Just to love you (THE BUDDIES SERIES 1) COMPLETE

Closure

Les' POV

Wala akong imik habang magkakaharap kami sa dining table ni Ellie at ni Naureen. Madaldal pa rin si Naureen. Katulad pa rin nd dati. She helped Ellie prepared some food. Marami silang inihanda para daw sa akin.

I still can't believe that she is here. Paano siya naging bestfriend ni Ellie? They are totally opposite. Sobrang outgoing ng personality ni Naureen samantalang 'tong si Ellie, kulang na lang magtago sa baul dahil sa takot sa tao.

"Ellie, tell your husband to taste the food. Sayang naman kung hindi siya kakain. You prepared all of these," sabi ni Naureen.

Tumingin ako sa kanya. Bakit ganoon? Bakit parang wala lang sa kanya na asawa ko si Ellie? Hindi ba siya magtatanong? Hindi man lang ba niya ako kakamustahin?

"K - kain ka Les. Masarap ang mga iyan," parang nahihiyang sabi ni Ellie.

"Yes, Les. Try to eat those. Sayang naman ang pagiging chef ko sa Amerika kung hindi mo matitikman ang mga specialty ko," sabi pa ni Naureen.

Kahit ayokong kumain, napilitan akong kumuha ng pagkain na nakahain. Napilitan akong tikman.

"Alam kong hindi marunong magluto itong bestfriend ko kaya when I found she's married, talagang umuwi ako. I missed her so much. She's my bestfriend from elementary to high school. Mahiyain talaga si Ellie but sobrang bait. It's been what since we last saw each other?" Sabi pa niya habang nakatingin kay Ellie. "Ten or twelve years?"

"Ten. After 'nyong lumipat ng bahay hindi na tayo nagkita. Then sinabi mo nga sa akin na sa Amerika ka na titira. How is Josh and Kara?" Sabi ni Ellie at tumingin sa akin. "Josh is her husband and Kara is her seven year old daughter."

Seven years ago na pala ng maghiwalay kami Naureen. Seven years ago na pala ang nakalipas ng yayain niya akong magtanan pero tinanggihan ko siya. Kasi mas pinili ko ang pamilya ko kesa sa kanya.

"They are good. Actually, one week lang naman kami dito. May convention lang si Josh kaya sinamantala ko ng sumama. Sobrang busy niya. Head surgeon sa isang ospital. Mahirap magkaroon ng doktor na asawa but I love him and my daughter kaya worth naman," nakangiting sabi ni Naureen.

I felt something blocked my throat. I can see to Naureen's face that she is really contented with her life. Masaya siya. Pero bakit ako, for seven years after our break up, hindi na naka - move on? I am still hoping that we could get back together. Pero sa nakikita ko ngayon, malabo ng mangyari iyon.

"So, Les. Mr. Lester Eduardo Samson," at ngumiti pa ng nakakaloko si Naureen. "Don't you dare hurt my bestfriend. I love her and I know how good her heart is. Lagot ka sa akin kapag pinaiyak mo siya," sabi niya.

Hindi ako nakasagot. Nakita kong yumuko lang si Ellie.

"So how did you two meet?" Tanong ni Naureen habang kumakain.

Hindi sumagot si Ellie. Sasabihin ko ba ang totoo?

"I met her in their office. It was love at first sight," iyon na lang ang sinabi ko.

Lalo ng yumuko si Ellie at kunwari ay hinarap ang pagkain niya.

"Wow. I am so happy for you Ellie. You really deserve this happiness," sabi ni Naureen at hinawakan pa ang kamay ng kaibigan niya.

Pilit na ngumiti lang si Ellie at parang nahihiyang tumingin sa akin.

Happiness. Fuck happiness. Hindi ako masaya kasama si Ellie kaya hindi rin siya magiging masaya kahit kailan habang kasama niya ako.

Sobrang daldal pa rin ni Naureen. Ang dami - dami niyang kuwento. Kung ano ang buhay niya sa Amerika. Kung gaano siya kasaya sa pamilya niya. And I think walang idea si Ellie na nagkaroon kami ng relasyon ni Naureen.