كل ما جيت ابتدي فيك "انتهيت"وكل ما جيت انتهي شفتك "بدايه"

&الرابع وثلاثون&

&٥١&

بفيلا أبو جــــــراح..
الساعه 12 الفجر..

غزل نزلت ركض للحديقه: يبــه يبـــــــــــــــه
أبوجراح: تعالي أنا هني
غزل بفرحه: البشاره
أبو جراح: مرت أخوج ولدت
غزل تنط: إيه ويابت 3 توائم صبيان..يلا مد إيد على 500دينار
..
ناصر ونهى: صــــــــــــــــــــــــــــــج
ما شاء الله..
أبوجراح تشقق من الوناسه وطلع بوكه:هاج كل اللي بالبوك لج على هالبشاره السنعه..الحمدلله يارب أنه عوضني بعيال ولدي..الحمدلله..ونزلت دموعه
ناصر وقف:قووم يبه خل نروح عشان نشوف أحفادك قوووم..

ـــــــــــــــــــــــــــــــــــــــــ

بفيلا أبو فهــــــد..
الساعه 12:15

بغرفة صمود..كانت طالعه من الحمام ماخذه شور ولابسه روبها..شافت تلفونها يهتز وكان سايلنت..ابتسمت وردت: هلا حبيبي
طلال بفرحه: هلا بحياتي وعمري وروحي..صم صم جوجو ولدت
صمود ابتسمت: ولــــــدت..يا قلبي شيابت
طلال ابتسم: 3 توائم صبيان..
صمود صرخت: صـــــــــــــــج
وااااااااااي وناسه..واهي شلونها

طلال: نقلوها غرفتها والحين إهي نايمـــه..وأحنا كلنا عندها يلا تعالي بشوفج مشتاقلج
صمود ضحكت:هههههههههه هالوقت ما اعتقد يرضون بس
خلاص أشوف فهد ..يلا سي يو

طلال: سي يو حيــــــاتي..
ـــــــــــــــــــــــــــــــــــــــــ

# بعد أسبوعـــين #

وجدان سمت عيالها نايف وسعود وعبدالله..ورجعت لها جزء من سعادتها بوجود عيالها
..
الوليد لما عرف أنها ولدت قطع شهر العسل واكتفى بأسبوعين وقرر يخطبها..
..
عامر وصبا خلاص ما بقى إلا 3
أسابيع على عرسهم..
مناف خطب غزل ووافقت وتمت الملجه بحضور الأهل..


بمطعم الــ....
الساعه 2 الظهر..

فهد بهدوء مسك إيدها: أبرار شفيج ساكته..من طلعنا وأنتي ما قلتي كلمه..
أبرار بهدوء: ما عندي شي أقوله
..
فهد ابتسم: أبرار خلينا نكون صريحين مع بعض..أنا أدري أنج
كنتي على علاقه بمشعل أخوي
وأنج تحبينه بس اهو كان يتسلى
وخلاص تاب..أبرار مشعل يحب
وحده اسمها رغد وبيتقدم لها..شوفي أنا كل الماضي بنساه وببدأ صفحه جديده..وأبيج تبدينها
معاي..
أبرار تفأجات..انسحرت بطيبته وهدوءه..ابتسمت : موافقه..
فهد ابتسم من قلب ومسك إيدها
وباسها: والحين قولي لي شنو حابه نتغدى..
ـــــــــــــــــــــــــــــــــــــــــ

بفيلا أبو الولـــيد..
نفس الوقت..

بجناح الوليد..

الوليد بهدوء: أريج بقولج شي أنا
قررته بس أبيج تفهميني..
أريج كانت تصفط ملابسه..ابتسمت وقعدت..
الوليد بتوتر: أنتي تدرين أني خطبت وجدان قبل ورفضت..
أريج بحذر: أدري..وأدري بعد أنك خطبتي بقناعتك وأنت تدري
أني تطلقت بعد 6شهور من زواجي الأول..
الوليــد وقف: أنا ياأريج صج اخترتج زوجه لي ويشهد الله أنج
ما قصرتي بحقي وأن أخلاقج وطيبتج توزن بلد بس أنا قلبي مايل لها..أبي أتقدم لها مره ثانيه
..
أريج تنفست بهدوء لأنها واثقه أن وجدان مستحيل توافق: براحتك هذا شي راجع لك..أنا ما
أقدر أمنعك الشرع حلل لك أربع
..
الوليد انصدم: صج يعني أنتي مو
زعلانه
أريج وقفت وراحت له : وليد أنا تعلمت كثير وشفت كثير..الحياه علمتني اصبر واقتنع بكل شي
مكتوب لي..روح واخطبها ياوليد
..أنا صج بزعل لأني ما ارضى تشاركني وحده بزوجي بس ما أقدر أمنعك..
الوليد حضنها بقوه: الله لا يحرمني منج ولا من قلبج الكبير
..وطلع بسرعه يحاجي أبوه..
أريج ابتسمت بسخريه على نفسها ومسحت دمعتها..: مستحيل يتعدل حظي..كل ما قلت خلاص برتاح..شفت عقبه بطريجي..
ودخلت الحمام تداري دموعها

تحت بالصاله..
أم الوليد: لا بالله ينيت..بتفضحنا
أنت
الوليد بسرعه: ليش يمه ليـــش
أنا أحبها وأبيها..
أم الوليد ورم قلبها: ياربي..بيذبحني الولد..اعنبو دارك ومرتك اللي قاعده فوق ما صار لك أسبوعين من أعرست..
الوليد بضيق: يمـــه أريج موافقه وما عندها مانع..وبعدين
أجرب ماني خسران شي عالأقل أربي عيال المرحوم
>>>كثر منها يابو قلب طيب..
أبو الوليد تدخل: ولو أني مو مقتنع بس بمشي على هواك وبروح أخطبها لك وبشوف أخرتها معـــاك..
الوليد وقف بفرح وباس راس أبوه: صــــــج يبه صج..الله يخليك لي ياتاج راسي..
ـــــــــــــــــــــــــــــــــــــــــ

بفيلا أبو مشــــــاري..
الساعه 3 العصر..

بجناح مشاري..

العنود كانت قاعده على أعصابها تحاتي مشاري اللي ما يا عالغداء : اففف ياربي وين راح..أول مره يسويها وما يقول لي..بيأذن العصر واهو ما يا..
بنفس الوقت انفتح الباب ودخل مشاري: الســــــلام عليكم..
العنود ركضت له بسرعه وطاحت بحضنه: مشــــــاري..حبيبي وين كنت..قعدتني على أعصابي
مشاري استانس على لهفتها وباس خدودها: آسف ياقلبي خليتج تحاتين..بس رحت السفريات
العنود باستغراب: سفريات ليش
بعد
مشاري ابتسم: لأن باجر بيصادف تاريخ ملجتنا وحبيت نسافر أحنا والعيال ونغير جو..وباس شفايفها..
العنود ابتسمت وذابت بأيدينه..بس قطع عليهم
خالد يبجي خلص الحليب: آ آ آ آ
العنود ضحكت: ههههههههههههه
مشاري تركها: هذا ولدج بشيله
وأحذفه من الشباك ههههههههه
ـــــــــــــــــــــــــــــــــــــــــ

بفيلا أبو عـــمر..
الساعه 9 بالليل..

كانوا حاطين لها فراش بالصاله وسراير عيالها الثلاثه عندها..

شجون كانت قاعده تفر قنوات وحمودي يلعب تحتها تركيبات..
سمعت صوت عبدالله يبجي..وقامت وخذته: عمتــــــي..عمتي
أم عمر طلعت من المطبخ...: اووه هذا منو اللي يبجي
شجون تهزه: عبودي..الظاهر أنه
يوعان يبي حليب
أم عمر متوهقه:وأمه وينها
شجون: راحت تتسبح من شوي..
أم عمر: انزين قومي سوي له حليب..شوفي الممه وينها..أنا قاعد أجهز الشاي والقهوة أخوي أبو الوليد بالديوانيه مع العيال..
بنفس الوقت..نزلت وجدان متروشه ولابسه نفنوف أبيض حفر ومزموم بشريطه سودا تحت الصدر وطويل لنص الساق
مع جواريب سود شفافه..
وبيدها شال أسود..
وجدان ابتسمت: ها ها عبودي عبودي ماما يت..وخذته من شجون وقعدت على فراشها وفتحت نفنوفها شوي وقربته لصدره وصار يرضع وسكت..
شجون ابتسمت: أنتي يا مينونه يا مينونه..اكو وحده بالنفاس تلبس هاللبس الخفيف
وجدان ضحكت: هههههههههههه
عادي معاي شال والجو دافي مو بارد
أم عمر طلعت وبيدها الصينيه وشهقت من شافتها: وي غربل الله إبليسج غطي صدرج الحين بيدخلون أخوانج
وجدان ضحكت ولفت الشال على جتوفها وصدرها: ههههههه
شفيج يمه اهم مو هني وبعدين بيختنق عبودي جذي..
شجون رفعت حاجب: هههههه
فتحي له شوي خل يتنفس..

محمد غار وقام وقط اللعبه بعيد ومشى لها بخطوات متعثره وصعد بحضنها: مم مام..ويطق خدودها
شجون ضحكت: هههههه حسبي
الله على إبليسج ياوجدان..غار الولد..
وجدان تضحك: ههههههه أنا شكو عندج صدر وعطي ولدج
شجون تخصرت: لا والله تبينه يعضني بيكمل سنه..[وتحاجي ولدها]ما فيه حليب روح ألعب..
محمد عصب وتفل عليها وعطاها كف صغير: مم تف تف
تف..مام..تب..تب تف تف تف
ونزل يكمل لعبته..
وجدان ماتت ضحك على شكلها
: هههههههههههههههههههههههههه
ياحرام طقوها ههههههههههههه

شجون تمسح وجهها وتضحك: ههههههههههههههههههههههههههه
خله يولي..

بعد دقايق نام عبدالله على صدر أمه..ووجدان نزلت ولدها بسريره وقامت الحمام..

بنفس الوقت..دخل أبو عمر ووراه عياله..
أم عمر: راح أبو وليد
أبو عمر قعد: إيه راح..وجدان وينها
شجون: كانت ترضع عبدالله..وراحت الحمام..
أم عمر: شفيك شكلك بتقول شي..
أبوعمر: إذا يت وجدان تعرفين
..
يت وجدان مبتسمه: هلا يبه..
وراحت قعدت بفراشها عند عيالها..
أبو عمر بجديه: جم باجي لج وتخلصين النفاس
وجدان باستغراب: يعني 3 أسابيع ليش..
أبو عمر: بصراحه يابنتي توه خالج أبو الوليد كان عندي وخطبج مني لولده..وتعرفين يايبه أنتي بعدج صغيره وحلوه وفوق هذا أرمله وعندج 3...
وجدان قاطعته بحده: يبــــــه
أنت تدري أني مستحيل أتزوج بعد زياد..ورجاءا لحد يفتح هالموضوع مره ثانيه..وإذا أنت عجزان عني اطلع أنا وعيالي..
المرحوم ترك لي ورث وخير وايد..وقامت بسرعــــــه صعدت فوق..
عمر تنهد: قتلك يبه وجدان ما بتوافق لا تعب نفسك بس أنت أصريت..
أبوعمر: خفت عليها بس ما توقعتها بتنفعل لهدرجه..
طلال منقهر: صج قواة عين الحين أحنا مو رفضناه بالأول..وتزوج وخلصنا مسرع ما مر على زواجه أسبوعين وجا يخطب..
أم عمر وقفت: خلاص سكروا الموضوع..البنت رفضت وخلصنا
..

فوق بغرفة وجدان..
كانت قاعده عند الصوفا وتبجي
: مستحيل يفرح فيني ريال بعدك
يازياد..مستحيل..أنا فيك ابتديت وفيك انتهيت..

ـــــــــــــــــــــــــــــــــــــــــ