امير و سارة ( باللهجة الجزائرية)

الكذبة الواعرة

جازوا يومين و حاجة ما تبدلت ، كملت سارة شغل الدار و قعدت مصابتش واش دير كانت مريحا تتفرج حتى صونا تيليفون تاعها نيميرو ما تعرفوش رفدت
- ألوو سارة !
سارة : انعم شكون معايا
- : انا رانية
سارة سمعت اسمها ما فهمت والوا : واش تسحقي عندي 😑
رانية : عجبك الحال كي راني تتعذب انا و امير بسبابك
سارة : كيفاش هاذي تتعذبو بسبابي😒
فهمت رانية بلي سارة معلبالهاش بالحكاية : لوكان ما دخلتيش بيناتنا لوكان راني تما في داري معاه و ين كان لازم نكون ، بصح مبقاش بزاف راهوا قالي امير بلي بقاو شهرين و يتهنى منك من بعد نتزوجو
سارة غير تسمع كيشغول خلاص كرهت مبقاتش تحمل و لا قادرا جاوب : دوركا علاش عيطتيلي مافهمتش 😖😒 و مين جبتي نيميرو تاعي !؟
رانية : عطاهولي امير .. عيطت باش نقلك بلي امير تاعي و علابالي بلي راكي تسيي تجبديه ليك مي هو جامي راح يخمم يشوف ليك
سارة : طيري بيك بيه 😡
كوبات عليها و قاعدة تبكي😢 ( يا ربي عاوني عرفتها يا ربي عاوني ننساه 😢) ناضت مسحت دموعها وخمت تولي سارة كيما بكري حاجة ما تجرحها و لا طيحها جات في بالها تروح للحفافة عندها شحال ما تهلاتش في روحها ..... من الجيهة الاخرى امير كان يخدم ويخمم في سارة حتى صونا تيليفونو عيطتلوا
سارة : عيطت باش نقلك داق خاطري و راني رايحة عند الحفافة
امير : انت كي يديق خاطرك تروحي للحفافة ؟ 😅
سارة : نروح لبحر ، مي هذي الخطرة جات في بالي الحفافة
امير : صحا البسي دوك نجي نوصلك
سارة : نعرف نروح وحدي 😒
امير : ساااارة قتلك لبسي و دوك نجي 😑
سارة : نروح وحدي راني حابة نمشي شوية
امير : واش بيك تهدري هكا كاش ما صرا !
سارة : ما صرا والوا حبيت نمشي شوية راني مخنوقا
امير : خلاص روحي و كي تكملي عيطيلي نجي نديك 😉
سارة : أوكي
كوبات امير تحير عليها فاق بلي بيها حاجة ( واش بيها الصباح كانت لباس بيها خلي كي نروح نجيبها و نشوف )
راحت سارة للحفافة مشطت و سڤمت روحها مي بقات تحس روحها ماشي مليحة كي كملت عيطتلوا باش تنقص المشاكل جا ليها ركبت و طريق ڤاع و هي ساكتة محملتش تشوف فيه كل ما تشوف تتفكر هدرة  تاع رانية
امير : ما تقوليلش واش بيك !
سارة : ما بيا والوا
امير : لالا بيك حاجة ، اهدري واش كاين
سارة : اميير تعيش مانيش حابة نهدر راني عيانة برك ☹
سكت امير ماحبش يفورصيها لحقو لدار حبس الطونوبيل حتى لقى رانية مقابلاتو عند باب الدار تسنى فيه شافها و لا مايضويش ، سارة حبطت و جازت عليها حلت باب الدار و دخلت خلاتو معاها برا ، حبط راح ليها
امير : ربببببك واش راكي ديري هنا 😡😡
رانية : توحشتك جيت نشوفك و الله ماقدرت بلا بيك 😢😢
امير : شوفي يا بنت الناس روحي قبل ما ندير فيك حاجة 😡😡
رانية : لي ديرها راني راضية بيها ، تعيش مقدرتش بلا بيك 😢
امير : كنت تخمي هكا قبل ما *** 😡😡😡
رانية : صح انا غلطت و درت هكا مي هذيك لي راك دايرها مرتك ماهيش نقية عليا 😡😢
امير : ما تهدريش عليها بالكي تزيد تجبديها 😡😡😡😡😡
رانية : كي رحت مور هذيك لحكاية جابت راجل كان قاعد معاها في الدار
امير : بلعي يا الرب راكي حابة نقتلك 😤😤😤😡😡😠😠😠
رانية : امير سمحلي ما نقدرش بلا بيك 😢😢😢
امير : ما نسمحلكش خطيني ، روحي قبل ما نكرفصلك وجهك😡😡😡
تعلقتلو في رجلوا تبكي طبعها دخل لدار و غلق الباب ، راح لسارة صابها في الكوزينة
امير : شكون جا هنا كي ماكنتش في الدار ؟
خزرت فيه سارة خزر تاع مفهمتش !
امير : شكون جبتي لدار كي ماكنتش هنا
بدات تفهم شافت فيه ( عيات مسكينة ) و جات رايحة ماحبتش جاوبو ، حكمها من ذراعها و راجعها
امير ( بالعياط ) : سقسيتك جاوبيني و لا.... 😡😡
مخلتوش يكمل هدراتو حكمت بزوج يديها طبعاتو من صدرو بڤاع قوتها و بدات تعيط و تبكي : ولا واش .... اه ولا واش😭😭😢😢😢
امير شافها هكاك نخلع😮😮 قعد غير يخزر فيها و هي تعيط و تبكي و طبع فيه : و لا وااااااش جيب العقد😢😭 و ين راه هذا العقد 😭😢
راحت لبيتو و هو موراها حلت الخزانة و بدات تجبد الحوايج ترمي فيهم : ( وين راهو هذا العقد😭😢) ممبعد راحت لقجور و للبيرو تاعو بدات تجبد في الدوزان و تعيط : ( وين راهو العقد😭😢 ) ممبعد راحت للكوزينة جبدت لماعن و بدات تكسر فيهم ( وين راهوا هذا العقد😭😢 ) و امير موراها يسيي يكالمي فيها ممبعد راحت لصالون بدات ترفد و تكسر ( وين راهوا العقد روح جيبوا 😭😢) قرب ليها امير يكالميها طبعاتو تبكي و تهدر حبست من العياط و بدات غير تنقص في صوتها ( خلاااااص 😢عييييت خلاااااص مانيش قادر نحمل😢 حرام عليك😢 خلاص 😢) و طاحت في الارض ( خلاااااص😢😢 عييت😢 ) حبط ليها امير و جبدها لصدروا هي خلااص
امير يسكت فيها : اشششششششت خلاص جازت😔 ... جازت راني هنا اششششششت 😔
بدات هيا تبكي تبكي😢😢 و هو معنقها ممبعد جبدت روحها عليها ناضت بسيف جا يعاونها جبدت يدها عليه و راحت لبيتها غلقت الباب....