بيوتي: اش دخل دوش، لا انا اللولة
آسر: الصباح عاد كنتي فالحمام
بيوتي: باغي تحاسب معايا شحال من مرة كندوش
آسر (مسح راسو بقلة حيلة): مكتقادايش
دخلات بزربة للحمام، و سدات بالساقطة و بقا داخلها الشك ليدخل... لمهم ثم المهم دوشات و رتاحت كأنها تستعد للحرب، عاد عاقت بلي دخلات و مدخلاتش معاها لحوايج، لبسات داك القفطان عوتاتي حتا تخرج... خرجات مبانش ليها و هي تجبد حوايجها الاحتياطية حيت عارفا دوك صحاباتها لي صحاباتها تصاحبو ليها مع الشراوط، اوا لبسات بيجامتها و مشات قلبات البلاكار حتا لقات شي مانطات و ازور، و جبداتهم و فرشات فالارض... ياله ناضت غتنعس فوق السرير حدا مصعب و هوا يدخل آسر كيف العجاجة، و بقا كيشوف فالارض و فيها
آسر: بغيت تفسير واضح لهاد الزبل
بيوتي: ساهلة انا غنعس حدا مصعب و نتا غتنعس فالارض
آسر: نعسي نتي فالارض و انا نعس حدا مصعب
بيوتي: فيناهيا النبالة، خاصك تكون جنتلمان ياك النساء اولا
آسر: و نتي كتحسبي راسك من النساء
بيوتي: هي نتا مزوج براجل بحالك بحالو
آسر: على قلة لبيوت خرجيه ينعس فشي بيت آخر
بيوتي: و خرج نتا نعس فشي بيت آخر
آسر: دابا نتي تزوجتي با ولا بمصعب
بيوتي: و شكون عرف
آسر: وا المرض و ال**** حتا دابا خاصنا نوضوها
بيوتي: مترفعش عليا صوتك اهيا، راه حتا انا حبالي الصوتية توصل للمكسيك
آسر: اااع فين كنت كنفكر ملي وافقت على هاد الزواج
بيوتي: سرقتيها ليا من فمي
اوا و مع هوما كيتغاوتو فاق مصعب و بانو ليه مقربلينها و هوا يطلقها بكية وحدا و غوات...
بيوتي (كدور عينيها بين آسر و مصعب): مالو هاذا
آسر (باغي يطيرها): قبايلا قلت ليك متجيبيهش
بيوتي: شوف اه بوان فينال سالينا واش الدري كيبكي و نتا باغي تجبد موشكيل
مصعب (غادي و كيرفع الفوليم): بغيت ماااامااااا
بيوتي: ها لي قلناه هاوا بغا ماماه، آسر عافا خويا عيط لهالة تجي هي و عصام يباتو معاه هنا
آسر: نتي باغا غير تبقاي تعرضي ليوم عزو عليك الضياف
بيوتي (كتكدب و بانت عليها ): لا انا ديما عزاز عليا الضياف
آسر: انا غادي نديه ليهم و تسنايني نتي هنا، ملي نرجع نلقاك هربتي
بيوتي: متخافش نتا لي غتهرب مشي انا
هز مصعب و مكرهش ينسفها و خرج و هي غير شافتو خرج و هي تمشي كتجري سدات لباب ديال الزنقة بالساقطة و القفل و السنسلة، و طلعات للبيت حتا هوا سداتو بالساروت و دارت كرسي على البواني باش متحلش، من واحد الناحية لي دارتو واخا بغات تبعد بيه آسر ولكن نفعها، حيت رضوان كان ناوي غيدخل عليها، لمهم منتعمقوش بزاف فالموضوع حيت ملي لقا الباب مسدود و جرب الساروت منفعش و بغا ينقز من السرجم اياه مفيوزي غينقز من السرجم كله من اجل الانتقام حيت عمر تشد الى غاية الجلسة القادمة... لمهم فلتات منها و صافي... نعسات بحالا عمرها منعسات، ستوب بلاتي نرجعو لآسر... ملي حط مصعب عند حياة و رجع للدار بدأ اطلاق الرصاص غير كانو ديرين كاتم صوت على الفرادا باش ميتسمعوش، و اش غنقول ليكم، كانو ناويين غيقتلوه ولكن عمرو عمر كلب، جاتو رصاصة فالكتف و قدر انه يفلت منها ملي وصلو رجال البوص ديالو... القادية غادا و كتعقد، خصوصا ان زيد في طريقه الى الموغريب، الى بلادنا السعيدة... اوك مبقا والو و طيح العصابة ديال عيو الجليد، يعني بلاتي نشوفو اش بقا، اولا استجواب زيد، تانيا الوصول الى المقر، تالتا التسلت الى داخل المقر، رابعا سرقت مستندات العصابة، خامسا تقديم الملفات الى المحكمة، و سادسا دخلو العصابة السجن، و اخيرا يخرج ناصر و آسر من المافيا وي 👏👏👏 رائع خطة محكمة... مشا آسر لسبيطار حيت حيد الرصاصة من كتفه، و ناصر غير ساق لخبار مشا عندو كيجري، حكا لا خبار على ناصر... خليوهم حتا لمنبعد... اشرقت الشمس عليها و تسللت الاشعة لتديرونجيها، و فاقت كتكسل و بشوية عليها، حلات لباب و خرجات و باقي شعرها مشعكك... بقات كدور بشوية باش تلقا لكوزينة الى كين ما يتكال، يالاه غدخل للكوزينة و هوا يدق الباب و من الاصوات لي سمعات مبشروهاش بالخير، و ملي سمعات الدقان كيتجهد معرفت باش تبلات مشات كتجري حلات الباب، و من غيرهم المافيا ديال عائلتها، داخلا عليها ماما و ختها بالزغاريت و حياة شدات ليها من حناكها
حياة: صباح النور على عروستي
هي بعدا معرفت ما تقول، و تفكرات آسر لي مباتش فالدار، و شداتها هالة
هالة (بيناتهم): اوا كيديرا عروستنا، فين لعريس ياكما هربتيه
مقدتهاش هلة جاو دارو بيها هاجر و فدوى، اما خنساء باقي عليها الحال هاديك غتعرف تفاصيل التفاصيل...
بيوتي (كتهرب): الحمد لله دخلو مرحبا بيكم
دخلو للدارو و الدريات كيضحكو، و مصعب بقا مع عصام، و الرجال لن يأتو الآن، خليهم حتا يكملو لعيالات جماعتهم... اوا شدات حياة و نعيمة من بيوتي و بركوها بيناتهم...
نعيمة: فين راجلك ا بنيتي
بيوتي (غير كدور فراسها): ا شنو آسر هوا
حياة: واقيلا باقي ناعس، هالة بنتي سيري فيقي آسر
بيوتي (كتنقز): لا لا غير خليك
دريات شدتهم الضحكة، عند راسهم راها غيرة...
بيوتي: راه هوا ا آسر مكينش هنا.
YOU ARE READING
فين داني زهري (تتمة)
Teen Fictionسلام لبنات، مرحبا بيكم مع الكمالة من فين داني زهري، هنا غنكملو القصة من بعد نقطة تحول كبيرة، تابعو معانا الاحداث و نتمناو يعجبوكم
