☺☺قصة فروووحتي 😘

الحلقه العاشرة 😢

فرج  ..والله يا اسلومه ميصيرش
إسلام  ...كيف يا باتي ميصيرش 😲😲😲😲😲😲
فرج  ...وسع بالك يا راجل نبي انقولك ميصيرش إلا اللي كاتبه ربك وإنشاء الله ربي ايقدم اللي فيه الخير انا عشان خاطر فروح هنوافق
إسلام  .. حتى عمر راهو شخص اكويس وسمعته اكويسه انا سألت عليه وفروح تبيه
فرج  .. بما انه فروح تبيه انا مش هنرفضه بس والله بنتنا اصغيره خايف عليها من الجيزه همها عليش انشيلها الهم بدري  😐😐😐
سميره  ... انا عندي حل
فرج  .. شنو
سميره    .....خلوه يخطب بس والعرس ايتأجل كم سنه قدام على الأقل فروح اتخش الثانوي
فرج. ...ممكن

مع طلعت فروح من الدار
فروح  ... صباح الخير 😘 😘 😘 😘 😘
العيله  ... صباح الورد
سميره  ..  تعالي اعيون ماما افطري
فروح  ... اني جيت
سميره  ... هاكي سخني الشاهي لاختك يا سلوى
فرج  ..  شن الجو يا بابا
فروح  ... تمام انت شن جوك بابا
فرج  .. تمام حبيبتي

سلوى في المطبخ بينها وبين نفسها
سلوى ... طبعا فرح بنتهم خطبولها قبلي ومقالوش عيب أختها أكبر منها قاعد لا وأخرى وافقو عشان فروح أتحب العيل وانا لو بس انجيب اسم عيل على الساني تنقص رقبتي وتوه انا نخدمها وانصبي وانجيبلها الشاهي ووووووووووووو عليك حاله وخلاص بعد خطرها الشبوب السمح هذك كنه معش رد على رسائلي بلرغم من أنه شافهن ومن مره وحده كلمني فيها مكالمه فيديو معش وافق أيرد عليه

عند عمر كان الجو متلخبط وخاش في بعضه حاجه اتقوله وافق وحاجة اتقوله لا

إسلام  ... الووووو 😍 😍

اميره  ... هلا غلاي  (بصوت نعسان )
إسلام  ... قطوستي مزلتي راقده
اميره  ..أها بيبي نضت على رنتك 😪😪
إسلام  ... نجيلي اللي مايشبع نوم انا 😍😍😍
اميره  ...امممم ههه غير أمس طولت بيش رقدت
إسلام ..كنك بيبي تعبانه
اميره  .. لالا اعيوني مجانيش نوم انت شن صار عاينت على الصداع اللي ديما ايجيك هذا
إسلام  .. لالا الله ايربحك اعيوني ذكرتيني مزال ربع ساعه على الموعد بأي توه بعدين انكلمك 😉😉😉😉😉😉😉😉
اميره  ...بأي حبيبي طمني عليك 😍

عدا إسلام للدكتور ودارلى صوره على رأسه وقاله الصوره تطلع بكرا إسلام كان في طريقه للحوش ورم عليه باته
فرج  .. السلام عليكم
إسلام  ... وعليكم السلام كيف حالك باتي
فرج  .  الحمد لله قتلك
إسلام  ... قول
فرج  ... رن عليه عمر اللي يبي يخطب فرح وقالي نبو رأيكم قتله اموافق جيب هلك قالي تمام اليوم جيين
إسلام  .. به تمام بس ليش مخلهاش بكرا
فرج  ..مبش قال مستعجلين
إسلام  ..تمام توه انشوف شن ناقصهم في الحوش وانجيبه لهم
فرج   . الله يرضى عليك 😍
إسلام  .. هي سلام توه

رن إسلام على أمه وجابلهم الحاجات اللي ناقصاتهم

سميره  ... اعويناتي البسي هذي أحلى لبستك هذي مش لبست عروس بتقابل خطيبها
فروح  ..  ماما خلاص الله ايربحك خليني في حالي
سميره  ... خلاص ماما متضايقيش على راحتك

سميره طلعت من الدار لقت سلوى قدامها

سميره  ... مش عارفه كنها مضايقة حكتلك حاجه انتي
سلوى  ...لالا وبعدين شن بيضايقها مش هيا اللي اتحبه العريس واختاراته
سميره  ..ووووك منك ومن اسلوبك
طق طق طق الباب دق

سميره  ..  شكله العرب جو امشي ابسرعه افتحي الباب

سلوى فتحت الباب لقت مرأة وحده على الباب وباين عليها اصغيره في العمر
سلوى ... تفضلي
المرأة  ..  ايزيد فضلك
خشت المرأة لدار الجلوس
سميره  ..السلام عليكم
المرأة  ...وعليكم السلام
سميره  .. عرفيني عليك
المرأة  ..انا افنان اخت عمر انتي أم فروح صح
سميره  ..اها صح وهذي سلوى أختها
افنان  ... تشرفت بيكم
سميره  ..نحن أكثر ابنيتي وين عقاب هلك
افنان ... انا وعمر وحيدين هلنا وانا متجوزه ليا شهر معنديش اعيال وماما عطاتك عمرها
سميره  ..الله يرحمها ويسامحها سامحيني كان وجعتك
افنان  ..  لالا معندكش مشكله وين عروستنا
سميره  .. هي توه اناديها

كلمت سميره فروح  وفروح خشت لافنان

فروح  ... السلام عليكم
افنان  .. وعليكم السلام

فروح قمعزت وقعدت اتهدرز مع افنان

إسلام  ... أمي
سميره  .. هي اني جايه
إسلام  .. أمي كلمي فروح هيا العريس جا خليها تحكي معاه
سميره  .. هي يا اعيوني

فروح طلعت وخشت لعمر في المربوعه وإسلام طلع وسيبهم

عمر  ...

فروح....😢😢😢😢😢😢😢

انتهت الحلقه 😘😘😘😘😘😘😘
تحياتي لكل من دعمني وقرأ روايتي 😚😘😚😘💌💌💐💐💐💐💐💐