كفاك يا قدري

بارت ١٤

يسعد صباحكم احبتي 💋💋
بقلم Reem Ali..

كرار..ضليت احجي ويه مسك بتلفون لحد ساعه ٤ الفجر نمت وحسيت ع امي واختي وخلاتي و عمتي ضواهن مشغلات الديجي ويركصن كعدت

نزلت وامي ضلتت تهلهل دخلت للحمام اسبح حتى اصحصح
طلعت وضلت تهوسلي امي تكول اليوم مو مشيه
عرس ..رحت عليهاا بوستهااا وكامت تبجي ...

كرار..يا يمه هسه ليش تبجين ..

ام كرار ..يمه هاي دموع فرح فرحانه بيك ياوليدي ..

كرار..حضنتها وضليت ابوس بيدها وبراسهااا ربي يخليج ويحفظج النه يلغاليه ..
دخلت للمطبخ اريد اكلي لكمه حتىً اروح احجز الكيك..

لكيت عمتي جاي ترزل بنتها مروه طبيت صبحت عليهن صباح الخير ..صباح النور هلا بعريسنه بس مروه دنجت راسها وطلع مادري شبيها .

صحت اختي سوتلي اكل اكلت شوي اتصل بيه صديقي سيف حتى نروح نحجز ..
سيف اخوي الي مجابته امي..هلا سيوفي

سيف ..هلا بعريسنه يله اني بلباب حتى نروح نحجز كيك ونشتري ملابس ..

كرار..ماشي ثواني واني واطلع ..بدلت وطلعت بسرعه ..

مسك ..كعدتني غصون واني احسه اسعد يوم بحياتي ..

غصون ..كومي ولج هم حتى نروح للسوك نشتري شي تلبسي اليوم ..ونجيب حلقه لكرار ..
يله كومي وزهراء مجهزه الريوك ..

مسك ..كمت غسلت وتريكت احس ماشتهي اكل من الفرحه ..اكلت اشوي ورحت بدلت وطلعنه لسوك ..

اول شي سويته اخذت حلقه فضه للكرار وخليتهم وينقشون اسمي واسمه داخل الحلقه كلش عجبتني ..وبعدين جبت كم حاجه احتاجهم عطر ..

مكياج واشتريت ثوب احمر قصير بدون اكتاف وضيق طلع قالب عليه ورجعنه للام صالون بس عدلت حواجبي اشوي اخذت منهم لان كرار كلي العرس قريب ..

فماحبيت اغير اهواي من شكلي كلت للعرس ..ورجعنه لان هواي فترينه ..
لكيت نسوان عمامي وبناتهم وخلاتي وتلكني بهلاهل طبيت سبحت وبدات غصون تسوي شعري وخلتلي مكياج حلو ناسك ..

بعدهاا شفت مرت عمي ام حسام وهيه ودموعهاا كتلها عمه بيج شي كالت لا عمه فرحانه بيج ..بس اني عرفت تبجي ع ابنها ..من اذكر حسام احس غصه بگلبي ماعرف ليش ...ضليت صافنه ..

غصون ..ها عيني من هسه كمت تصفنين تره ماضل وكت كومي بدلي ..لان اتصل كراربيه وكال طلعنه ..

كرار ..رحت زينت واشتريت ملابس اني وسيف وجبت الكيك ورجعت سبحت وطلعت لبست واجو عمامي لبست ونزلت كلهم موجودين ومتحضرين وتلكوني ولد عمي بلباب كامو يهوسون الي وفرحانين ..