كنت انضم في الدار ... لين سمعت صوت عياط برة ... طلعت نجري ✨
اني: شن فيه خيرهم 😳
مها: مش عارفة بوك يهزب ويعيط علي ماما
اني فتحت الصاله وخشيت ... مها قعدت واقفة فم الباب
ماما: اني من الأول مقايلتلك😠 ... السم الهاري الي تشرب فيه مادخلاش لي حوشي😠
بابا: حوش قهرتك 😠... من وين لاوين ولا حوشك 😠... مادخلكش انتي زي الخدامه في هالحوش اندخل الي نبي اني حرر😠
ماما: تي اي حوش واني لما جيتك الواحد مايقدرش يعيش فيه😠.... كله بفلوسي ورزقي .. فلوسي ورزقي الي كملوه😠
بابا: تي معش تعلي صوتك يا ¥€¥😡
وقدم بيضربها .. اني خشيت في النص
اني: خلاص الله يربحك خلاص😭
بابا: ماتمشوش الا بالعين الحمراء😠... حولو من قدامي 😡.. ودفنا وطلع
اني: معش تعانديه ياماما معش تعانديه
ماما قعدت تبكي :تعبت منه والله تعبت😭 ... الناس كلها تتكلم عليه وعلي عمايله ... شن هدا حشمنا ماتقولش شايب في السيتينات 😭
مها : معش تبكي ياماما خلاص😭 .. حسبي الله...
ماما: لالالا هدا بوك ماتتحسبيش عليه
مها: حتى وهو هكي قعدة ادافعي عليه
ماما: الله غالب شن بنديرو الله غالب😭
اني: خلاص نوضي اغسلي وجهك وارتاحي
ماما: باهي
وناضت خشت للحمام "حشاكم"
مها: ولي امت هكي لي أمت
اني: خلاص اسكتي امك مش ناقصها
مها: ربي يورينا فيه يوم 😢
اني: مهااا😠
ناضت من غير ماتتكلم .. خشت لي دارهم سكرتها وقعدت تبكي ..
اني تنهدت: ياربي اصلحه ووعيه ياارب👐
~
~
~
~
~
ردينه: رضوان جي هيا سلمى
سلمى : هي
ناضو ومشو للسيارة .. لقو رضوان واميمه
سلمى: اموم شنجو
اميمه: تمام اهو الحمدلله
ردينه: طالعين شكلكم
اميمه: لالا كنت عند اماليا كيف مروحه
ردينه: اها ..تعالي روبي حبيبيتي تعاي ...وخدتها قعمزتها في حجرها
رضوان: كلمي امل شوفاها كملت ولالا مافيا مارجعتلها بعدين
