الأم : نور سين نوضي يا موصيبة راي ل 11 و نتي مزالك راقدة نوضي
نور سين : امممممم مزال لحال خليني نرقد
الأم : تنوضي ولا نجيك
نور سين : -_- افففف وين راهم حقوق نوم جامي تخليو لعباد يرقدو
نعرفكم ببطلة القصة نتاعنا نور سين طفلة زينة عينيها كبار خضر و مشفرين نيف صغير و فم صغير و روز لطاي تقتل مي قزومة عمرها 22 سنة تقرى إدارة أعمال لمازوزية تع دارهم و وحيدة والديها
عائلتها متكونة من ماماها (زينب==>دكتورة لكن محبسة خدمة لانو رجلها موفرلها كلش) باباها ( جلال==>رجل اعمال ) خوها ( صرب==>مدير شركة تابعة لفرع باباه خارج البلاد )و عندها صحبتها وحدة ( أصالة ==> تقرى إدارة أعمال )
جهة الآخرى
👇👇👇👇👇👇👇
كمل خدمتو و عيط لصاحبو
أمير : يااا ... وينك ولا غير تلقا طفلة تروح و تنساني
أسمر : بلعقل على روحك تطلعلك لاطونسيو و نحصل فيك
أمير : يارب مزال يهدر ارواح ضرك ل Salle de sport عندنا بزااف مرحناش منا على 15 mn نلقاك ثم و كوبا مستناهش يريبوندي
امممم اصبروو نعرفكم على بطل تاعنا
أسمر عينين عسلي شعر ماغون شفارو طوال و عندو وحد لكور يقتل بالمختصر بقلاوة معسلة عندو شركة
و اهم حاجة في حياتو عايلتو لهيا : أم ( صونيا ==> قاعدة في دار ) أب ( أحمد ==> رجل أعمال ) اخت ( ولاء ==> تقرا إدارة اعمال )و صاحبو و ليعتابرو خوه من صغرو ( أسمر ==> شريك أمير فشركة )
نرجعوا وين حبسنا
ناضت نورسين بعد عدة محاولات للعودة لنوم لكن كم من الأماني لا تتحقق خاصة مع الأم الجزائرية 😂 غسلت وجها و هبطت تفطر ( لغاشي يتغدا و هيا تفطر 😄) كملت قعدت تكونكتي ومنبعد عيطتلها أصالة
أصالة : يا شكارة تروحي ديري sport ؟؟ خفي لزينيتي يروحو على قزديرة كيفك
نورسين : ضرك نوجد روحي و نفوتلك ( اكم تقولو مع 11 يديرو سبور هيا و صحبتها حبة وحدة مقودين )
وجدت روحا و قالت ليماها و هزت مفتاح تع طاكسي نتاعها وديمارات عند أصالة هزتها و راحو la salle
عند أمير
لحق la salle و سنا شوية و منبعد جاه أسمر
أمير : على سلامتك سي شباب كان بت ميش خير !!
أسمر : كيما درنا معاك مسلكنا
أمير : محتاج تعاود فمك ؟
أسمر : سكتنا يا سيدي و ضرك نبداو ولا نبقاو واقفين هنا
أمير : هيا
مهم بداو امير و أسمر l'entraînement و مبعد شوية شافو زوج بنات دخلو ( عرفتوهم شكون ) همم باينة شكون .....👍👎
YOU ARE READING
من عداوة الي عشق ( باللهجة الجزائرية )
Humorفي الأساس الصدفة هو الإسم الذي وضع للقدر لمن لا يؤمن به ..!!❤