إحم نسيت في الفصول الأولى أعرفكم بنفسي حيث إن في تلت سنين وجودي في الواتباد مفيش تعريف واضح و صريح بيا 😂💔
المهم انا اسمي مُنى، بس مسمعش حد يقولي مُنى.. متفقين يا حبايب 💁😂؟
مووونآآآآليزآآآآ.. اوكي؟ چست مونآليزآ 🙊❤ سبب إختياري للقب مونآليزآ دا موضوع كبير و عاوزله بارت لوحده 😂 .
نكمل.. انا عندي 18 سنة إلا شهر و داخلة على سنة أولى جامعة و حماسي لها أون ذا روووف حوفياً 🎓😳 هدرس أدب إنجليزي في جامعة الأسكندرية إن شاء الله 🙊❤
كائن متناقض عشوائي يعشق الترتيب و يقدس النظام 💁
A mother of kittens and puppers 🐕🐈❤
و بس كدا ولله و باقي الحاجات هتعرفوها عني خلال البارت 🙊
حبيت اعمل التحدي على شكل ' يوم من حياتي ' حسيت هقدر اوصف كل شيء حصل في يومي بشكل احسن رغم احساسي اني يوتيوبر نسخة واتباد 😂
و يلا نبدأ بسم الله 💛✨ ... كعادتِي إنسان صبَاحي يُمقت الليل و يقدس وقت الصباح و السكينة اللي فيه 🌅💙، بصحى من النوم الساعة 8 و نص، لكن اليوم قررت أصحى بدري شوية عن كدا فصحيت 7 و نص تقريبا ❤
سبب حبي لوقت الصبح ان مجرد ما بشوف شروق الشمس بيبعث فيا أمل غير محدود بإن اليوم غير، و إن لسة في فرصة و كل اللي فات صفحة و انطوت بفشلها او بنجاحاتها، لسة في وقت لتجارب و تحديات جديدة و اشياء اكتر اتعلمها 💙
لكل حد فينا أشياء و طقوس معينة بيعملها الصبح عشان يخلي الوقت دا مميز أكتر و يبدأ بداية جميلة لليوم، بالنسبة لي اول و أهم شيء هو الصلاة 💙 كـشخص دااايم التفكير و مخي مش بيرتاح دقيقة طول اليوم، الوقت الوحيد اللي بحس فيه بسلام داخلي على حق هو وقت الصلاة ❤
.. على الساعة 8 و ربع قضيت وقت لا بأس به مع رقيّة ❤ * اللي متابعني على سناب و الانستا اكيد هيعرفها ❤ * لكن للي مش متابع فـ رقيّة بنت أختي و في مقام بنتي و هي في رأس قائمة الاشياء اللي بتبعث في روحي أمل و طاقة إني أقوم كل يوم 💙
الله يحفظها لي بس 💛✨
جه وقت الفطاار ! الحقيقة انا عادةً بساعد ماما في التحضير لكن لما هي بتطلب مني بصراحة 😞💔 اليوم قررت يكون في تغيير و رحت ساعدتها و عملت شاي من غير ما تطلب لا و قمت بالواجب كله !😂❤ لدرجة إنها شكّت إما أكون عاوزة منها حاجة إما الأكل مسموم 🌚💔
..
¡Ay! Esta imagen no sigue nuestras pautas de contenido. Para continuar la publicación, intente quitarla o subir otra.
دي قائمة مهام اليوم اللي طبعاً بكتبها من الليلة اللي قبليها عشان اصحى على أتم إستعداد 💙 كانت الساعة 2 و نص بعد الظهر تقريباً وقت خلصت حوالي نص المهام، و متتخيلوش قد ايه دا عطاني دفعة و حماس انجز الباقي مهما كانت المهام بسيطة !💛 - عقلك يعشق إنجاز المهام مهما كان حجمها - لا تحرم عقلك من اللي بيحبه عشان هو كمان مش هيحرمك من انه يعطيك طاقة لإنجازات اكبر و اكبر 💛✨
.. 5:30pm
البيت بقى هادي فجأة على غير العادة و بكدا جه وقت استجمامي لوحدي في اوضتي مع موسيقى و مكتبي الحبيب اللي بقضي عليه 80% من وقتي بس بيكون وقت استرخاء و زي شحن و تجديد طاقة كدا. بعمل ايه على مكتبي؟ اي حاجة مفيدة! - الاشياء اللي مش مفيدة بتبقى على السرير مش المكتب 😂 - زي مثلا تطوير رسمي او تعلم رسمة جديدة، كتابة، قراءة، تطوير اللغة الانجليزية عندي اكتر و هكذا يعني كل يوم بطلع شيء جديد مفيد اعمله، عشان محسش في اخر اليوم ان جزء من حياتي راح سُدى! .. 8:40pm
شوفتوا الوقت نط ازاي 😂! بس طبعاً يومي مخلاش من لعب رقيّة و غلاستها كل شوية 😂💙 جينا وقت السهرة العيلة كلها موجودة فقلت بدل قعدتي من غير شغلة ولا مشغلة اقوم اعمل حلويات سريعة كدا 🍪❤ - ملاحظة سريعة : انا محترفة صنع حلويات .. لا تتحداني 😌 -
قررت أعمل كوكيز 🍪❤ هو شكله مش عاطفي بس عشان كله شوكلاتة في شوكلاتة 😂🍫 رغم إني عانيت شوية معاه لكن طول الوقت و انا بعمله مبسوطة و بضحك بسبب تريقة أخويا 😂💙 و فعلاً طاقتك الإيجابية بتظهر في أي عمل بتعمله، يعني طبخة، هدية يدوية، او حتى رسالة! الأشخاص بتحس بالطاقة الايجابية دي و بتلاقيهم كمان مبسوطين و هم بياكلو الطبخة دي مثلاً ❤
..
و بس كدا يا حبايب انتهى يومي بإني رحت على اوضتي مرة تانية قبل معاد نومي بساعة تقريبا عشان في طقوس أخرى قبل النوم - أي شيء له طقوس عندي * تتنهد * - 😂💔 بس ايه يومي فعلاً حسيته مميز، عملت بنصيحة أيمن و ركزت في كل حاجة بعملها اثناء يومي حتى لو كانت معتادة كل يوم، لكن بسبب تركيزي فيها استمتعت بيها اكتر و حسيت بأهميتها اكتر و عطتني حافز اني اعمل حاجة جديدة كل يوم ❤ ..
¡Ay! Esta imagen no sigue nuestras pautas de contenido. Para continuar la publicación, intente quitarla o subir otra.
و دي قائمة المهام على نهاية اليوم . صحيح ملتزمتش بمعاد النوم لكن انا ديك بلدي بقوم بدري على كل حال حتى لو نمت الفجر 😂💔 ..
يوووه 850 كلمة! معلومة تانية عني.. انا مش ثرثارة عادةً، بس ممكن ابقى محطة راديو لو جيت اتكلم عن حاجة انا بحبها 😂❤ على كل حال استمتعت حقيقي بكتابة البارت 💙، من زمان نفسي أعمل كتاب و اكتب فيه حاجات عشوائية زي كدا و أبقى على طبيعتي فيه فـ شكراً تاني لأيمن Alshihrey إنه عطاني الفرصة دي 💙 .. أسيبكم مع إقتباس أخير..
قضَت الحياة أنّ النَصر لمَن يتحمّل الضربَات، لا لمَن يضرِبها. . . تصبحوا على خير و نور و رضا ❤ تصبحوا على أمل لا ينتهي 💛✨
