عودة وآليكس (جورناكولم)

فك لغز

بعد مرور ساعتين ...
الساعة 8 الصبح ...
الكل صحي خدت مريم وادهم على جنب عشان نفكر سوا
احمد: اسمعوا دلوقتي انا لاقيت عم علي فجأة بيقولي اركز على اخر جملة في الورقة وعرف الي فيها ازاي معرفش انا شاكك في الراجل دا مش متطمن له
مريم: طب ما تشوف اخر جملة كدا ياحمد فيها ايه مختلف
ادهم: اقراها كدا صح
احمد: جريمة وراء ريح نارية اسير كاتمة ورقة لحين مؤقت
مريم: تفسيري ليها جريمة هتحصل في وقت يكون الجو حر فيه اوي هتخليك زي الاسير... (كاتمة ورقة) تقريبا يعني السر في الورقة مختفي وصعب تلاقيه لحد ما يجي الوقت المناسب تعرفه هتكشفها الورقة
احمد: تفسير متقن ممكن بس هو مين ولا الوقت ايه
مريم: شاكة انه واليكس لما قالك راجع تاني
ادهم: ثواني كدا لحظة صمت.. اقرأ براحة كدا ياحمد
احمد: جريمة وراء ريح نارية اسير كاتمة ورقة لحين مؤقت
ادهم: خد اول حرف من كل كلمة كدا واجمعهم سوا
احمد: جـ..و..ر..ن..ا..ك..و..ل..م
ادهم: جورناكولم
مريم: مش دا اسم المركب
ادهم: البداية في المركب دا
احمد: عم علي قالي ان دا اسم ابنه انا شاكك انه ليه علاقة بالموضوع
ادهم: انا شاكك انه واليكس رجع بس مش ممكن يكون واليكس دا هو عم علي وكورناكولم دا سلاحه الجديد
مريم: بس مين سلاحه طلسم ولا شخص ولا ايه
احمد: تفتكروا يكون علي
ادهم: معتقدش علي اتطعن قدامنا ومات
احمد: حاسس ان عم علي هو علي وانه لسة مماتش، في حاجة غلط
مريم: مش ممكن يكون جورناكولم دا الموقع الي هيبدأ مخططه فيه ويقصد المركب!
ادهم: والله ممكن توهان
احمد: مريم الاحلام لسة بتجيلك تاني
مريم: كان بيجي احلام مختلفة اليومين الي فاتوا بس كان على جزيرة كدا فا طنشت قولت يمكن من الفيلم الي اتفرجت عليه بس برضه حاجة كانت مكتفاني وشاهندة كلمتها حكيتلها قالتلي انه ممكن تقلت ف الاكل او الفيلم
احمد: فاكرة الحلم كله؟
مريم: لا
ادهم: شاهندددةةة... تعالي ثواني
شاهندة: ايوة يا ادهم.. عايز ايه مش بصطاد انا معاهم
ادهم: ياستي هسالك حاجة ثواني اهدي
شاهندة: عايز ايه يا غلس
ادهم: ممكن تقوليلي ايه الي حكيتهولك مريم يوم ما اكنت خايفة الحلم كان ايه فاكرة
شاهندة: اه فاكرة، في حاجة ولا ايه
مريم: في مصيبة
شاهندة: في ايه مصيبة ايه، تعالوا هنا مالكم وايه الورقة دي
احمد: احكي بس
شاهندة: مش حاكية الا لم تفهموني في ايه
احمد: امسكي فاهمة حاجة من الورقة دي؟
شاهندة: ايه الكلام دا دي الغاز سحرية، احمد في حاجة هتحصل ولازم نقعد كل الشلة سوا مش هتعرفوا تفكروا لوحدكم والي بيننا ميطلعش
احمد: بس... (ادهم يقاطع)
ادهم: هاتيهم بسرعة وفتحوا مخكم معايا