اشعار ☆حزينه😢 وغزل 😍

اشعار اريد رايكم

عاتبت الجرح بدموع العيون

رد جرحي يكَلي شذكرك بيه

كَتله جيت أشوفك واعرف البيك

يكَلي الونه ما تبقه خفيه

شجالك يا جرح كافي من الونين

يكَلي كل جرح طبعه الأذيه

كَتله آنه العمر خلصته جويات

وينطبكَن عليّ كلهن سويه

ما أعرف اجروحي وتاه الحساب

مو وصلن تعدن جزن ميه

ومرات اختنكَ خنكَة الغركَان

وشهكَات النفس زرفن الريه

أون ون العليل بوحشة الليل

واتمنه الجفن يغمض شويه

أشرب بالدمع ما ورج الناس

واتجرع حزن صبح ومسيه

بالصوره عدل وتشوفني الناس

لكن سكتاوي أنازع بالمنيه
☆☆☆☆

مو #كلمن قريب العين تفرح بيه
ولا كلمن بعيد #العين تنساه
بعض الناس يمك بس #تحس بعيد
وبعض #الناس تبعد من تريد رضاه
واكو بيهم #غصب... يبتعد مجبور
وتحب قربه رغم ما #عايش وياه !!

♡♡♡♡