#تائهة_بين_اورقة_الماضي
#بقلم_nuha-d-h
#صفحة_قصص_الكاتبة_nuha-d-h
مساكم الله بالخير احبابنا متابعين الكاتبة نهى
اليوم راح نرجع النشر عادي من دون صور لان يعز علينا المتابعين الي عدهم مجاني ينتضرون بعدين ننشرلهم بعدين حسب تصريحات الجهة الي تسرق القصه يكولون احنا معايزين على قصص نهى ودننشر هاي القصه بس لان وعدنا متابعينا بيها يعني ماراح ينشرون بعد لنهى لان نهى مو هي اساس نجاح بيجهم ولاهي الي دتجيب متابعين بقصتها عدهم ماشي هذا الكلام جميل راح نكمل النشر عادي وهمة خلي يسرقون هاي الفترة لان مواعدين متابعيهم ونشوف وراها اذا مو هي سبب نجاح بيجهم خلي يتوقفون عن سرقة قصص نهى ونشرها عدهم
اسفه على الاطاله اتركم مع البار٦ من الجزء٢
#تائهة_بين_اروقة_الماضي
مساء الخير والسرور عليكم يا احبتي القراء 🌹🌹🌹
(((((((((()))))))))
.. اااه لك نبراس الطفل
حسيت بتقلصات والم ببطني لزمتها
نبراس بأرتباك .. لحظة لحظة لتتحركين
خلي اخذج للمستشفى
شفته انخبص وشغل السيارة وحركها
حسيت بتقلص ثاني وعركت كصتي (جبيني)
همست بألم - نبراس ما اريد افقد ابني
التفت علية .. عيون نبراس الج بس انتي اهدأي هسة راح نوصل ما بقى شي بس صبري شوية
جان يحجي ويسوق سريع
انتبهت عليه لزم نقاله واجرى اتصال على عمو احمد
نبراس.. الو هلا بابا عفية جيب الوالدة وتعال
هيام اتخربطت وراح اخذها لمستشفى ال .......
يالله بابا استعجل عفية
سحبت نفس عميق واخذت شهيق وزفير
ربي ما اريد افقد الجنين هو الامل الوحيد الي باقيلي بهالدنيا واخر خيط رجاء يربطني بضرغام
وصلنا للمستشفى لزم ايدي وحاول يساعدني لحتى انزل
صحت بي بألم.. اترك ايدي لتلزمها كله منك
الله لا يوفقك حطمت حياتي
رفع ايديه بأستسلام
نبراس.. يالله هذا هو راح ابتعد بس انتي لا تتنرفزين ولتعصبين
ارجوج مو زين لا عليج ولا عالجنين
ورة فترة وبعدما كشفت علية الدكتورة
وصادف وصول عمو احمد وزوجته واختي ريام الي اجتي وياهم مفزوعة
احمد.. هاي شنو سلامات عمو هيام
اقتربت مني ريام ولزمت ايدي
.. حياتي هيومة من شنو تشتكين
التفت عمو احمد على نبراس
.. بابا نبراس طمنا شبيها بنت عمك
جاي يحجي وقاطعته الدكتورة بدخولها علينا وبيدها نتائج التحاليل والفحوصات الي اجريتهم قبل قليل
هيام بقلق.. هَـا دكتورة بشريني وضع الجنين شلونه
الدكتورة .. حبيبتي الجنين مهدد بالاسقاط
ووضعه حرج هسة راح اكتبلج على مثبتات
وتنامين على ظهرج بدون اي حركة
لا تستهانين بوضعج لان انتي هسة بشهر الخامس
واحتمال تصير عندج ولادة مبكرة
انتبهي
كتبت الوصفة وانطتها لعمي
.. لازم تجيبون هاي الابر من خارج المستشفى لان صيدلية المستشفى مبيها هاي الابر ضروري تاخذهم
احمد.. ان شاء الله دكتوره الله يوفقج
نبراس.. بابا انطيني الوصفة اروح اجيب الدوة واجيكم
الكاكم جاهزين
صحت بصوت واني ابجي ومتأذية
.. نبراس انت بالذات ما اريدك تجيب علاجي لو اعرف اموت ما اخليك تجيبه كله من وراك الي صار بية
من الله لا يوفقك شسويت بيا راح اخسر ابني من وراك
صرت ابجي بخوف وقهر
نبراس.. هيام شبيج مو وكتها هذا الكلام انتي صحتج مو زينة
التفت علية عمو احمد عاكد حواجبه بأستغراب
احمد .. شكو عمو هيام شنوصاير بينج وبين نبراس
ليش تحجين هشكل عليه
نبراس.. هيام كافي لتعصبين مو زين عليج
هيام.. شلون ما اعصب وانت ووجودك بقربي يشكل اكبر تهديد علية وعلى حياتي
نبراس احلفك بأعز ما تملك ابتعد عن حياتي
اني مو الك ما اريدك افهمني والله اذا ما تجوز مني
ارجع للبصرة واتجرع الذل ولا اخليك تقترب مني
