النور برطمت
سمره: حبيبه سويتلچ لفه اتريگي
البشامة: باوعت بانكسار وبچيت
سمره: أشبيج لويش البچي
البشامة: خفت لا طب هذا حازم لج البارحه حسيت بشعور قذر كعد يشمشم بيه ويتلمسني لوبيدي أحرگ روحي خطيبي ماجنت اسمحله يلمس أيدي
سمره: نزلت راسي حاسه بهالشعور مهما كان صيري قويه اذا مو النفسج الخاطر أبنچ
البشامة: أبني
سمره: أي أبنچ مو من خلف من ربى
البشامه: هزيت براسي انطيني أكل حتى نبدي نتفق اشون أشرد هالفجريه
سمره: اي هيج صيري سباعيه خذي حبيبه بالعافيه اباوع تاگل والدموع تنزل ع لفتها ماتحملت حضنتها وبچيت
البشامة: كمت أبچي سمره والله تعبت تعبت 😭😭ليش ماارتاح
سمره: ابچي وطبطب ع ظهرها أهدي عيني وخرت عنها ردت أضحكها شويه أكلچ حازم بس شمشم ماعضج ههههه
البشامة: ضربتها ع كتفها عابت الله يشيله أنشاءالله ههه أكلج شوووو هدوووء
سمره: هالكحاااب من التعب مايكعدون للثنتين الظهر والكحبه الجبيره تكعود تروح ع اشغالها واني أگعد أكرف وأطبخلهم زقنبوت
البشامة: لج لسانج زفر
سمره: بشرفچ اليعاشر هالنماذج شيصير دكتور
البشامة: ههههه ضحكتيني واني بياحال
سمره: هههه تدرين من بعد سنه من جيت هنا لاول مره أضحك او أحس بوجود أنسانه نظيفه ويايه
البشامة: وظافر مو نظيف
سمره:بلي نظيف بس اريد بنيه اتحس بيه وبالي عانيته وظافر سندني طول هالفتره ويحميني لمن يضربوني ومن كان يجوعوني أيجيبلي أكل بلاحسهم بوجوده احس بالامان ومااخاف من احد
البشامة: تحجي وباوع عليها عيونها تلمع بطاريه أتحس بالامان بوجوده واني بوجود أمين كنت دائما أحساس الخوف مراودني أحجي بداخلي لاشعوريأ كلتله أنتي تحبيه سمره.
سمره: شنو لامااصور شحب قابل مخبله اعيد نفس الغلط
البشامة: انتي ماشفتي لمعة عيونج من تحجين عنه قبل كان أختيارج غلط
مع العلم ماشايفه ظافر بس كلامچ يثبت انو هو رجال ينوثق بيه ويتحمل مسؤوليه وبدليل من يفكر يشرد وينتقم منهم فگر ينقذج منهم واهم شي تحسين بوجوده بالامان
سمره:ههه صحيح والله تتوقعين هو يحبني
البشامة: ولج ليش شايفته حتى أعرف هااااا يعني عندج مشاعر تجاهه المهم اذا طلعنا بخير وسلامه أبدوا حياتكم سوا
سمره: 😶خلي نطلع والله كريم
البشامة: طلعت سمره اتنظف قذارتهم الوقت يمشي ببطئ كانوا سنه لازم اطلع مو البشامة الي تنكسر وانتقم من الي ورا خطفي مر اليوم خطيه كل شويه سمره تخطف نفسها تجي تطمأن عليا واتجيبلي أكل ومي للمغرب أسمع اصوات ضحكهم وكلامهم القبيح بالعشره بالليل بدت سهرتهم جول هالوقت متمدده للثلاثه خف الصوت وصار هدوء بقيت انتظرالباب بالاربعه انفتح الباب
سمره: بهمس البشامة نايمه
البشامة: هاسمره كاعده هاناموا
سمره: اي الكل نام يالله هاج العبايه والنقاب البسيهم
االبشامة:أخذتهم منها لبستهم سمره ووسام
سمره: كملي لبس ومن نطلع للكراج اجيبلج اياه
البشامه: ماشي كملت طلعت واشوف القذاره زلم مشوربه نايمين بالارض الشرب لاعب بيهم لعب والوسخ وملابس مطشره بالكاع سديت خشمي من الريحه وامشي ع اطراف اصابعي طلعت للكراج.
ظافر: هااختي جاهزه سمره طبي جيبي الطفل بسرعه
سمره: اي اي
البشامة: باوعت ع ظافر مشاءالله طويل وضخم وشايل حسن بس الحقراء مدمرين عينه الله يحفظكم يارب والله يوگفلكم مثل ماوكفتولي
ظافر: اختي مثل مو انتي بنت ناس نحنا همين ولد ناس بس الظروف الي وگعتنا بيد هالمجرمين اتصور حجتلچ سمره ع وضعنا
البشامة: اي نزلت راسي سمعت جر نفس واستغفرالله
سمره: هاااج خطيه شراح يطلعه بهالبرد
البشامة: باوعت السمره بجيت حضنتها هي وبيدها وسام شاورتها عمري ماراح انساج الله سخرلج ظافر اتمسكي بيه مو مع اي شخص تحسين بالامان تعدلت سمره هزتلي براسه اخذت وسام وخليته تحت العبايه سمره: أكلج قبل لانسى البارحه سمعت خاتون تحجي ويا صديقتها أسمها وسن تعرفيها
البشامة: وسن وسن لا مااعرفها
ظافر: يالله بسرعه قبل لايطلع الضوا هاج هاي الفلوس خليها يمج وهاي الورقه بيها رقم بعدني ما فعلته الا يوم الي اريد انفذ انتقامي صبري بس هالشهر وهذا ميموري بيه هوايا دلائل تثبت جرائمهم واني عندي همين نسخه لو فرضا ماكدرنا نشرد انتي كملي الباقي واحد من عدنا لازم يوگعهم
البشامة: شون لعد اعرف انتو بديتو بخطتكم
ظافر: يوميا كلما يتوفر جهاز يمج دگي عليه واهم شي لاتروحين الاهلج هالفتره لانو راح يدورن عليج اكيد
البشامة: لعد وين اروح خلال هالشهر
ظافر: ربج موجود هسى اهم شي تبتعدين من هنا
البشامة:يعني اذا طلعت مممن هنا انطي هالميموري للشرطه
ظافر: لا تنطينه لحد ماانحنا نشرد منا الشهر بعده اتصرفي
البشامة: ماشي انشاءالله أخذت الفلوس والرقم والميموري اتشكرت منه مشيت واتذكرت سمره
سمره: هااا 😢
البشامة: سمره راح انطيج رقم ابوي خلي يمج دنيا واحوالها اذا ماكدرت اشرد وصارلي شي امانه خابري ابوي وشهدو كلوله البشامة ماشردت ومانزلت راسك وهو راح يساعدكم
أنت تقرأ
صهيل البشامة
Romanceعندما يواجهه الانسان المصاعب مهما بلغت قوته لابد من ان يصل الى درجة الجموح والغضب والصهيل من الوجع والعذاب
