سكووووت لحظة يا حلوياات. شوية توضيحااات كدة علي الماشي بخصوص الرواية ككل وحقلة امس بالاخص. ورد علي مجمل الكومنتات والتساؤلات حتي لو وجهة نظر منفردة من واحدة حقها ارد بردوا .
الاحداث محتاجة تتسرع شوية . لا بقي انا كدة هزعل واجيب ناس تزعل 😂😂😂😂 . ده انا اكتر حد بيكره المط والتطويل . وكل حلقة فيها جديد بشهادة الاغلبية. لكن اظن انتم شايفين الرواية فيها كام حكاية وعلاقة. صدقوني انا لو علي الكروتة كنت عملت من الرواية دي 4 او 5 روايات كاملة. هو انتم مش واخدين بالكم ان كل علاقة وكابلز كافلين ان يكون ليهم رواية كاملة منفردة باحداث تفصيلية لوحدهم وهتنجح ان شاء الله. بس انا جامعة كل دول في رواية واحدة. فتخيلوا بقي كل علاقة محتاجة توضيح للي بتمر بيه وماينفعش انط في تفاصيل مهمة وفارقة. فايريت نفهم ان ماينفعش ننط احداث مش منطقية . تمام
حلا وفادي ليه مش معانا بقالهم حلقتين. طيب انا قولت قبل كدة ان حلا &فادي. شهاب&تمارا
دول الابطال الرئيسية.
فادي&حلا اخدوا النص الاول من الرواية بحكايتهم اللي جانب العلاقات التانية.واللي حدا ما علاقتهم استقرت الا من بعض المنغصات اللي جاية.
لكن النص القادم من الرواية ده هيكون التركيز علي شهاب &تمارا. لان حكايتهم مش هقول لسة فيها احداث. لا هي تقريبا لسة هتبتدي. اللي فات كان يادوب فتحوا بابهم لبعض. واللي جاي مختلف جدااااااااا. تمام
الاهم بقي حمزة&فتون. انا كنت افضل الرد يكون في الحلقة اثناء السر زي ما انا كنت مجهزة بس بعد الحيرة اللي شوفتها منكم وصدمتكم بعد اللي حصل. قررت ارد ن ما زعلكوش
ليه حمزة عمل كدة ليه يظهر نفسه حقير ومغتصب. وهو ليه يشيل ذنب غيره.
والحلول المقترحة . ليه ماحطلهاش منوم. ليه ماشربهاش اي مشروب يتوهها. ليه ماقلهاش انها محتاجة دكتور واخدها وضحك عليها وتعدي. حلول كتيير منكم فكرتوا فيها كبديل للي حصل.طيب.
اولا حمزة كان لسة بيفكر هيعمل ايه وكمان بيحاول يتحجج ببعده عنها انها تاخد وقتها. اكيد هو في موقفه ده اي واحد غيره كان هيبقي بيضيع مش عارف يتصرف. ومهما فكر ودبر. هي فاجأته بقربها وطلبها ليه. مهما حاول يأجل ويبعد . كان صعب علي راجل في موقفه وكمان في اشتياقه ليها. وحصل الجواز خلاص. وبقي مافيش مفر من المواجهة. فأقرب رد لعقله وقتها كان اتهامه لنفسه.
تفتكروا واحد بأخلاقه وحبه ورجولته . كان هيتحمل انه يشوفها مكسورة قصاده ومزلزلة. انها اتعرت واتداس علي شرفها من واحد زي محسن. ده نقل الاستوديو بتاعه علشان عنيها ماتجيش في عين محسن ولو صدفة. وخبي عليها طول الفترة دي. يبقي بديهي كدة يقولها الحقيقة لا وكمان بعد مابقت مراته. مستحيل.
كان اخف الضررين انه يتهم نفسه علشان صدمتها تكون اقل خصوصا انها بتحبه وشافت حبه ليها ومواقفه معاها. بصرف النظر عن رد فعلها بعد كدة هيكون ايه.
هو فضل انها تنجرح وهي الاقوي قصاده لانها كدة هي اللي هتبقي ليها حق عنده. وانها مش هتنصدم انها كانت لراجل غيره. هو يتحمل انها تشوفه ضعف واخدها وهي مغيبة افضل ما تكتشف انها كانت فريسة ولحم رخيص اتنهش من كلب زي محسن . هي كدة هواجه بقوة وهي اه مجروحة بس مش مكسورة وعنيها في الارض. هو هيدواي جرحه بنفسه . لكن هي كفاية عليها الجرح ده. مهما كان بيوجع. مش زي الجرح التاني ابدااااا
حمزة ده #راجل مافيش منه #حبيب مجنون بحبه #عاشق بيعشق بطريقته. #حمزة راجل مش هيتكرر.
ايه اللي جاي بينهم ورد فعل فتون ايه. لسة هنعرف خلال الحلقات اللي جايه.
بس الاكيد ان عاشق زي حمزة مش ممكن ينهزم ولا يتخلي عن حبه ولا يسمح انها تضيع منه. بس هيمر بإيه ويواجه ايه لسة كتيير. كمان امتي فتون هتعرف الحقيقة ومن مين . ده هيكون وجع اكبر وحمل علي ظهر حمزة . بس هو مهما كان صعب هيشيل . ياريت نصبر ونفهم ونعيش معاهم.
كلمة اخيرة انا كل بطل من ابطالي مهما كان غلط بيكون جانب وبيتصلح فيه . لكن الاصل فيهم انهم رجالة بجد رجالة مش ذكور. واظن انه قولتها كتييير قبل كدة. ان كل الرجالة هم ذكور ربنا خلقهم. لكن مش كل الذكور رجااااال.
الرجولة دي حاجة تانية مواقف وافعال . ياريت مانستغربش ونقول ان ده خيال هو فعلا خيال بس اياكو تتخيلوا ان ربنا ماخلقش رجالة زي دول. لا ربنا خلق زيهم واكتر كمان. فين وليه معظمكم ماقابلهوش. ده قضاء ربنا بقي . لكن الرجالة موجودة 😉😉😉😉
عايزين اقتباس . صعب هيبوظ الاحداث اللي جاية . وانا ان شاء الله هنزل فصل صغير بكرة ونكمل الاحد. بإذن الله.
مروان وريما وچنا ومايا مش هقدر اتكلم عنهم. حاليا خاليها وقت الحلقات افضل .
#ريحانة الجنة
أنت تقرأ
مهمة حب ( الجزء الثاني من رحم للإيجار) للكاتبه ريحانه الجنه
Romanceظن انه الاقوى و ان الحب لن يمس قلبه و حين قابلها و عندته فاقسن ان يذيقها الأمرين و لكنه لم يدرى ان الحب و الهوى ليس لهم سلطان الجزء الثاني من رحم للإيجار (سلسله عشق الرجل ) للكاتبه ريحانه الجنه
