ابوجنه.. ها دكتور بشر شلون صارت حالت الوالد
الدكتور .. اتعرض الصدمه وحاليا انطينا العلاج ونشالله يصير بخير ..بس دربالكم يتعرض الصدمه ثانيه خبر يصدمه احتمال يروح بيهه مره الخ ..
اذا هاي المره عبرهه بسلام مره الثانيه ماكدر اضمنلكم يتعدئ هذا شي اوك ..(ماعرف كلام الدكاتره والامراض. 😁)
ابو جنه.. انشالله دكتور مشكور
الدكتور...الشكر لله.
ابو زين . دكتور نكدر نشوفه.
الدكتور. ..اي تكدر تشوفه بس لاضغطون عليه باكلام وتركو يرتاح
ابوزين و ابو جنه.. انشالله
.
.
.
بعد ماراح الدكتور دخل ابو جنه وابو زين يشوفون ابوهم ويطمنون عليه
الجد.. شعدكم جايين طلعو بره ماريد احجي ويه ناس كذابه
ابو جنه.. يابه سوينه هذا شي ع مود ميصير بيك شي
والي خايفين منه صار وتخربطت وشصار بيك
ومثل دتشوف حالتك وهسه انته بالمستشفئ
يابه احنه لو مخايفين ع صحتك مانخبي عليك شي
الجد..وهسه جنه وين وشلونهه
ابو زين ..يابه هسه انته تعبان اطلع وصير زين ونحجيلك كل شي
الجد.. انشالله
ابو جنه.. يله يابه نخليك ترتاح
.
.
.
.
وصباح جميل مع ابطالنا
جنه.. اليوم المنبه مادك خل اشوف الساعه.
هاي شنو خرب هسه محمد تأخر
ولمت شعرهه وطلعت تركض للمطبخ
وخلت الشاي ..وراحت تكعد محمد
جنه.. محمد. محمد.ماكو رد
هذا شبي اليوم ماكاعد اتأخر
محمد. محمد
اهو هذا شكد نومه ثكيل
محمدددددد.
محمد فز وكعد
محمد... خير شصاير 😨
جنه.. مصاير شي بس دااكعدك وماكو ماتكعد
محمد.. واكو واحد هيج يكعد شنو انذار وصيحين 😒
جنه.. شسويلك انته ماتكعد وتأخرت
محمد.. شنو هل الاهتمام
جنه.. لااهتمام ولاشي مالي خلك كلامك
محمد.. هسه صار مالج خلك ها
جنه.. ها 😐..لامقصدي
وبعد صمت دام دقيقه
تكلم محمد
محمد.. اليوم ماروح للشركه. شنو نسيتي اليوم نروح ويه صديقي ع مود يشوف لبنيه الي يريد يخطبهه
جنه.. العصر قابل الصبح
محمد.. ولج السانج طولان
بكيفي ماروح عندج اعتراض
جنه.. لا
جنه.. خرب 😲
محمد.. شبيج
جنه.. الشاي
وراحت تركض ع مطبخ ومحمد راح وراها
جنه.. احترك الشاي من وراك 😢
أنت تقرأ
الفصليه
Mystery / Thrillerفتاه وحيده اهلهه مدلله أباها وأمها عنيده لاتسمع كلام احد ولطيفه ..باقي التعريف ببدايه القصه هوا متسلط يكره العناد وكلمته مسموعه سريع الغضب. تابعوووو القصه وحتعرفون بقيه الاحداث قصه عراقيه. سمسم.
