#سراج_وميس
#البارت_10_
والاخير / للكاتبه
#هدى_ابراهيم
؛:؛:؛:؛:؛:؛:؛:؛:؛:؛:؛:؛:؛:؛:؛:؛::؛:؛:؛:؛:؛:؛؛:؛:؛؛:؛:؛
كالي ميس عوفي الخشم اليابس
داكلج سراج تعبان
وبكيفج بعد سده وراح
ثاني يوم الصبح وصلتهم للنادي كالعاده
وصلتني رسائل صوريه من ساري
لكيتهم صور سراج
اول مباوعت عليه ماتحملت طكيت بجي
انهاريت بالطريق رجعت رجوع لمنطقتنا
ولبيت عمي فتحت الباب ودخلت
شفت ساري بالمطبخ
كتله وينه كال بغرفته
كتله امشي كدامي
وصلني لغرفه سراج وراح
دكيت الباب ميجاوب
فتحتها ودخلت باوعت ع سراج
مو هو سراج شنو هاللحيه والرعبله
معقوله هذا سراج الوسيم الي جان مدوخ كل البنات
شال راسه باوع عليه كالي شجابج هنا
كتله كوم سراج كوم
كالي امشي طلعي بره
كتله كوم سراج انت كوم اطلع بره
شال نفاضه ركعها بالحايط
صاح عليه طلعي بره
اني اعرف من زمان
انو سراج عنده (التحدي )خط احمر
ممنوع احد يتحداه
يثيره ويستفزه هالشي حيل
(اشتغلت عليه نفسيا)
كتله انت انسان ضعيف ومهزوم
باوع ع روحك بالمرايه
انت منتهي .. انت لاشي
كام يصيح عليه ويطردني ويهددني اكثر
كتله انت (جبان)
ضرب الباب البصفي (جلاق)
طلعي داكلج
عطت عليه اني اكثر
(جباااااااااااان)
سراج انت (جبااااااااااااااان)
ماتحملني بعد
سحبني بكل قوته
ودفعني حيل عالحايط
دنكت للامام وشبكت ايدي من الآلم
كتله شفت انت شكد (جبان)..........!
انهارت اعصابه
كعد بالكاع وهدء
تقربت عليه كعدت بصفه بدون مااحجي
طلع جكاره يدخنها
وبكل هدوء كالي
عوفيني ميس اني مافيدج ....!!
اني اباوع عليه بتحدي .. مااجاوبه
كالي اني احب زوجتي
ابتسمت بأستهزاء
سكت
كالي وهي هم تحبني
هنا اني فقدت وكتله
اني حبيتك قبلها ...
اني حبيتك اكثر منها.....
(انتبهت لروحي بلحظتها ندمت) ..!!
باوعلي هو شال راسه
يباوع عليه مصدوم
ارتاحيت
واخيرا كدرت (اصدمه)
صار عندي امل كبير
انو يطلع من ازمته
ويرجع طبيعي
راحت ايام واجت ايام
وسمعت اخبار حلوه عن سراج
رجع لدوامه
ورجع يتواصل ويه عائلته .. واصدقائه
والمجتمع .....!
زوجه عمي من سمعت بموضوع ماما وبيبي ويه النادي قررت تشترك وياهم ...
ماما كامت توديهم وتجيبهم كل يوم بسيارتها ..!
اني بلشت دوامي بالكليه
ونروح عيادات
ومستشفيات ..!!
برجعتي مرات من الدوام
اشوف سراج ..!
بس هالايام ينتبهلي
مو مثل قبل ..!!
رجعت الاشراقه ع وجهه ماشاء الله ..!
ورجع يجنن مثل قبل
(انت وتالي وياك راح تبقى طول عمرك حلو لو شلون بالله) ..!!
اشرلي فد يوم واني راجعه من دوامي
وكفت يمه بسيارتي
كالي : اكولج .....؟
كتله : كول بالله .....؟
كالي : شنو رأيج اتزوجج واكسب بيج اجر ...؟؟
اني ضحكت من كل قلبي .....
جيت احرك چلب بالباب وهو مبتسم ..
(يريدني اجاوبه)
كتله : الا تحبني يلله ...
كالي : مااكدر ...
(ردت انقهر الاشويه)
فجأه ضحكنا حيل ثنينا سوى .....
عفته ورجعت للبيت
فرحانه حيل
قلبي طاير من الفرحه
ماماتي احبج
بيبي اموت عليج
ها ميس يباوعولي مستغربين حيل
ماماتي فرحانه حيل
عن قريب اتخرج
وبابا وعدني يفتحلي عياده حلوه ...!
ووفى بوعده باباتي الغالي
وفتحلي عياده كلش لطيفه
يدوامون بيها ويايه زملائي بايأم محدد ..
واني كاعده بعيادتي فد يوم صادفت وحدي
ماكو زملاء ...
وخلصت الحالات العندي
كلت ارست 5 دقايق واطلع
دخل عليه واحد
متت بخوفي منه
ملثم وجهه كله بشماغ
دخل وسد الباب
عاط بيه حيل كالي
منو انتي
وجان مغير صوته
كتله اني دكتوره
انت منو .. شرايد ..؟
كالي اشششش ولاكلمه اني اسأل
كال شسمج
كتله دكتوره ميس
كال ميس شنو ..؟
كتله ميس مجيد
كال عندي سؤال واحد الج
تجاوبيه مثل مااريد
لو هسه اقتلج بمكانج
كتله شنو
كال : ميس مجيد
تتزوجين سراج معيد .. لو لاء ..؟؟
اني مداستوعب ..!!
لاااااااااا
ركضت عليه
ظليت اضرب بيه
ياحقير .. يانذل
فتح الشماغ وهو فاطس ضحك عليه
كتله : ها ولك بس لا (لگفت) ياحظي
كالي : لكلاكه ولج
غير البركه بيج..!
كتله : باع حظي ياالله
انتظرك كل هالسنين
تاليتها تجيني (شاخط) ..😜😜
كالي : ديلله هسه علساس انتي صاحيه
ضحكت حيل
كالي : يلله نزعي بسرعه ....!!
كتله : ولك ...!!!
كالي : نزعي الصدريه مالتج خل نطلع ..!!
وين نطلع ولك ..
نروح لابوج غير
لو ماتردين ... ملازم
كتله ولك تعال وين رايح
هالمره اني الي اقتلك
مابيها مجال بعد ...😝
خطبني سراج من بابا
وتزوجنا اخيرااااااااا
اكثر وحده فرحت ورقصت بعرسنا هي ( بيبي ) ....😜😜😜
بليله عرسنا كالي ميس اريد اذكرج بشغله ...؟؟
كتله شنو ...؟؟
كالي تتذكرين فد يوم
(چويتيني بالچاي)
وكعتيه عال ....
كتله حييييل شذكرك
هذا مجرد حادث جان
كالي لا مو حادث
اليوم احركج حرك ...🙈🙈
ظليت اهرب منه
منا ومنا
كتله ولك انت (مخبل)
هاي هيجي حتعيشني (بالخرعات) ..!!
كالي اني ليش مااحتك بيكم لعد
مااحد يتحمل شقاي ..!!
ضحكت حيل
كتله : مالوم احد اني ورطت روحي فوكاها ..!!
شالي سراج شمرني عالچربايه .........
بعد (9) اشهر
سراج وميس صارو بابا وماما لاحلى تؤوم اولاد ...!!
اشترو شقه لطيفه
واستقلو بحياتهم بعش الزوجيه الجديد
سراج بعد (الحادث السابق) آلاليم بحياته صار يخاف ع ميس كأنو بنته مو زوجته ...
اولاده الحلوين نسخه منه بعقچه الوجه والخشم اليابس
وماننسى الجمال
عايشين بعائله مستقره سعيده
يبعثون تحاياهم لكل من سمع قصتهم
وحبها .. وتأثر بيها ....
الكل بدون استثناء ..
وماننسى تحيات الكاتبه /
#هدى_ابراهيم
واتمنى اكون اسعدتكم بثاني كتاباتي ..
ودمتم بألف خير
