بقايا حلم

الجزء2

سلوى...اي ومحجة شي وياج ...
وردة...لا بس من باوع علية حيااااني عبالك كلشي حجالي بهاي النظرة ....ظلينا نسولف وكل سوالفنا عليه يومية جنا نتخابر لو اني هي تخابرني ..لو كاضيتها نروح لبيت سالي صديقتي وهم كلشي مسولفتلها ع زيدون جانت تنصحني انو اثكل وعيب هاي تصرفاتي بعدنا صغار ومراهقين ...
سالي...وردة انتبهي لدراستج وعوفج من هاي السوالف مو مال عمرنا جنة صف ثاني متوسط ...
وردة...لا يولي ممسوية شي بس تصرفاته وأدبه كلش يجذبني والكا روحي صافنة بوجهه. .
سالي..مكايلة شي وردة حبيبتي البنية مثل قطعة الكزاز اي كسر تتأثر بي وتتحطم اني علمودج والله..
وردة...ادري حبي ليش ماعرفج ....
وصار يوم الخميس وجان يطب علينا رحت وافتح الباب وشفته كبالي اني حسيت روحي طايرة معرفت شتصرف. ..
زيدون...ها وردة خيرج يمعودة السلام عليكم ....
وردة..اهلا اهلا زيدون وعليكم السلام شلونك...
زيدون...بخير اذا انتي زينة هاي شنو وردة كبرانة وصايرة مرة ..
وردة..واني انفشك حلكي بلضحكة شكراا تفضل تفضل زيدون. ...
زيدون...همزين تذكرتي ...
وردة...امي جوة تعال طبينة امي تلكته ...
ام وردة...هلا بلغالي ابن الغالي...
وردة.. امي كلش تحبه دونن عن كل الاحفاد. ..
ام وردة..امك خابرتني. ..
زيدون...والله عمة راح اثكل عليكم ...
ام وردة...ليش يمه ليش هيج تحجي يمة لو تدري قيصر ومعمر شلون راح يفرحون بشوفتك ...
زيدون..والله اني اكثر بس كلت اخاف اضايقكم ...
ام وردة..لا حبيبي شتحجي والله وجودك يمنا يفرحنا ولو راجع للبصرة جان زعلت عليك بيت عمتك يعني بيتك ...
زيدون..لا والله عمة هي بس نهاية الاسبوع لان ماكدر كل أسبوع اروح للبصرة طريق كلش طويل ومتعب. ..
ام وردة..تدلل يابعد عمتك وأهلها انت....
وردة..وكعدنا سوالف سويتله ريوك وشربنا جاي لحد ماطب قيصر وراها بساعة اجتي شهد واتغدينا كلنا سوى وسوالف وضحك بعدين كامو نامو الظهر والعصر طلع وية الولد ولليل يلة رجعوا الي عرفته راح يبات يمنا نهاية الاسبوع والأحد الاوف مالته ويرجع الكلية لان مو مال يرجع للبصرة بعيدة عليه ظل يومين وراح واباوع عليه متت ع نظراته والله هو هم يباوع عليه شلون ياربي وسويتلي زركة ع بيت سالي. ..
سالي...هلو وردة شلونج حبي ....
وردة....ولج شلوني غير راح اموت ولج النهار كله كلبي يدك خبلني هلولد ....
سالي...ها شبيج وردة صدك تحجين بعدنا صغار ع هلحجي ...
وردة..والله سالي مو بيدي حبيته احس كلبي دك بس اله ...
سالي..وردة حبي هاي مرحلة مراهقة واي نظرة نحسها حب بس هي ترة مجرد مشاعر حسينا بيها وبمرور الزمن تتلاشى لان جانت مو حقيقية بس اكيد انخبصتي وانبهرتي بشخصيته  ....
وردة..لا عفية سالي ليش هيج تكولين منين جبتي هلحجي ....
سالي..وردة حبي اني النهار كله أقره وماخلي شي ياثر ع دراستي من سوالف الولد ومصايب البنات بهاي المرحلة دماغنا بعده مكامل وندوخ بنظرة بس اني أفكر بعقلي لاغية كلبي حاليا إلى اشعار آخر. ..
وردة..اووووف سالي دوختيني وثم يامراهقة اني راح اطب ب14 سنة. ..
سالي..وحتى لو ولج بعد وبعد كدامج العمر كله ...
وردة..ادري انتي هم مو مراهقة .....
سالي..مو كلتلج حبيبتي اني همي دراستي وماسمع لكلبي حاليا ومااسمحله يتاثر ابدا ابدا ويصير اسير لرجال همي اكونلي شخصية اخلي الرجال هو الي يركض وراية ....
وردة..لا عفية سالي ها شبيج وياية اليوم لتغيرين نظرتي زيدون مالتي ....
رجعت لبيتنا وأفكار سالي ابالي خابرت سلوى وهم كل حجينا على زيدون شسوة وشكال ماكو ع بالي وع لساني غيره ظلينا ع هذا الحال وكل نهاية أسبوع يجي يمنا ومن الكا فرصة وحدنا نكعد نسولف واساله على الكليه وإذا بيها بنات حلوات. .سوالف طفلة ومراهقة. .جان يبينلي انو ماكو أحد لفت نظره هناك ودائما يحسسني باهتمامه بيه وبجمالي بس اني جنت مربربة ومايلة للسمن ووزني ديزيد وكلما اسوي دايت اعوفه وارجع اكل ويرجع وزني يزيد أكثر من الأول خلصت السنة ورجع زيدون للبصرة ونجح وبقينا ع نفس عاداتنا كل عطلة نروح وبهلعطلة مشاعري زادت تجاهه واريدلي حل نكعد اني وسلوى نفكر ولازم اسويلي جارة. ..
سلوى..اكلج وردة ليش متكتبيله رسالة وحطيها بغرفته. ...
وردة...شنو عزة العزاج سلوى شتحجين ....
سلوى..شكو قابل شمسوين ولج انتي تحبي واني داشوفه ميال الج دائما اشوفه يباوعلج ....
وردة..لا الله عليج سلوى صدك ....
سلوى...اي والله تعالي اكعدي اكتبي رسالة واكتبي اسمج وذبيها بغرفته تضلون هيج و غامضين اثنينكم محد منكم يحجي....
وردة..ادري واني لويش اكتبله غير هو الي يبادر خاف عيب ....
سلوى..ضلي ضلي ضيعي من ايدج وبعدين اكعدي ولولي وكولي سلوى كالت. ...
وردة..ظلت تلح لحد ماكتبت رسالة وكتبتله كل مشاعري الي حسيتها بوكتها بس مو من مراهقة مواعية لتصرفاتها بس اندفعت من سلوى كتبتها وحسيت يمكن لا انزل من نظره وكتبت اسمي ليجوة وطبيت لغرفته وحطيتها ع مكتبه واني مواعية لتصرفاتي عبالك متخدرة اني شسويت شكد عيب هسة شيكول عليه ...وراها بساعة كاعدة اني وسلوى وسارة اخته بلطرمة واني بالي مو وياهن اريد اكوم  اجيبها اني شسويت بروحي ليروح يكول لاخوتي لو لامي عزة بعينج وردة شلعبتي بروحج لهيتهن ورحت لغرفته اريد ارجعها والتوبة اذا اسويها بعد كله من ورة سلوى طبيت وادور ع مكتبه كلبت كتبه وملكيتهاظليت ادور تخبلت ياربي وين راحت بس لا احد لكاها عززززة لا وجمالة كاتبة اسمي عزة بعينج وردة وجان يطب علية بغرفته واني دابحوش بكتبه. ...
زيدون...ها وردة محتاجة شي...
وردة...انهبطت هبطة عمري دنجت معرفت شجاوبه .... لا العفو ماكو شي اس اسسفة داطلع ولزم ايدي...
زيدون...شجنتي تدوريين هااا مضيعة شي بغرفتي ....
وردة..لا لا اني رايحة ...
زيدون...بس تدرين خطج يخبل ومشاعرج احلى شبيج صفنتي قريتها وبهرتيني بصراحة انتي حلوة ومشاعرج احلى اني حاس بيج وردة بس كبري هسة بزونتي انتي غالية واغلى وردة بحياتي ....
وردة...مجاوبته ب ولا كلمة ولا حرف عفته وطلعت اركض ياربي اني بحلم هذا زيدون مشاعره حجاها ولو بكلمات قليلة بس وصلي الي اني اريده وخلص ميهمني شي بعد رحت اركض لسلوى جانت رايحة لبيتهم ورة ساعة اجتي جنت كاعددة بلطرمة وهايمة بلي اني بي ....
سلوى..كب شعندج صافنة ....
وردة...اوووووي سلوى فززتيني ...
سلوى...اوووي عيني شدعوة ...
وردة..دتعالي عاد صار كومة دانتظرج ...
سلوى...خيرج ولج شكو شبيج ....
وردة..اسكتي سلوى غير حجالي وكلي انتي اللي وردة ....
سلوى...منو....
وردة..يعني منو ولج زيدون ولج زيدون سلوى راح اتخبل ولج طلع يحبني ....
سلوى..هو هيج كلج ....
وردة..لا بس قرة رسالتي وكلي اعرف بمشاعرج وانتي اغلى وردة هاي شبيج صفنتي ....
سلوى..لا ماكو شي بس اي يلة خوش خطوة هسة هم كتبيلةبعد ...
وردة..شكتبله بعد هاي شبيج سلوى ....
سلوى...اي بينيله مشاعرج بعد .....
وردة..لا كافي هسة هو عرف واني هم ارتاحيت لان حسيته ديوعدني بشي بس مو هسة لان بعدني صغيرة وهو هم ديريد يكمل ....(اكيد ظليت مأملة روحي ع وعد اني انطيته لنفسي انو بس يكمل زيدون يصير مالتي وجانت احلامي كلها بي وبحياتي وياه بنيتلي دنيا وياه بخيالي ومليتها بأحلى المشاعر وارقى الكلمات الي ممكن اكوللهيا من اشوفه بس من يجي كلش استحي واتراجع عن كل الي جنت افكر بي حياتي صارت عبارة عن احلام يقظة اسمها زيدون وشلون يرجع من الدوام واسويله غده وشلون يلعب جهالنا وشلون نكبر سوة اني وياه )...

وتستمر الحكاية......