كسر القيود
بقلم زهرة الاقحوان
رهف كعدت من الصبح رشيت البيت
وخليت مي بالقوري وسويت شاي
صعدت للسطح ذبيت ورقه بالتانكي وظلي القليل لازم اسويه
مصطفى ؛ ها رهف خير كاعده اليوم
رهف :اي اريد احظرلكم ريوك بداية جديده وياكم
مصطفى :الله يوفقكم
صباح الخير يوم كعدو اتريكو لان عندي موضوع وياكم
عمار :غسلت وكعدنه كلنه على السفره
كانت حلوه لمتنه
مصطفى :انا راح اسافر
طلع اسمي بالدراسات كانت عدكم مشاكل وماحجيت لحد ماكملت شغلتي
عمار :تركت الاكل
شتحجي انت مااسمحلك اتسافر لاي مكان
عمرنا ماافترقنا من صغرنا تحملنا كلشي بس ابد
مايوم غاب عني مثل خيالي كان
مصطفى :انا ارجع بعد مااكمل دراسه
ادعولي اتوفق بمكان ماتضوجون
-يوم لاتعوفني الله يخليك صطوفي يوم اموت بيوم الي مااشوفك
رهف :اووووف هسه هذا موضوع
عيني تركوه يسافر قابل جاهل مجلبين بيه
خلوه يشوف الدنيا
عمار :رهف شوي سكتي جاي تشوفين روحج تخالفينه
مصطفى :انا قررت وكملت اوراقي بس حبيت ابلغكم
عمار :طلعت للدوام وانا مهموم متعلم عليه ومطمئن لان عندي ظهر
راح يخليني وحدي
بس مااكدر اعرضله
رهف :خاله اليوم علي الطبخ
-لايوم انت حامل وتعبانه
رهف :ازعل عليج اذا ماتخليني اطبخ
خليني احس بيتي هذا
-براحتج يمه
رهف :الحمد لله صارت فرصه اكمل كل شغلي
مريم :اوووف السادس هلكني مااطلع من غرفتي كلش قليل
اسراء تعبت من الجهال جاد عنود وكيح ويزن هادئ
كنت اخلي يزن يمي من ادرس
اخليله ملاعيب وبابا جاد اغلب الوقت يمه
علي دورات وكان يجيبني ويوديني
الحمد لله بديت احس مسيطره على الامور
يارب يتحقق حلمي واكون محاميه واساعد كل مظلوم
يارب
عمار : اول مادخلت للبيت احس بنعاس فضيع
رهف :هلاو حبيبي
عمار :هلا بيج رهف كلش نعسان خليلي الاكل خلي انام
رهف :موتدلل من عيوني
ركضت حظرتله الاكل
عمار :وين ماما اشو ماالها حس
رهف :جاي تصلي هسه تكمل وتجي
عمار :كملت وشفت ماما اطمئنيت عليها ورحت نمت
-غريبه عمار ماياكل اذا مو انا وياه
يالله شريد المهم مرتاح
مصطفى : دخلت ماما صبتلي الغده
ليش وين عمار
-عمار تعبان
مصطفى :تعبان لو زعلان لان اسافر
-والله ماادري بيكم يوم مجاي افتهملكم
رهف :اوووووف والله دوخنه تلفون عمار
عمار اكعد اكعد
عمار :بيش الساعه
رهف :بسته
عمار :شنو 😳😳😳 شلون نمت هل الوقت كله
وانا مواعد الناس بالاربعه
ركضت غسلت وطلعت بس الغريب بالموضوع البيت كله نايم
جائز تعبانين
