الأوضاع راهي هادية في الفطور
راني درت الحريرة و البوراك و زدت الرروز صفر
أمين معلقش و محمد متبعهش و بابا و مام راهم ساكتين
شاكاين شاصاري مع أمين
ياربي راني سور جا كلشي شباب
ثواني قلييييلة جدا و نسمعوا البومبا
امين : ماما بابا حاب نقولكم حاجة
ياربي رهجته صايي الحريرة دارتله كاش حاجة
أمين : بغيت نخطب أحلام صحبة ريتاج
بوووم
الحريرة لي كانت في فمي خرجتلي من نيفي شهقت و محمد هاري عليا بالضحك أمين مازال بداك بوكر فيس و والديا ميتين سعادة
ريتاج :كاس..كاس ماا
جابلي محمد الما و رتويت بيان حطيته على جنب و شفت في أمين
انا غي جيت نهدر بابا سبقني
عمي عبد الكريم : شوف اوليدي انا أحلام دايرتها كي بنتي و نبغيها و راك عارف بلي قبل ماتكون صحبة ريتاج راهي صحبة العايلة كامل اسكو راك سور تقدر تتهلا فيها و تعيشها كيما راهي في دار باباها
امين دارليه بوحدة اللهفة انا و تشوكيت منها ياخااه يبغي أحلام لهاذ الحد و انا معلاباليش
أمين : بابا نتا أول واحد راك عارف شاتمثلي أحلام و علابالك بلي راني باغيها و ناويها للحلال و قبل ماندير اي حاجة راني طلبت من ربي يوريلي الطريق الصح
طاطا ربيعة : ياربي ولدي كبر و رح يتزوج
و نشوف في أمين يحمار ياه باينة عليك وجه الحشمة و الله مانكون ريتاج اذا مدرتش قالب في واحد فيكم
ريتاج : اصبروا اصبروووا شوي نتفاهموا بيان سما السكوت المفاجئ ماشي بسباب الحريرة و لا الروز ياك راهي مليحة
محمد : دوري حمبووك دوري كمارتك (وجهك بالمستغانمية) عليا
ريتاج : ايا مليح بصح انا مانيش فاهمة هي علابالي بلي أمين يحب أحلام بصح كيشغل ماراهش عاجبني الحال انا ماذا سوف اربح
أمين : دوغوب و نخيطلك قفطان
ريتاج : امممم قليلة يزاف راني شادتها من سبع سنين لخويا أمين زيد شوي راك بخلصتك في فرنسا ياك
أمين : ياربي الصبر...نزيد طالون زوج يناسبوا لي غوب و نجيبهملك من فرنسا
ريتاج : ها خويا بديت تفهم مليح حقيقة ماخصني والو غي راني نكتر فالهدرة بصح مليحة تخيطلي قفطان تانيك
طاطا ربيعة : ايي خلي ولدي طرونكيل
محمد : سما وينتا نروحوا لألجي
عمي سليمان : لازم ريتاج تحكي مع أحلام و انا رح نخبر باباها بعدها
ريتاج : ويي ويييي مليحة هذي
محمد : بصح علابالك يابابا بلي بنتك شوي مهبولة تقوللها محمد راه حاب يخطبك نورمال
تاجات محمد ضربة في الراس مسن كان ياكل فالحريرة
أمين : ايا ستف روحك راني حداك
محمد : و ها قلبي راه مازال ماخطبها مااما شوفي ولدك شاراه دايرلي
طاطا ربيعة : ياربي عندي زوج ولاد مانقدرش نفرق بسناتهم
ريتاج : ايي رومانسية هذي ماشي مليحة اصلا اصلا تحيا بابا منتحاجكمش
طاطا ربيعة : نتي راكي عارفة بلي منسمحش فيك
ريتاج : علابالي علابالي شكون لي يسمح فيا انا
أمين : احم حوحو يشكر في روحو
ريتاج : احم عندي تيليفون احلام غي انا في زوج كلايم المستقبل باي باي
أمين : على جال هذي نشرييلك ميلكا ختي و الله
ايا شتو هذي و الله بسبابها خصه يصوم ثلث أيام بعد كامل لي درتهوله و ماشراهاليش
ريتاج: شوفوا هي السيمانة جاية دوبغيفيغونش نروح لألجي
أمين : وي وي عندها الصح نيشان اختي تفكر
طاطا ربيعة : تهاذ الحد راك مقلق مسكين ولدي علابالك تاصيف العام جاب عاد تتزوجوا
و هنا وجه اخي العزيز اسود
مقديتش طرطقت بالضحك ماي برودر ايز كيوت كيشغل طفل صغير ياخاه لي تديه قصدي أحلام غادي تعاني معاه
انا كملت ماكلتي و ماما غسلت الماعين جونسيبا علاش بصح فيها إن
رفدت التيليفون و عيطت لأحلام
أحلام : ريييتاااج توحشتتك كيرااكي عممري صفاا
ريتاج : و الله كنت مليحة بعد وذني راحت بصح معليش
أحلام : معليش معليش..توحشتك ياختي توحشتك
ريتاج : هااي البارح كنا نهدروا مالكي نتي
أحلام: هكا ديريلي يا ريتاج تف عليك اصلا منهدرش معاك
ريتاج : أههه أمين جيت هدرت مع ديك الشيرة لي قتلي عجباتك
خويا راه في الكوزينا يدور باينة
أحلام : وشنو شاصرا شكون البنت و علاش امين
ريتاج : وحدة البنت شااابة بزاف شفتها انا و أمين و عجباته بزااااف راه هابل عليها
صوت إنكسار قلب أحلام
ريتاج : ايه و الله شابة و مسرارة و رانا قررين نخطبوهاله بعد سيمانة نروحوا لدار باباها
أحلام : كي..كيي سموها أسكو شابة اسكو أمين يكون فرحان معاها
ريتاج : هيي شاابة بزاف و رح يكون ميت بسعادة معاها و سموها أحلام مسكينة كيما نتي
أحلام :اه الله يفرحه و يكملهم بالخير
ريتاج : أمين أمين الله يفرحه و يكملكم بالخير نشالله يا حمارة
أحلام : ريتاج مانيش في وقت تع زعاقة
ريتاج : الصبر قالك اذا أحب الله عبدا ابتلاه ربي بتلااني بيك ياا حمارة
أحلام : هاا بركي صايي
ريتاج : بلا دراما علينا روحي وجدي دراهم و خرجي للمول تشري خيمار و لبسة جديدة عمري دار أمين راهم جايين يخطبوك من دار بوك ياحمارة و اتونسيون يطيحلك السكر
تانسمع السيدة تعيط صاي صاي هبلت
أحلام : يعني..يعني
ريتاج : نعم تع يعني يعني تقطعي نخليك و لا نكملوا هدرة
أحلام : نكملوا نكملوا يالطيف راني ميتة سعادة أمين راه جاي يخطبني
ريتاج : رح توليي ختي و تزيدي تروحي لفرنسا تعيشي
أحلام : ماراهيش مفرحتني تع فرنسا كثر من تع أمين حايتزوجني
جيت نهدر تايدخل أمين كيالعسكر عندي
أمين : ريتااج ريتاج ريتاج
ريتاج : شاصرا شاكاين وشبييك
أمين : بابا عيط لبابات أحلام قاله ارواحوا نوورمال غادي نموت شديني
لمدة زوج دقايق تفكرت أحلام راهي من جهة الأخرى فالهاتف و الوجه الشرير تع وجهي بان
ريتاج : ايه نورمال و نتا علاش راك زعفان
أمين : شاه زعفان كيفاش نزعف و انا راني رايح نخطب لي نعشقها
اوك تحصلت على ما أريد حطيت تيليفون قدام وجهي و درته اوباغلوغ
ريتاج : ايا أحلام بسبابي تحصلتي على إعتراف من نوع رفيع فايتينغ فالباقي
أمين تشوكا أحلام كوبات و أنا بقيت نضحك
جيت خارجة من بيتي نروح عند محمد خصني نلعب فوت
أنت تقرأ
حلالي (باللهجة الجزائرية)
Romanceربي يا ختي راه كاتبلك حياتك كامل في ورقة ربي بحكمته راه عارف شاره يدير يا ختي حكايتي ليك اليوم حكاية تتمناها كل شابة جزايرية حكايتي يا ختي تهدرلك على العائلة الجزائرية قصة جزائرية 100% نتمنى تعجبكم *لاتحكم عن الكتاب من غلافه* #wiam
