تزوجني لينتقم من صديقتي(باللهجة الجزائرية)

البارت6

حكينا وجازت سمانة لي موراها جاو لبست غوب في بلونوي وطلقت شعري ولبست طالون نواغ... رفدت سنيوا ودخلت عندهم شفتو قاعد حطيتلهم قهوة قعدت قدام يماه وبقيت نشوف فيه معاجبوش لحال وانا غير من فوق بابا رايني قابلة يخي حالة يخي) .... قتلو يماه شوف فيها يادرا عجباتك عروستنا. طلع شاف فيا بنص عين قالها أيه عجبتني وقالها ني رايح عندي شغل كملي نتي شغلك معاهم وخرج كملنا كلش ضحكنا تفاهمنا على كلش مع دارهم ودارنا وانا مشرطت عليهم حتى حاجة خليت امي هي لي تتكلف ومرت خويا... فليل كنت حا نرقد تفكرت ملامح وجهو نظت سوطيت... من بلاصتي تفكرت بلي هو نفسو لي دخلت فيه زوج خطرات وبقيت نضحك وميتغربة ههههه ورقدت نضت صباح كي خرجت صبت خت نذير حكينا وقالت ليما بلي قالهم ندير لعرس هاذ شهر

-------

بقيت مخلوعة ونشوف فيها قتلها كييييفاه شهر وانا منعرفو ما والو قاتلي ولله مع لوقت تعرفيه وتحبيه خويا ناس ملاح وكل ناس تحبو بصح راسو خشين وميحبش لي يعاندو ومين يقلك حاجة قولي ايه ملازمش تقولي لا انا قلت فقلبي ها ربي يسلكني وخلاص هذا لي كان بابا يشكر فيه... :( نظت وصلتها للباب قاتلي كاش حاجة راني نحكي معاك في تلفون قتلها صحا وسلمت عليا وراحت انا روحت نبكي ونندب ونخمم كيفاه غادي نعدي حياتي مع إنسان منعرفوش مام با مكلفش خاطرو باش يحكي معايا :( ولا يعرف عليا حاجات اا يعرف تفاصيل لعرس بالعكس دايمن يخلي امه واخته لي يسيرو لعرس حتى تفاصيل لخاصة بيناتنا بكيت وبكيت وملقيت غير حل هو اني نوض نتوضا ونصلي دعيت ربي وانا نبكي ياربي خرجها على خير وخلاص... :) تعداو ليام بالخف وكاميليا كل منعيطلها نحكيلها تقتلني بالبارد وحتى موقفتش معايا وقت جاو ولا مين شريت جهازي
منعرف بقيت مستغربة منها كيفاه صحبتي وختي وتمنيت تكون معايا في اهم لحظة في حياتي مدارتش حتى جاست ... زدت بكيت وبكيت قلبي تحرق.. ولميت جهازي وجدت كلش الله يخلف على اخت نذير عاونتني مخلاتنيش ولا لحظة :) حبيتها وحتى هي تحبني...

يتبع......