رهف :جنت طالعه شفت نفس الرجال الي أولاده طاردي من البيت كعدت يمه كتله الله يساعدك حجي
°
°
°
الحجي :اهلا بنيتي شلونج شخبارج شنو هلغيبه
°
°
°
رهف :حجي والله طلع بيه مرض خبيث وملتهيه اساعد الفقره بلكي احصل كم حسنه بحياتي كبل ما اموت
°
°
°
الحجي:الله يشافيج يبنيتي والله قهرتيني انتي هم حتعوفيني وين اروح اني
°
°
°
رهف :حجي الله موجود لتخاف يله حجي هاك هاي 50 خليها يمك واي شي تحتاج روح لهذا العنوان (نطيته عنوان امي) وانشالله ميقصرون بست راسه وطلعت
°
°
°
الحجي :روحي يابه الله يرضه عليج
°
°
°
رهف :دا امشي بطريق البيت اغمي عليه بس كعدت اني بحلم شفت رجال كله ابيض وتقدم عليه كال انتي مابيج شي حتعيشين ومسح على راسي ب ايده وكال روحي مختومه بخاتم سليمان ميصير عليج شي.... فزيت لكت روحي واكعه وحجي الرجال براسي وصلت للبيت مكلت لاي بشر كلت خل اروح للدكتور اشوف حالتي
°
°
°
زينب :هاي وين صافن الحلو
°
°
°
رهف :هلو حبي والله افكر ب ايامي الجايه ماعرف ايمته الله ياخذ امانته
°
°
°
زينب :انجبي فوفي لتحجين هيج انشالله تشفين 😭😭 °
°
°
°
مصطفى :هاي شكو هنا ليش دتبجين زينب
°
°
°
زينب :فوفي مقهوره عليها اهئ اهئ
°
°
°
يا ترى شنو يطلع بيها؟؟
وهل راح المرض او لا؟؟
ساعدوني اذا عدكم افكار انطوني اياها استفاد منها فديتكم
