عاشق من بني النعمان

الجزء التاسع

💚مسائكم رحمه من عند الله💚
....نازك الحمراني....حبايبي تعطلت بهل بارت لأن رجعت اراجع الكتب الي أقراهن..
لحتى أوصل معلومات الكم بطريقه مبسطه..

.......

قررت لازم اروح العمتي وأتكلم وي أدهم..
واكلمه عني"وعن اختي"وامي..
بس بداخلي بقى خوف"مدري شوق النيار
وين راح؟؟
نيار الي كل مااذكر اسمه يجيني..
ويشبع عاطفتي العطشه بغزله الحلو...
يجوز لأن تعاملت وياه بجفاء اخر مره
أو مل من عندي بسبب برودي...
دمعه سقطت على خدي...واني اواسي نفسي بنفسي
ليش عايشه الوحده..
واني الله أنعم عليه..بنعمه الاحساس القوي
وقرأت سطور القرأن بحذاقه...

ابتعدت عن المرايه بعد مارتبت شالي
وكملت ترتيب ملابس..
طلعت من الغرفه جاي اسد الباب..
صارت امي بوجهي بيدها كوب شاي حار
فرحت بداخلي..لأن
اشوي نفسيتها بدت تتحسن وتتناسى محمد..
وبلكن تبطل الدرب الاعوج...
واني انظرلها افكر بوالدي..
ماعرف ليش ميحس بيها متحبه..
اشو مشاكل من الصبح لليل..
يرجع تعبان تتناكر وياه...
أذا شغله موزين تتعارك
حتى من ساعد عماد بمبلغ للبيت تعاركت وياه..
وصايره عصبي بشكل فضيع....
دموعها خلصن على محمد....
نظافة والدي خلا ميشوف ظلام روحها..
حتى ماباوعت الها عبرتها وناويه أطلع بسرعه
ادري تذب حجي هسه
جاي أتخطاها..صاحت

-أي ست نهوده وين طالعه من الصبح صدك لو كالو
أضرب البنت على فمها تطلع البنت الأمها ههههه
.

-لا ياأمي ترى الي الي کنتي اتسوي.
ابد مو فخر...
أولا تتوقعين في يوم  أصير مثلچ..
ومعلومه الچ آمي العزيزه...
مو کل مثل یتطبق لأن الامثال مو قرأن..
القران الي متاكده بعمرچ مافاتحته..

أو اني نهادبنت زامل الرجال الخلوق المؤمن..
الي ربى يتامى
وكبرهم "وزوجهم"أو وقر أمهم
بنت زامل الي اخته زاهده الصالحه..
عيب ترى كبرتي على هل كلام
وسوالف المراهقه متلوكلچ
مااحس آله راشدي صلخ وجي..
وكوب الشاي الحار
شمرته على ايدي...وحركتني..
تلمست ايدي حاضنتها
الوجع اخذني واني اباع عليها كازه سنوني بغيض...
ردت اقترب منها أواجهه
جرت ايدي الحركته...وتهز بيه

-أي أم اللسان  بعد هل خزره
شرح أسوين بله..خل انشوف اعصابچ
او نشوف الجن مالتچ ها ها ها

-بلعت ریجي بصعوبه وعيوني بعيونها..
ماأسوي شي تعرفين ليش؟؟
لأن تبقين أسمچ أم....
سحبت ايدي..ودخلت للمخزن
وحاضنه ايدي على صدري بوجع..
ادور بلمجر على عصاره مال حرك....
واستغفر ربي على هل بلاء الي اجى على شكل أم
لكيت العصاره فتحت غطاء العصاره
وبقيت ادهن أيدي وابچي..
رجعت الأصوات تهمس بوراي ماهتميت"وعتاديت

لأصدك أدكول أمي اني أم الجن"والجنون
صوت الهمس قوه وبوشوشه واضحه...درت وجي..
مكان الصوت
ماكو بس الحايط بوراي
رجعت عدلت كعدتي..
واشوف أم الچادر يمي مسحت عيوني من الدموع..
لأن كلت خاف أتخيل..
كل مره تجي وتختفي هل مره...يمي..
خفت لا تأذيني..
مدت ايدها ترفعهن
واشوفها بدت تزيح الچادر بهدوء
برزتلي ملامحها وأني صافنه بتعجب..
عيونها صفر بيهن خط بلوسطه..مثل عيون النمر
بيضه كلش"شعرها سرح ناعم...يطلع عمرها
نهاية العشرينات...
وجهه سمح خل الخوف يتلاشى مني..
بس صفنته خوفتني واني أدور بحيطان الغرفه..
اريد أعرف كيف أجت هي مثل نيار..
بخوف خفي همست