Ikaw 'yung simuno---
Ikaw 'yung paksa.
Ikaw 'yung panaguring naglalarawan sa isang magandang kabanata.Ikaw 'yung malaking titik sa unahan ng mga salita---
Sa'yo nag-uumpisa---
Ikaw yung simula.Ikaw yung kuwit sa pagitan ng dalawang salita.
Ikaw yung nagpapakalma---
Ikaw yung buntong - hininga---
Ikaw yung pahinga.Ikaw yung tuldok pagkatapos ng mahabang talata.
Ngunit, hindi iyon nangangahulugan na tapos na---
Dahil, ikaw rin yung tuldok - kuwit---
Nagpapahiwatig na kailangang magpatuloy dahil may kasunod pa.Ikaw yung tandang padamdam na hindi nakakairita kahit nagagalit na.
Ikaw yung elipsis---
Nakakabitin ka---
Nakakamiss ka.Ikaw yung kudlit na nagsasabing
" 'Wag kang mangamba--
Magkulang ka man, bubuoin kita. "
At, ikaw man yung tandang pananong na madalas magduda---
Ikaw pa rin yung tanong na di ko pagsasawaang sagutin kahit paulit- ulit pa.Ilang ulit man nila akong ikulong sa loob ng panakolong---
Pipilitin ko pa ring kumawala.
Walang anumang gitling ang maaaring mamagitan sa ating dalawa.
At sana---kung pahihintulutan man niya---
sa kapangyarihan ni Bathala---
sa iisang panipi tayo ay mapag - isa.
Tila ba tutuldok na di na magpaghihiwalay pa.-akda ni Nned Neddic
YOU ARE READING
IKAW
PoetryIKAW - akda ni Nned Neddic Ito ay isang maikling tula tungkol sa pag ibig. So guys, hindi sakin tong poem na to, hindi din ako ang gumawa nito. Nagustuhan ko kasi to ng sobra kaya gusto ko lang ishare sa inyo. Okay so ulitin ko lang... HINDI...