العفه تقتل احيانا بقلم/ لولو_محمد (كامله)

الجزء الثاني

#lolo #لولو_محمد
(((((((((((((((((((((((((العفه تقتل احيانا ))))))))))))))))))
الحلقه الثانيه

مصطفى / هتكمل فى بيت جوزها
عفه / لا واول مدخل بيتك تقولى مفيش جامعه
مصطفى / انتى زودتيها اوى يا بت هو فى ايه
سلامه / مصطفى
عفه تعيط حسن يروح يقعد على ايد الكنبه جنبها و يطبطب عليها
عفه / انا اصلا موافقتش عالجوازه دى
.........................
مصطفى / انتى قولتى ايه
عفه / قولت انى موافقتش انا اه مقدرش اكسر لابويا كلمه بس و انت ابن عمى بس لو هتيجى عليا مش عوزاك
مصطفى / شاهد يا عمى انا ماشى
عاصم / استنى بس يا مصطفى
محمود / متهدى يا عم انت اللى زعقت فيها الاول و بعدين دى صغيره خدها بالمسايسه
مصطفى / مهو دلعكوا فيها هو اللى مرعها كدا فى ايه يا محمود متشد على اختك شويه يا جدع
حسن / كفايه عليها انت تشد هتبقى انت و احنا
سلامه / نهايته الاول انتى عاوزه ايه يا عفه
عفه / انت قريت فاتحه و انا مقدرش اكسرها بس على الاقل اكمل تعليمى الاول
مصطفى / دا اخر كلام عندك
عفه تقوم من تحت دراع اخوها و تقف قدام مصطفى و عنيها كلها دموع ال
عفه / لو عاوزنى هتستنانى
مصطفى / ماشى يا عفه بس افتكريها هستناكى كام سنه بقى ان شاء الله
عفه / زى مالتنسيق يجيب
مصطفى / هما تلت سنين يا عفه اظبطى نفسك بقى عدنك دخلتى الجيش
حسن / هههههههههههههه
مصطفى يبصله / مانا اقول ايه طيب
عفه / ليا طلب كمان
مصطفى يبصلها و هو هيطق / اؤمرى
عفه / ميؤمرش عليك ظالم انا لو جبت مجموع كبير يعنى عاوزه ادخل اعلام
مصطفى/ انا ماشى
حسن / متستنى يا اخى اعتبره مهرها
مصطفى / مهر ايه يا حسن اختك اتهبلت خلاص
سلامه / يا مصطفى اقعد احنا بنتكلم هى بتطلب انت يا توافق يا ترفض
مصطفى /ارفض طبعا
هناء / ليه بس يابنى
مصطفى / مالاخر كدا انتى مش عاوزه الجوازه دى فبتنكشى فى اى حاجه عشان تبوظيها ماشى يا ستى بناقصها اعملى اللى يريحك ابقى خلى بقى اعلام تنفعك
مصطفى يمشى و يرزع الباب وراه عفه تبص للكل
محمود / بصراحه معاه حق
حسن / لا ياعم هو ايه فى اسلوب احسن من كدا شويه و بعدين دى فبيتنا لسه يعنى براحتها
محمود / خليك انت دلع فيها كدا
هناء / هى كانت طلبت ايه يعنى يا محمود
محمود / اعلام ايه يا خالتوا مالها تربيه و لا اداب يعنى مهو صحيح على راى مصطفى مهى كدا كدا هتقعد فى البيت و لا هتعملى بقى زى معملتى فى ثانوى انا تعبت فى الكليه و من حقى اشتغل زى مقولتى انك تعبتى فى الثانوى و من حقك تكملى
عفه تبصله
محمود / سبليلى يا بت انا مش حسن مش هضعف انا مالبصه دى
حسن يقومله / خف ياعم
سلامه / فين اعلام دى يا عفه
عفه تجرى تحت رجلين ابوها
عفه / فى فى جنوب الوادى و فى بنى سويف و طبعا القاهره احسنهم
هدايه / اقربهم بنى سويف
حسن / ولو دى ساعه و شويه بالعربيه دا لو الطريق سالك يعنى
عفه / هصحى بدرى
حسن / يابنتى بهدله والله مش هتستحملى و بعدين هو اداكى تلت سنين بس
محمود/ انت بتتكلم دا لو وافق اصلا على اللى بتقوله ده
سلامه / هو حر ده مهرها و هى شرطته
عفه / بجد يا بابا
هدايه / بس برده يا سلامه مش هينفع
سلامه / لو عجزت ندخلها مدينه جامعيه
عاصم / طب معلش يا سلامه انى بدخل بس مدام مدينه جامعيه بمدينه جامعيه بقى يبقى القاهره احسن على الاقل البت تتعلم فى مكان نضيف و منظم تتعلم صح
محمود / يا عموا هيفرق فى ايه مهى شهاده زى اى شهاده و هتركنها عالرف
عفه / ممكن يا بابا
سلامه / انتى عاوزه ايه
عفه تحضن ابوها و هو بيدحك
هناء / ايه رايك يا حج لو جت عندى احنا بيتنا قريب من هناك و انا هحطها فى عينى والله
حسن / بس مينفعش سيف يعنى انا اسف
هناء / سيف مبيخرجش من اوضته خالص احنا اصلا مبنشوفوش و بعدين مهم مش هيبقوا لوحدهم انا موجوده او عاصم و كمان فى خدامه فى البيت بتبات فيه
محمود / لا مينفعش
هناء / هو ايه اللى مينفعش ياض انت هو المدينه ائمن على بنتى من بيت خالتها
محمود / مقصدتش والله يا خالتوا بس الناس مصطفى مش هيقبل
سلامه / كل الكلام ده سابق لاوانه احنا هنستنى اما النتيجه تبان جابت مجموع نتكلم مجابتش يبقى الخيره فيما اختاره الله
عفه / هجيب باذن الله
سلامه / اللى عاوزك تجيبيه دلوقت هو الاكل لانى جعان مووووت
عفه / هوا
..................
فى بيت مصطفى
مصطفى قاعد مع سلامه و اخوه
مصطفى / كمان مصر دى اتجنت رسمى
ابوه / يا مصطفى البت قالت دا مهرى تستخسره فيها
مصطفى / مدام فى جامعه فى بنى سويف تروح مصر ليه بقى و بعدين انا اضمن منين انها مش هتيجى بعد متتخرج تقولى عاوزه اشتغل دا اللى ناقص بقى دانا دمى اتحرق
سلامه / يابنى افهم هو فى حد لاقى شغل و بعدين انت قولت تلت سنين و قولنا ماشى السنه الرابعه هتبقى فبيتك و انت و شطارتك بقى تخليها تخلص من هنا تنشغل فى الواد من هنا
مصطفى / و انا اضمن منين انها مش هتيجى فى رابعه و تقولى دى اخر سنه و اهم سنه و ابصر ايه و مدرك ايه
سلامه / انا اديتك كلمه
مصطفى / مانت اديتنى كلمه قبل كدا و كان الجواز كمان كام شهر
سلامه / يابنى انا لما قريت الفاتحه معاك كان ربط كلام هى ليك و مش هتكون غير ليك هو انا عندى اعز منك يا اهبل انت
ابوه / هو الواد مستعجل مش قادر يستنى التلت سنين
مصطفى / قوله يا بابا فى التلت سنين دول يبقى معانا تلت عيال
سلامه / ههههههههههههههه عليك يا مصطفى دا لو عيلين يبقى كرامه بنات اليومين دول فستك مبيستحملوش
مصطفى / عيل انا راضى بس مش هفضل هنا تلت سنين و هى فى مصر لا عارف رايحه فين و لا جايه منين
سلامه / لا يا مصطفى اعقل الكلمه عفه متربيه احسن تربيه
مصطفى / حقك عليا مقصدش و بعدين خالتها لو كانت مخلفه بنات كنت قولت ماشى لكن دا محلتهاش غير عيل مجنون
سلامه / سيف دا ابنى و مش معنى انه مريض يبقى مجنون
اخوه / اهدى يا سلامه
سلامه / الله يعينه والله الواحد بيزعل عليه انت اصلك مشوفتوش يا محمد دا كان نسمه حاجه تشرح القلب ساعات بحس انى انا اللى حسدته من كتر مكنت بتمنى عيالى يبقوا زيه الواد الاول على مدرسته و كان واخد بطولات رياضيه و لما دخل الجامعه كان الاول على دفعته سنتين ورا بعض و لولا ابوه دخل المستشفى كان زمانه معيد و لا دكتور
محمد / عارفين والله نقول ايه بس نصيب
سلامه / الواد مستحملش عيى
محمد / بس ابوه دكتور كبير اوى دا استاذ فى الجامعه مش قادر يعالجه
سلامه / بيقولوا بياخد العلاج و مبيجبش نتيجه الواد كان خاطب بت زميلته فى الكليه سابته لما سقط و كملت عليه
مصطفى / و انا مالى بكل ده مينفعش عفه تقعد معاه فى بيت واحد
سلامه / مش لوحدهم خالتها موجوده و فى خدامه فى البيت و للمره المليون عفه بنتى متربيه احسن تربيه و لو رميتها فى بحر رجاله مفيش كلب هيعرف يلمس منها شعره و انا اضمن بنتى برقابتى و لو انت مش واثق فى اخلاقها متاخدهاش خلص الكلام
مصطفى / انا مقصدش والله يا عمى هو انا كنت هعوزها و لا هحبها و هى كدا و لا كدا كفالله الشر انا بس خايف عليها من مصر و ماللى بنسمعه
سلامه / يعنى المدينه الجامعيه امان عن بيت خالتها خالتها قالتلى انها هتخلى السواق يوديها و يجيبها اطمن انا مش هرمى بنتى دى الغاليه
مصطفى / بس انا برده مدايق
سلامه / بص يا مصطفى لو عاوز نصيحه عمك انزل السوق اشترى هديه لخطيبتك و روح راضيها و قولها انك موافق على اللى هى تطلبه و خليها تيجى منك و باينلها انك شاريها البت زعلانه منك و بتقول انك بتكبت طموحها عشان تخليها اقل منك و انت عارف عفه اخواتها مدلعينها ازاى و شايلنها فوق راسهم روحلها يابنى و فهمها انها غلطانه و انك خايف عليها مش عاوز تكبتها فهمها يابنى انك بتحبها خليها لما تسافر تبقى متعلقه بيك
مصطفى يهز راسه
.....................
فى البيت عند عفه
مصطفى / انا هوصلك بنفسى مصر
عفه / شكرا
مصطفى / انتى لسه زعلانه منى
عفه / لا
مصطفى / امال مالك
عفه / هتوحشونى كلكوا هتوحشونى
مصطفى / دا كلها اسبوع انتى مش هتيجى الخميس و لا ايه
عفه / و من هنا للخميس شويه
مصطفى / طب نعمل ايه عشان نريحك نقولك متسافريش تقولى اسافر نقولك سافرى تقولى هتوحشونى اريحك ازاى انا انا عن نفسى بناقصها و يلا نتجوز
عفه تبتسم
مصطفى / ايوه بقى هبقى اخطف يوم فوسط الاسبوع اجى اشوفك
عفه / ماشى هستناك
مصطفى / انا جايبلك دى هديه يارب تعجبك
مصطفى يدى لعفه لفه
عفه / شكرا
مصطفى / متفتحيها يا بت
عفه تفتحها تلاقى فيها دبلتين تبصله
مصطفى / لبسيهانى بقى و لو يا ستى مش عجباكى نبقى نجيب غيرهم و احنا بنشترى الشبكه
عفه تلبسه الدبله و يلبسهالها
مصطفى / انا مكنتش بكبت طموحك و لا بخليكى اقل منى انا لو عليا عاوزك وزيره بس انا خايف عليكى من مصر و اللى بنسمعه عن مصر هناك دنيا غير الدنيا و عالم غير العالم
.....................