#شرقية_الهوى
#طيبة الربيعي
~البارت الثالث~
قصي: الأفندية علاقتهة بثامر وعائلتة صايرة متعجبني وبدت تتعدة الحدود، البنية عدهة اهل ماكو داعي ادگ صدرهة وتتكفل بيهة، وثامر هذا الي حساب ثاني ويا اذا ما خففت ميانتهة ويا لان الموضوع زاد عن حدة
امي حچت: وشبيهة ماما تكسب اجر البنية امهة بين الحياة والموت
قصي: حياة موت مالي شغل اني ولا هية، عندهة اهل مجبورين بيهة
ابوية حسيتة مقابل علة حچية بس مسكتة ووجه كلامة الية
ابو جوري: اذا هيچ الحچي بعد ماكو ثامر جوري، علة گد الدوام والسلام لتخليني افقد ثقتي بيچ بابا'طيبة_الربيعي'
هذولة شبيييهم تخبلووو
جوري: شنو بابا شنو تفقد ثقتك بية، شبيك قصي اشفتني مسوية متفرح اختك تسوي عمل خيري وتساعد الناس
قصي: ههههه يا مساعدة هاي، شمعنى عفتي العالم كلهة وتساعدين ثامر بالذات
ضحكت من قهري: وليش ماساعدة والولد نعرفة ويداوم وياية، شمعنى ضجت من ثامر هسه
قصي: صمي حلگچ لتحاسبيني، تنفذين الأگلچ عليه بدون حرف زايد
ابوية حچة بحدية: كافي احترمو مو اني گاعد، خلاص ماكو بعد البنية يم اهلهة وثامر علة گد الدوام، وانتة روح الشغلك يلة
طلع قصي اني متحملت اسكت
جوري: بابا اشو دتحسسوني عندي شي وية الرجال
ابو جوري: وانتي ليش ضجتي بابا ميصير رجال غريب، زميل عمل مو مشكلة انطيچ الحرية بس خارج الدوام سلام عليكم وعليكم السلام وهذا هو
جوري: ليش اني سويت غير هذا؟ زوجتة تعبانة واهلة ميريدون بنتة محد يخاف الله بيهة والبنية يتيمة اهلهة ماكو حتة تخلي بنتهة عندهم شلون تقبلون اتركهة بيد هذا وذاكة'طيبة_الربيعي'
ابو جوري: مامنعچ من الطفلة بس ابوهة لا لتجيبيلي الحچي لتنسين احنة شنو ومنو
جوري: يا يوم جايبلتك الحچاية الشينة اني يا بابا قصي صدمني بكلامة عبالك ديحركك علية، واني متأكدة هذا مو كلامة الله يعلم منو محرضة علية
ام جوري: منو يحركة بنتي بس اكيد يغار عليچ غير اختة
جوري: اول شي اني ممسوية شي غلط كل ما في الأمر واگفة وية انسان محتاج مساعدة وثانياً يا ماما يا حبيبتي اليحرضو هواية ومن عدنة وبينة
گمت وبحضني جوري: عالعموم اني رايحة الغرفتي
صعدت للغرفة خليت ملوكة عالسرير مالتي وبدلت.. دخلت زمردة وسدت الباب
زمردة: تتوقعين شهلاء حرضتة
جوري: لااا يمعودة وين شهلاء فقيرة
زمردة: لعد منو غيرهة
جوري: متسويهة شهلاء لان لو تكرهني چان سوتهة من زمان والبنية درة وين اكو چنة مثلهة حتة صوتهة مينسمع
گعدت يم ملوكة وتتلمس بخدهة: مستحيل قصي يضوج من ثامر تذكرين هو الي وصاه عليچ من بديتي اداومين، ومن چنتي اجيبيهة ميحچي شمعنى هسه
جوري: هو هذا الكاتلني شغير نظرتة هسه
زمردة: ممم مادري والله غريب
VOCÊ ESTÁ LENDO
شرقيه الهوى
Romanceمنقوله للكاتبه طيبه الربيعي... شرقية الهوى أنا يا آدم.. لا تكفيني تُرهات الكلام.. ارني افعالك اريك جانبي المناسب لها.. ماذا تفعل انثى شرقية الهوى إن خانها زوجها.. حبيبها.. و أبٌ لِطفلها الذي لم يولد؟
