Puwede po ba magtanong?
Kasi di maarok ng aking dunong
Kung bakit nagka ganito
Nangyayari sa buhay ko?
Hirap na hirap ang saklap
Pangangailanga'y di mahagilap
Malaki pa nga ang sweldo sa karaniwan
Bakit kapos pa rin di ko malaman
Sa nais pa'y masakripisyo
At wala kahit isang bisyo
Di rin naman maluho
Kung tawagin pa nga'y kuripot
Matipid na sa lahat
Bakit di pa rin sumapat
Paano pa kaya ang iba
Na talagang sa buhay ay salat
Yung walang matatag na kabuhayan
At kay dami pa ng anak.
Ang tinutuluyan ay inuupahan
Gumagastos pa sa karamdaman
Ano ng nangyayari
Hindi ko talaga mahiwari
Bakit buhay ang salimuot
Tanong ko'y sana'y may makasagot.
-tontodelacruz
07/25/2018
4:50 pm
