عشگت بنت عمي 💝💝 جزء الاول

بارت١٦

السلام عليكم ورحمة الله وبركاته..
عشگت بنت عمي💝💝
بارت١٦&& انا العطشان منك....... مي اتانــــــــي
ومثل صبري بغيابك ........من يتانـــــــي
تكلي شلون صحتك .......ميت انـــــــي 
وبعدك روحي عرفتهة المنيـــــــــة
-----لحن الحياة............

ابو مؤمل :-صدگ تحچي يا شيخ.....البنيه بنتكم .واحنه ما النه حگ بعد ...مادام ابن عمها نهى عليها ورايدهاا هاي هي بالعافيه علي. واحنه بخدمتك شيخ وان شاء الله.ماكو فرق بين جاسم او مؤمل الاثنين ولدي ..ونعتذر منكم .اذا بدر من عدنه سوء .
:-لا ياخويه لتعتذر مابدر منكم سوء واني اعرفك اصيل ومترضى بالشينه ولو تدري بينه انريدها جان ما خطبتها من الاول..
:-اي والله صدگت ياشيخ لو ادري بيك.ما جان خطبتهاا ..على كلٍ هسه ماصار شي .واحنه كلنه موجودين اعتبرته جايين وياك مشيه واخطب البنيه..
:-اي والله خوش كلام .الله يوفقك ابو مؤمل ..ابن اصل والنعم منك
:-تسلم شيخ .الله يحفظك النه.....
:-اسمع الكلام اليدور بينهم و شلون حلووهاا .اني من الاول توقعت اخوي رح يخطب عهوود الابنه.بس بعد ما اجوا الناس علي .وحاچيت اخوي بالموضوع ما ردلي خبر صحيح .والي سمعته منه غير التوقعته .گلت خل اگول للجماعه احنه موافقين...وبعدها شفتووا الصار ..
ابو جابر:-خوية اني جاي عليك وطالب ايد بنتك الابني جاسم على سنة الله. ورسوله ..
:-صدگ چذب شيخ گبع واخذ .البنيه بنتك وانت مثل  ابوها .
::وان كان لازم نخطبها ونشوف رايك وراي البنيه .واهم شي تسألها اذا كانت رافضه او موافقه
:-من عيوني خوية اشوفهم وراجع...اترخص منكم .
:-غالي .
:-دخلت ..لگيت ام ظافر بالمطبخ ..

عهود:-بعد ما اجواا الناس .علينه حسبالي رح يكون نسوان وياهم .لكن الحمد لله والشكر .بس زلم اجووا .وبعدها هم سمعنه صوت زلم دخلووا وسلموا .حسيت اكو واحد من الدخلوا  نبرة صوته تشبه نبرة صوت جاسم  ...لا اكيد فقدت عقلي حتى صوته صرت اسمعه  اكيد رح اتخبل لا اكيد تسودنت لا محاله ..كافي انسي اي شي يخصه ..كافي.مو طگت روحي من روحي ....وبعدها دخل ابوي وحچه ويا امي.
ام جابر
ابو ظافر:- ام ظافر .حضري چاي .وعندي حچي وياچ

:-هلا بيك ابو ظافر ....الچاي جاهز بس اصبه ..بس شنوو من حچي ........
:-يمكن اذا احچي متصدگين
:-ليش حتى ما اصدگ.
:-تدرين منو هنا
:-منووو
:-ابو جابر.والولد وكبارية العشيرة
:-شعجب .شنو الي جابهم
:-ابو جابر .اعتذر من الجماعه وگاللهم  البنت احنه رايديها... وابن عمها نهى عليها ويريدهاا .وابو مؤمل گال للشيخ بالعافيه عليكم..وجاسم مثل ابني .ومازال نهى عليها احنه ما النت حگ بيهاا بعد ......
:-لا بالعباس.صدگ تحچي .وهسه صيحيلي عهودد خل اسألها.
:-ماشي .رحت لگيت عهود وبنين گاعدات بالصاله .يمه عهوود والدچ يصيحچ
:-اي يمه اجيت....الله اليستر.شيسوي بياا .ياربي الطف بيت .ما عندي غيرك .رحت الابوي ...هلا بويه .صحتلي
:-اي بويه...بنتي رح احچي من الاخير .ذولي الناس .الخطبوج .انسيهم  واعتبري كانت ما انخطبتي..
:-دنگت راسي كلشي ما گلت ..لكن حسيت گلبي رح يطير من الفرح يعني قبل شوي  من سمعت الصوت كان صوته هو ما تراوالي...  ...ااااااه والله حتى لو ابقى بلا زواج ولا اتزوج .واحد وگلبي عاشگ غيره..... -
:-ومو بس هيچ عمچ. ابو جابر يريدچ الابنه جاسمممم .
:-شنوو معقوله ديتراوالي لو هذا واقع ..
:-ابن عمچ نهى عليچ .وهسه اني جاي اسألچ اذا موافقة او لا
:-فرحت حيل .بحيث كل الم گلبي راح.لكن تذكرت جاسم خاطب ..اوووف ما مقسوملي الفرح بهالدنيا..دنگت للگاع .وگتله ما ادري .وما تحملت عفتهم ورحت للغرفه
:-شبيها معقوله ما راضية .ام ظافر. روحي شوفيها واستفسري منها .واني امتانيچ هنا
:-رحت .دخلت للغرفه لگيتها صافنه ..يمه عهوود بيچ شي
:-دخلت غرفتي وبقيت افكر  ليش نهى علي .وهو مو خاطب شيسوي بيا بعد .وحضرته يريد ياخذني على ضرة ..فجأة دخلت امي وسئلتني بيج شي......هااا يمه لا ما بيه
:-ليش لعد عفتينا ورحتي ..
:-هيچ ماكوو شي
:-متأكدة.......زين ما گلتي شنوو رأيچ بجاسم ابن عمچ .خوش ولد وسبع .ومتلگين احسن منه .هاا يمه شتكولين
:-يمه قبل لا اگول شنو رأيي. اسئلج سؤال
:-اسئلي ماما .اسمعچ
:-ذاك اليوم من رحنه على بيت عمي فاضل ...بوكتها احنه موجودات بالمطبخ .من كال ابن عمي اني خاطب وبعد كم يوم اعرس .تتذكرين لو لا .
:-اي والله. يمه صدگ شلون راحت من بالي .هو مو گال خاطب والله يالله والنوب جاي ياخذچ ضره .هسه  اگول الابوچ .وهو يتصرف...رحت گلت الابو ظافر .گال
:-شلووون خاطب 😠..انتضري يجوز مفتهمه السالفه غلط و حتى لو مفتهمه صح .اتصلي على ام جابر وتأكدي منهاا خاف يطلع غلط.و عيب افشلهم گبال الموجودين  .واذا الكلام صحيح .اني احچي وياا اخوي واعتذر منه .واگله ما اگدر انطيكم بنتي .
:-خل اشوفها ....اتصلت على ام جابر...النوم هلا خيتي شلونكم الصحه
:-الحمد لله .انتو كلكم شلونكم .
:-برحمة الله .بعد اذنچ عندي موضوع وياج .
:-ااتفصلي .
:-اگول صدگ جاسم خاطب
:-اي
:-يااا صدگ .ومن شوكت
:-هاي شبيچ.تحچين صدگ.اليوم رح يخطب بنتكم
:-ما افتهمت قصدچ .بس فهميني .هو قبل هم خطب غير بنتي
:-شهالكلام .اكيد لاااااا
:-اهااا .زين لعد والكلام الي ذاك اليوم گاله من اجينه عليكم وكلنه واگفات بالمطبخ .من گال خاطب وبعد كم شهر ااعرس
:ياااااا 😊😊خرب انعل ابليسك جاسم ...خيتي مفتهمه السالفه غلط .السالفه طويله رح اختصرها الچ.هو يكره بنات عمته .ويدري بيهن يتمنن يجي يخطبهن .ف راد يكفي نفسه شرهن گال هالكلام .حتى يبتعدن عن طريقه .واذا ما مصدگه احلفلچ.
:-لا خيتي ماكوو داعي للحلفان مصدگتج.رحم الله والديچ خيتي اتعبتج وياي .واتمنى متزعلين مني بعد هالكلام الگلته
:-لا يحبيبة ما زعلت ...حقچ تسئلين لو اني بمكانچ هم اسأل خو ما انطي بنتي على ضره
:-يسلم هالحلگ .بعد گلبي سلميلي على ام حسوني .مع السلامه
:-يوصل الله وياج عيني بالسلامه .ان شاء الله.....
ابو ظافر:-بشري شگالت
:طلعت صدگ مفتهمه غلط والولد ما خاطب ...
:-همزين گلتلچ اسئلي ام جابر جان تفشلت بنص الوادم ..اوووف منچن يا نسوااان .اني رايح وميحتاج اسأل عهود الولد ماكو منه جوهرة واذا ارفضه اكون خسران....هااا لا ميصير لازم اسألها خاف متريده وتصير خطيتها برگبتي .واني بس هالبنت عندي .ام ظافر.بسرعه سئليها و تعالي .لتتأخرين .
:-صار .....يمه عهود طلع ما خاطب .وهو گال هيچ حتى يخلص مو بنات عمه ......
:-صدگ يمه ..
:-وابووج يگول يريد رأيج بسرعه
:-هاهيه يمه الي يشوفه ابني مناسب اني موافقه علي \\اول مره اتجرأ واحچي هيچ .غصب عني خفت ليروح من ايدي واني ما صدگت رجعلي ...احمدك ربي الف مرة....من رجعتلي روحي الچانت ضايعه .هسه يلا استقرت ..
ام:-مثل ماگالت عهود گلت الابو ظافر..وراح دخل وهو على وجهه ابتسامه ....
جاسم:-گلبي اشتعل نار وعمي تأخر معقوله ما راضيةبيا اخاف تريد هذا الاسمه مؤمل....يارب صبرني گلبي رح يصير بي انفجارر .من گثر الالم البداخله .ومن كثر الانتصار .وخايف ايضاا من الكلمه .الي هي الرفض....

..........يتبع.........

##الكاتبة لحن الحياة------

عشگت بنت عمي💝💝