خيال ام واقع

اختفاء البسمه (البارت الخامس)

            ♣︎✺⋘⊰..﷽..⊱⋙✺♣︎ 

{لَيْس لنَا الحقْ أنْ نجبرِهمْ علَيْنا . مَنْ يرِيدنَا يعَرفْ طَريقْ الوصوٌلْ إليْنَا}

ضياء : 😂😂😙😙
لارين : لك اليشوفك يكول مشايفني صارلك سنه
ضياء : غير اصالحج ...لاااااارين انه مو كتلج الفون مايطلع بالمدرسه
لارين : والله خلصت دراستي وكاعده ابحدي ضوجه لهذه طلعته
ضياء :انه ليش هيج اسوي لان احبج واخاف اعليج واريدج تجيبين شهادتج وانتي فرحانه ومطلعه معدلات اهواي
لارين : اسفه اخر مره هاي اوك
👤حضني وباسني من راسي وضل يمسح بشعري
لارين :  لك كافي مو خلص شعري شنو اشفتني جلبه
ضياء : لااا لااا حشه الجلب اذا انتي جلبه 😂😂
لارين : شنوووو 😤😡
...........الكاتبة "ذات القلم المجروح "
👤ضلت حياتي سعيده الى ان اجه اليوم وليتني متت ولا اشوفه ومااريده يتكرر لكل بيت اختي ديما كانت تحب شخص اسمه ياسر واتقدم الها بس اخوي رفض بسبب عداوه وي اهلها وهيه ساعة عصبية بس الخطأ ان ضياء ماسئل ديما عن مشاعرها وماكعد وسولف وي ياسر حتى يعرف طبعه لهذه قبل يوم استلام شهادة السادس وانه احس ان درجاتي راح تكون عاليه واختي ضلت تشجع بيه وكالتلي راح اسويلج زفه من تنجحين وانه كلش فرحانه بس اختي شردت وي ياسر وليش هيج سوت ماادري يعني الدكاتره كالت عن حاله امي هيه معجزه لان اشافت من مرضها واحنه فرحنه كلش كانت صدمه بحياتي كلش كبيره حسيت انه اختي خضلتني
لارين : يمه حبابه لتبجين كافي اتگطع گلبي مو راح اموت انه
ام لارين : اخ يديما ليش سويتي بمج هيج ليش دشوفي شنو كاتبه
👤اختي كاتبتنه رسال  تكول بيها بعد مااتحمل تعبت انه احب ياسر واريد ازوجه يمه سامحيني وضياء ولارين وسامر انه راح ابتعد عن كل الناس راح اروح بدون رجعه يمه اعتني بروحج احبج يوم وانته ضياء يارب تزوج بت تحبها وتحبك ويكون عندك اطفال وانتي لارين المخبله اختي الطفله انشالله معدلات عاليه واطلعين احسن من اختج ويارب يوم من الايام تكونين احلى عروس وانته سموري البطل دير بالك على دروسك وعلى اختك وانه اكتب هاي الرساله ودموعي ماتقبل توكف سامحوني وبلاخص ضياء سامحني خويه باااي
ضياء : انه اعلمه ياسر اكيد اخذ اختي اليوم انبش گبر ابوو خليني الزمه الا اشبعه طن كتل
ام لارين : لا يمه ضياء يمه ضياء تعااال
لارين : يمه كافي راح اتعبين هيج ( انه اسكت امي وبداخلي عبره محد يعرف بيها الا الله مااعرف شكول الشي اليدور ابراسي هسه هو ليش هيج سويتي بينه اختي ليش )
👤طلع ضياء ولحد الان مرجع ومااعرف شنو صار
ضياء : من شفت الرساله وامي تبجي عيوني بعد مااكدر اشوف بيهن ضلمت الدنيا اعليه بس فكرت ان لازم اموت ياسر من وره كلامه اختي فكرت هيج وطلعت من البيت وانه اتحلف بي اخ بس لو الزمك دكيت بابهم حيل طلعلي اخو ياسر
محمد : خير شكو بنص اليل جاي اعليه
ضياء :( كمشته من ياخته ) اسمع ولك اطلع ياسر هسه لا ادفنك وانته عايش تسمع لو لا
محمد : اشو تهدد لك ياسر صارله يومين مختفي وليش تريده
ضياء : لا والله اسوي روحك غشيم ولك تحجي وين اخوك لا العب بيكم فلم هسه
محمد : كتلك ماادري وممكن اتوخر ايدك لان اكبر مني مااكدر ارفع ايدي اعليك
ضياء : خوش الله كريم بس اكلك شغله واريدك اتوصلها لياسرك هذه ( جريته من ياخته وهمست بأذنه ) اذا شفت ياسر يوم من الايام خلي يحسب نفسه ميت لان يندفن وهو عايش ( ودفعته ودرت وجهي ورجعت )
ضياء : رجعت للبيت امدخن حتى مشي بعد مااعرف امشي
ام لارين : ها يمه وين اختك
لارين : ضياء ديما ليش مو وياك لك دحجي اشبيك وضليت اضرب على صدره
ضياء : شفت امي ولارين وعيونهن متروسه دموع وسامر  كاعد وشابگ الرساله لان سامر كان اقرب شخص لديما حتى اكثر مني ومن لارين انقهرت گلبي انمرد اعليهم
لارين : احجييييي ضياااء
ضياء : يمه بتج راحت بعد ماترجع شردت وي ياسر وماادري المن بس بعد ماترجع احسبوا ديما ميته يمه انتي عندج بت وحده وهيه لارين
لارين : صاعقه حتى اقوى من الصاعقه نزلن اعليه كلمات ضياء انه وامي وسامر ضلينه مصدومين سامر دفع ضياء اول مره يرفع صوته على ضياء وامي داخت وانه لزمتها وكعدتها وعلى الصدمه مالتها
ضياء : اتقربت من سامر بس فجاة دفعني والدموع تجري على خده
سامر : وخر عني وخررر كله من وراك ياحقير ليش ماخليت اختي تزوج لو كبريائك عمت اعيونك شنو ذنبها هيه فكرت بس بنفسك اكرهك اكرهك انته مو اخي مو اخييي
لارين : ( صحيح غلط بالكلام وي ضياء لكن كلامه صحيح شنو ذنبها اختي تتحاسب على خطأ بس ادري ان ضياء كان خايف اعليها لان ناس خبثاء )
ضياء : ( اول مره مااعصب على سامر من يقلل ادب وياي لان حسيت بذنب حسيت انه كلامه صدك بس من سمعته كال انته مو اخوي انه حسيت كلبي انشلع من مكانه )
👤امي نيمته بمكانها ونامت والدموع على خدها اخ يايمه لو اكدر اشيل من همج وحزن اشويه وعفتها ورحت لسامر
سامر : منووو
لارين : انه ممكن ادخل
سامر : مااريد اشوف احد ممكن تتركوني ابحدي ممكن
لارين : اخذ راحتك تصبح على خير ( بعدين رحت اشوف ضياء)
👤رحت لغرفة ضياء لكيته كاعد على الجربايه ومنطي وجه للشباك امدنگ وحاط ايده على راسه ردت ادخل بس ماحبيت اقاطعه لهذه كلت خليني ارجع لغرفتي
ضياء : لارين
لارين : 😳😳 اسفه والله ماردت ازعجك شفتك كاعد ماحبيت اتكلم وياك
ضياء : ههه لا بالعكس انه ردت اجي لغرفتج واحجي وياج
لارين : ها خويه كول شنو تريد تحجي
ضياء : لارين شتكولين صرت مكروه مووو
لارين : 😳😳لالا منو كال هيج كلام الا اكسر راسه اتكسر
ضياء : هههه فدوه لكلبج الطيب بس انتي اتعرفين ترجعين ابتسامتي
لارين : اكيد اكيد 😝
ضياء : اول شي ديما كرهتني وهسه سامر وبعدين انتي
لارين : كافي ضياء لا اعصب اعليك والله انه اكره نفسي ومااكرهك وثاني شي اختي ماكارهتك وتدري ان السويته خوف اعليها اما عن سامر بمرور الايام راح ترجع علاقتك وياا احسن
ضياء : اووف يارب تعبت انه اطلع من مصيبه تطلعلي مصيبه ثانيه
لارين : كول يالله ضياء كول يالله
ضياء : ونعم بالله صدك لارين اريد اسئلج سؤال واريدج تجاوبين اعلي بصراحه وصدك وتعرفيني انه وياج مانضم على الثاني شي مو لو مو موو
لارين : اي اكيد اسئل
ضياء : هماتين اتحبين شخص او اعجاب او اي شي اتحسين تجاهه
لارين : هاا ....😓😳😳 لا لا مااكو هيج شي
ضياء : انتي اخت منو
لارين : انه اختك اكيد 😏
ضياء : لعد تنجبين وتحجين الي سمعتي
لارين : انه حاجيه هذه الشي لديما كانت ديما اكثر شخص يعرف اسراري لان اكو اسرار لازم الاخو مايعرفها
ضياء : بس انه غير شي واتعرفين طبعي كلش زين
لارين : اوك ديما راحت وعافتني يارب تعيش حياة سعيده اسمع ضياء هو مو حب وانما اعجاب
ضياء : اي ومنو هذه سعيد الحض
لارين : 😒😒 اخو سيلي
ضياء : 😪😪😪
لارين : شكووو اكعد لا اسوي روحك نايم
ضياء : رامي 😂 لا هاي هيه قبضنه
لارين : لا تقبض ولا اقبض واعجاب وراح من زمان انه ضليت بدروسي حايره
ضياء : انصحج لا تحبين شخص لان الحب مو هين الحب يتعب
لارين : اكلك انته اكيد واقع بالحب
ضياء : ههه مااكو واحد بعمري ماحب
لارين : اي ومنو هاي سعيدة الحض 😂
ضياء : ام السان اكعدي راحه 😂😂
لارين : غير يكملي يالله
ضياء : اي اي هاي البت مااعرفها منين وين ساكنه بس اول ماشفته صارت عيني بعينها وكانت عيونها مليانه دموع
لارين : اي فلم هندي اكيد مطرت كمل خويه معليك
ضياء : استغفرلله اكمل لو اطردج وانام لان نعست
لارين : لا لا يمعود تعرفني فضوليه سكتت والله سكتت
ضياء : اي تبجي لان صديقتها اتوفت قبل ماتكولين اشلون عرفت
لارين : 😂😂اي
ضياء : سئلت كالوا صديقتها ماتت لهذه انه انكسر خاطري اعليها ورحت يمها كتلها الله يرحمها وانطيتها قطعة القماش الخاصه مالتي تمسح بيها ادموعها
لارين : 😪😪
ضياء : شنوو غفيتي
لارين : هاا لا لا بس ردت اسوي بيك الدگه الناقصه نفسها مالتك
ضياء : لا يا خرا خلينه اكمل
لارين : كمل اسمع
ضياء : المهم تسريع الاحداث عرفت بنفسي ان انه حبيتها  وضليت اليل والنهار كله افكر بيها ومن امر من يمها احس گلبي يركض ركض مااعرف شسوي
لارين : هيج يسوي الحب
ضياء : اي واكثر المهم اعتقدت ان هيه اتبادلني المشاعر وكلت لازم اعترفلها باليوم الثاني وهو لازم اعترف بي الها ماشفتها وضلت اسابيع مااشوفها انه حسيت نفسي انگطع بعد مااتحمل على فراگها بالنهايه سمعت بيها ازوجت
لارين : خررب مو اتكول حسيت بيها اتبادلني المشاعر
ضياء : المشاعر طلعت جذابه تذكرين من شمرت الاكل بالگاع وكلت لمي مااريد
لارين : اي اكيد كلنه اعليك اسودن 😂😂
ضياء : هاي بسببها وتذكرين من ضليت يومين بدون اكل ولا نوم وهاي هماتين بسببها
لارين : 😳😳😳

*"*"*"*"*"*"*"*"*"*"*"*"*"*"*"
الى هنا ينتهي البارت الخامس
طلبين وبس 1-رئيكم لان بالنسبه الي دعم حتى اكملها للنهايه
                 2- تصويتكم الها
❋・────━【باااا👋ااااي】━────・❋