ﻣﺴﻠﺴﻞ ( ﻏﺎﺩﺭﺗﻨﻲ ﺍﻟﻤﺸﺎﻋﺮ )
ﺍﻟﺤﻠﻘﻪ ..9
ﻣﺎﻟﻚ : ﻫﻴﺎ ﺍﺯﻑ ﺳﺎﻋﻪ ﺑﻴﺶ ﺗﻄﻠﻌﻦ
ﺍﺳﻴﻞ: ﺍﻫﺪﺃ ﺧﻼﺹ ﺍﻧﺎ ﺟﻴﻨﺎ
ﻣﺎﻟﻚ : ﻫﻲ ﺍﻧﺘﻲ ﻗﺼﺪﻙ ﻣﺎﺷﻴﺎ ﻫﻜﻲ
ﺍﻧﺎ: ﻛﻴﻒ ﻳﻌﻨﻲ
ﻣﺎﻟﻚ : ﻣﺎﺷﻴﺎ ﺑﻮﺟﻬﻚ ﻫﺬﺍ
ﺍﻧﺎ: ﻻﻻ ﺗﻮ ﻧﻤﺸﻲ ﺑﻮﺟﻬﻚ
ﺍﺳﻴﻞ: ﺧﻬﻬﻬﻬﻬﻬﻬﻪ ﺳﺨﻴﻔﻪ
ﻣﺎﻟﻚ : ﺭﻓﻊ ﺣﺎﺟﺒﺎ ﻭﻓﻨﺺ ﺗﻔﻨﻴﺼﻪ ﺍﻧﺎ ﻣﺎﻧﺒﺼﺮﺵ
ﺍﻧﺎ: ﺧﻔﺖ ﻣﻨﺎ ﻭﺳﻜﺘﺖ
ﻣﺎﻟﻚ : ﺍﻟﺒﺴﻲ ﺣﺎﺟﻪ ﻉ ﻭﺟﻬﻚ
ﻣﻮﺩﻩ : ﺧﻼﺹ ﻳﺎ ﻣﺎﻟﻚ . ﻧﻮﺭ ﺩﻳﺮﻱ ﺍﻻﻳﺸﺎﺭﺏ ﻫﻜﻲ ﻏﻄﻲ ﺑﻪ ﻭﺟﻬﻚ
ﻭﻏﻄﺘﻠﻲ ﻣﻮﺩﻩ ﻭﺟﻬﻲ ﻭﻃﻮﻝ ﺍﻟﻄﺮﻳﻖ ﻭﺍﻧﺎ ﻧﺬﻛﺮ ﻓﻲ ﺗﻔﻨﻴﺼﺖ ﻣﺎﻟﻚ ﻟﻴﺎ
ﻭﻏﻀﺒﺎ ﻋﻠﻴﺎ ﻭﻛﺎﻥ ﻃﻮﻝ ﺍﻟﻄﺮﻳﻖ ﺭﻗﻴﻼ
ﻭﺻﻠﻨﺎ ﻟﻠﻘﺎﻋﻪ ﻭﻧﺰﻟﺖ ﺍﻧﺎ ﻭﺍﻟﺒﻨﺎﺕ ﻭﺧﺸﻴﻨﺎ ﺳﻠﺤﻨﺎ ﻋﺒﺎﻳﺘﻨﺎ ﻭﺗﻠﻘﻴﻨﺎ ﻣﻊ ﺳﺎﺭﻩ
ﻭﻋﺮﻓﺘﻨﺎ ﻉ ﺍﻣﻬﺎ ﻭﺩﺭﻧﺎ ﺟﻮ ﻣﻊ ﺑﻌﻀﻨﺎ ﻭﺻﻮﺭﻧﺎ ﺍﻧﺎ ﻭﺳﺎﺭﻩ ﻭﺭﻭﺍﻧﺪ ﺍﻟﻤﻬﻢ
ﻫﻴﺠﻨﺎ ﻓﻴﻪ ﻭﺧﺸﺖ ﺍﻟﻌﺮﻭﺱ ﻭﻛﺎﻧﺖ ﺣﻠﻮﻩ ﺑﻜﻞ ﻭﺍﻟﻔﺮﺡ ﻛﺎﻥ ﺭﻭﻭﻭﻋﻪ ﻛﻞ
ﺷﻲ ﺣﻠﻮ ﻓﻴﻪ
ﻗﻌﺪﻧﺎ ﺗﻜﺴﻴﺪ ﻭﺗﻬﺪﺭﻳﺰ
ﺍﻧﺎ: ﺍﻟﻮ ﺍﻟﻮ ﺳﺎﻣﻮ ﻧﺴﻤﻌﺶ ﻓﻴﻚ
ﺷﻬﺪ : ﻛﻨﺎ ﺣﺴﺎﻡ
ﺍﻧﺎ: ﻣﺶ ﻋﺎﺭﻑ ﺷﻜﻼ ﺑﺮﺍ ﻭﻣﺎﻧﺴﻤﻌﺶ ﻓﻴﻪ
ﻣﻮﺩﻩ : ﺭﻧﻲ ﻋﻠﻴﻪ
ﺍﻧﺎ: ﺑﻪ ﺍﻧﺮﻥ ﻗﺎﻋﺪﺍ
ﺍﺳﻴﻞ: ﻫﺎﺷﻨﻮ ﺭﺩ
ﺍﻧﺎ: ﻣﻘﻔﻞ
ﺍﺳﻴﻞ: ﺗﺆ ﻛﻴﻒ ﻧﻌﺮﻓﻮ ﺟﺎﻧﺎ ﺗﻮ ﺍﻧﺎ ﻣﺶ ﻋﺎﺭﻑ
ﻭﻃﻠﻌﻨﺎ ﻟﺒﺴﻨﺎ ﻋﺒﻴﺎﺗﻨﺎ ﻭﻗﺎﻋﺪﻧﺎ ﺍﻧﺮﺍﺟﻮ ﻓﻲ ﺻﺎﻟﻪ ﺍﻟﻲ ﺑﺮﺍ
ﻭﻣﺶ ﻋﺎﺭﻓﺎﺕ ﺷﻨﻮ ﺍﻧﺪﻳﺮﻭ
ﻭﻧﺴﻤﻊ ﻋﺎﺋﻠﺔ ﺣﺴﺎﻡ ﺍﻟﻔﻼﻧﻲ ﻋﺎﺋﻠﺔ ﺣﺴﺎﻡ ﺍﻟﻔﻼﻧﻲ
ﺷﻬﺪ : ﻫﺬﺍ ﺣﺴﺎﻡ
ﺍﻧﺎ: ﻫﻴﺎ ﺍﻃﻠﻌﻦ ﺑﺴﺮﻋﻪ
ﻭﻃﻠﻌﻨﺎ ﻟﻘﻴﻨﺎ ﺣﺴﺎﻡ ﺍﻣﺪﺭﺱ ﻗﺪﺍﻡ ﺑﺎﺏ ﺍﻟﺼﺎﻻ ﺭﻛﺒﻨﺎ
ﺣﺴﺎﻡ: ﻣﻮﺑﺎﻳﻠﻲ ﺍﻟﺸﺤﻦ ﻛﻤﻞ
ﺍﻧﺎ: ﺍﻩ ﻋﺮﻓﻨﻬﺎ ﺣﺘﻲ ﻧﺤﻨﺎ ﻭﻗﻌﺪﻧﺎ ﻧﻘﻮﻟﻮ ﻛﻴﻒ ﻧﻌﺮﻓﻮ ﺟﻴﺘﻨﺎ
ﺣﺴﺎﻡ: ﻟﻘﻴﺖ ﺍﻟﺸﺎﺏ ﻫﺬﺍ ﺍﻟﻲ ﻳﺠﻲ ﻳﻘﻮﻻ ﻓﻲ ﺍﺳﻢ ﺍﻟﻌﺎﺋﻠﻪ ﻗﺘﻼ ﻧﺎﺩﻱ ﻉ
ﻫﻠﻲ
ﺍﺳﻴﻞ: ﺍﺗﻔﻜﺮ ﻣﺮﺍ ﻣﺮﺍ
ﺣﺴﺎﻡ: ﺑﻪ ﻉ ﺍﺳﺎﺱ ﺍﻟﺤﺎﺟﻪ ﺍﻟﻜﺒﻴﺮﻩ ﻣﺎﺗﺒﻴﺶ ﺗﻔﻜﻴﺮ
ﻭﺭﻭﺡ ﺑﻴﻨﺎ ﺣﺴﺎﻡ ﻟﻠﺤﻮﺵ ﻭﻫﺪﺭﺯﻧﺎ ﻟﻤﺎﻣﺎ ﻉ ﻋﺮﺱ ﻭﺧﺸﻴﻨﺎ ﻏﻴﺮﻧﺎ ﺩﺑﺸﻨﺎ
ﻭﺭﻗﺪﻧﺎ ﺑﻜﺮﻩ ﻣﺸﻴﻴﻦ ﻟﻠﺠﺎﻣﻌﻪ ﻋﺪﺍ
ﺭﻭﺍﻧﺪ: ﻧﻮﻭﻭﻭﺭ ﺳﺎﻋﻪ ﻛﻢ ﺟﻴﺘﻲ
ﺍﻧﺎ: ﻣﺎﻟﻴﺶ ﻧﺺ ﺳﺎﻋﻪ
ﺭﻭﺍﻧﺪ: ﺍﻩ ﺷﻦ ﺟﻮ
ﺍﻧﺎ: ﺗﻤﺎﻡ
ﺳﺎﺭﻩ: ﺧﻴﺮﺍﺕ ﻳﺎﺑﻨﺎﺕ
ﺍﻧﺎ ﻭﺭﻭﺍﻧﺪ: ﺍﻫﻠﻴﻦ
ﺍﻧﺎ: ﻏﺮﻳﺒﻪ ﺟﻴﺘﻲ ﺍﻧﺎ ﻗﻠﺖ ﺗﻌﺐ ﻭﻫﻜﻲ ﻣﺶ ﺣﺎﺗﺠﻲ
ﺳﺎﺭﻩ: ﺍﻫﺎ ﻗﺒﻞ ﻣﺶ ﺟﺎﻳﺎ ﻻﻥ ﺑﺘﺖ ﻋﻨﺪ ﺧﺎﻟﺘﻲ ﻟﻜﻦ ﺑﻌﺪﻫﺎ ﻧﻀﺖ ﻟﺒﺴﺖ ﻣﻦ
ﺑﻨﺎﺕ ﺩﺑﺶ ﻭﻗﺘﻠﻬﻦ ﺍﻧﻌﺪﻱ ﺍﻧﻜﺴﺪ ﻣﻊ ﺻﺤﺒﺎﺗﻲ ﺧﻴﺮ
ﺭﻭﺍﻧﺪ: ﺻﺎﺭ ﺟﺎﻳﺎ ﺍﺗﻜﺴﺪﻱ ﻣﺶ ﺗﻘﺮﻱ
ﺍﻧﺎ: ﺍﻛﻴﺪ ﻋﺪﺍ ﺍﻟﺸﻌﺐ ﺍﻟﻠﻴﺒﻲ ﺍﻟﺸﻌﺐ ﺍﻟﻮﺣﻴﺪ ﺍﻟﻲ ﺍﻳﺠﻲ ﻟﻠﻤﺪﺍﺭﺱ
ﻭﺍﻟﺠﺎﻣﻌﺎﺕ ﺑﻴﺶ ﺍﻳﻜﺴﺪ ﻣﺶ ﻳﻘﺮﺃ
ﺳﺎﺭﻩ: ﻭﺍﻟﻠﻪ ﺻﺎﺡ
ﺭﻭﺍﻧﺪ: ﺣﻲ ﻟﻔﺮﻧﺪﺱ ﺍﻣﺘﺎﻋﻲ ﺟﺎ ﻧﺒﻲ ﻧﻤﺸﻴﻼ
ﺳﺎﺭﻩ: ﻃﺢ ﺳﻌﺪﻙ ﻣﺎﻣﻌﻘﺒﺎ ﻭﺍﺣﺪ ﻭﻣﺎﺗﻌﺮﻓﺘﻲ ﻋﻠﻴﻪ
ﺍﻧﺎ: ﻣﺶ ﻣﻐﻴﺮ ﻣﺎﺯﻟﻠﻬﺎ ﻋﻤﻴﺪ ﺍﻟﺠﺎﻣﻌﻪ ﺑﺲ
ﺭﻭﺍﻧﺪ: ﺑﺎﻱ ﻳﺎﺗﻔﻬﺎﺕ ﻋﺮﻓﺘﻜﻦ ﺣﺴﺪﺗﻨﻲ
ﺳﺎﺭﻩ: ﺍﻧﺘﻲ ﻫﺎﺑﺎ ﻋﻠﻴﻚ ﻭﻏﻤﺰﺗﻠﻲ
ﺍﻧﺎ: ﺍﺳﺘﻐﺮﺑﺖ ﻛﻨﻚ ﺗﻐﻤﺰﻳﻠﻲ ﺷﻦ ﺩﺭﺕ
ﺳﺎﺭﻩ: ﻭﺍﻟﻠﻪ ﺍﻧﺘﻲ ﻋﺎﺭﻓﻪ
ﺍﻧﺎ: ﻻ ﻭﺍﻟﻠﻪ ﻗﻮﻟﻴﻠﻲ
ﺳﺎﺭﻩ: ﻣﺎﺻﺎﺭﺵ ﺷﻲ ﻓﻲ ﻣﺼﺮ
ﺍﻧﺎ: ﻛﻴﻒ
ﺳﺎﺭﻩ: ﻣﺎﻧﺒﺸﻜﺶ ﺷﺎﺏ ﻫﻜﻲ ﻭﻻﻫﻜﻲ
ﺍﻧﺎ: ﺷﻦ ﻋﺮﻓﻚ
ﺳﺎﺭﻩ: ﺍﺣﻜﻴﻠﻲ ﻗﺒﻞ ﻭﺗﻮ ﻧﻘﻮﻟﻚ ﺍﺻﻠﻲ ﺟﻴﺖ ﻣﺨﺼﻮﺹ ﻉ ﻣﻮﺿﻮﻉ ﻫﺬﺍ ﺍﻧﺎ
ﺍﻧﺎ: ﻳﺎﺣﻨﻪ ﺻﺎﺭ ﻛﺬﺍ ﻭﻛﺬﺍ ..............
ﻭﻫﺬﺍ ﺍﻟﻲ ﺻﺎﺭ ﺑﺲ ﺍﻧﺘﻲ ﻛﻴﻒ ﻋﺎﺭﻓﺘﻲ
ﺳﺎﺭﻩ : ﻳﺎﺣﻨﻪ ﺳﻴﻒ ﻳﻘﻌﺪ ﻭﻻﺩ ﺫﺭﺕ ﺧﺎﻟﺘﻲ
ﻭﺍﻣﺲ ﻛﺎﻳﻦ ﺑﺎﻳﺖ ﻓﺎﻟﺤﻮﺵ ﻭﻃﺒﻌﺎ ﻧﺤﻨﺎ ﻗﺎﻋﺪﺍﺕ ﻓﻲ ﺍﻟﻤﻄﺒﺦ ﻭﻫﻮ ﻭﻻﺩ
ﺧﺎﻟﺘﻲ ﻳﻬﺪﺭﺯﻭ ﻣﻊ ﺑﻌﻀﻬﻢ
ﺑﻌﺪﻳﻦ ﻛﻠﻢ ﻫﺎﺟﺮ ﺑﻨﺖ ﺧﺎﻟﺘﻲ ﻗﺎﻟﻠﻬﺎ ﻋﻴﺖ ﺍﻟﻔﻼﻧﻲ ﻣﻦ ﺍﻟﻲ ﻋﺰﻣﻬﻢ ﻭﺷﻦ
ﺗﻌﺮﻓﻮﻫﻢ ﻫﺎﺟﺮ ﻗﻠﺘﻼ ﻣﺶ ﺷﻮﺭﻱ ﺍﺷﻮﻳﻪ ﻗﺘﻼ ﺍﻧﺎ ﺍﻟﻲ ﻋﺰﻣﺘﻬﻢ
ﺳﺄﻟﻨﻲ ﻗﺎﻟﻲ ﺷﻦ ﺗﻌﺮﻓﻴﻬﻢ ﻗﺘﻼ ﺍﻟﺒﻨﺎﺕ ﺻﺤﺒﺎﺗﻲ
ﻗﺎﻟﻲ ﺑﺎﺗﻬﻦ ﺷﻦ ﺍﺳﻤﺎ ﺍﻟﻲ ﺻﺤﺒﺘﻚ ﻗﺘﻼ ﺗﻮﻓﻴﻖ ﻗﺎﻟﻲ ﺍﻳﻮ ﻫﺬﻭﻣﺎ ﻫﻤﺎ
ﻣﺨﻄﻮﺑﻪ
ﻗﺘﻼ ﻫﻨﺎ ﺍﺛﻨﻴﻦ ﻭﺍﻧﺎ ﻣﺎﻧﻨﺪﺭﻳﺶ ﻋﻠﻴﻚ ﺍﻳﻦ ﻭﺣﺪﻩ ﺗﺤﻜﻲ ﻋﻠﻴﻬﺎ ﺑﺲ ﺍﻧﺎ ﺍﻟﻲ
ﻧﻌﺮﻓﺎ ﺍﻥ ﻫﻨﺎ ﺍﻻﺛﻨﻴﻦ ﻣﺶ ﻣﺨﻄﻮﺑﺎﺕ
ﺍﺷﻮﻳﻪ ﺿﺤﻚ ﻭﻗﺎﻟﻲ ﺍﻭﻛﻲ ﺍﻭﻛﻲ
ﺍﻧﺎ: ﻋﻠﻴﻚ ﺻﺪﻓﻪ ﻋﻠﻴﻚ ﺣﻆ ﻭﻗﺪﺭ ﺳﺒﺤﺎﻥ ﺍﻟﻠﻪ
ﻓﻌﻼ ﺍﻥ ﺍﻟﺪﻧﻴﺎ ﻫﺬﻱ ﺿﻴﻘﻪ . ﺑﻪ ﻛﻤﻠﻲ
ﺳﺎﺭﻩ: ﺧﻼﺹ ﻳﺎﺣﻨﻪ ﻗﻌﻤﺰ ﺑﺮﺍ ﻭﻧﺴﻤﻊ ﻓﻴﻪ ﻳﺤﻜﻲ ﻟﻮﻟﺪ ﺧﺎﻟﺘﻲ ﻭﻳﻘﻮﻻ
ﺷﻔﺘﻬﺎ ﺗﻲ ﻃﺮﻑ ﺑﻜﻞ ﻭﺳﺄﻟﺘﻬﺎ ﻗﺎﻟﺘﻠﻲ ﻣﺨﻄﻮﺑﻪ .
ﺍﻧﺎ: ﺣﻲ ﻋﻠﻴﺎ ﻋﻠﻴﻚ ﻛﺎﺭﺛﻪ ﺩﺭﺗﻬﺎ ﻳﺎﺭﻳﺘﻨﻲ ﻣﺎﻛﺬﺑﺖ ﻋﻠﻴﻪ
ﺳﺎﺭﻩ: ﺑﺲ ﻳﺎﺣﻨﻪ ﻫﺬﺍ ﺍﻟﻲ ﺻﺎﺭ
ﺍﻧﺎ ﺧﻼﺹ ﻃﺎﺭﺕ ﻣﻦ ﺍﻟﻔﺮﺣﻪ ﻛﻨﺖ ﻧﺘﻤﻨﺎ ﺍﻧﺸﻮﻓﺎ ﻭﻓﻌﻼ ﺷﺎﺀ ﺍﻟﻘﺪﺭ ﺍﻥ ﻳﻄﻠﻊ
ﻗﺮﻳﺐ ﺻﺤﺒﺘﻲ ﻭﻧﻌﺮﻑ ﺍﺧﺒﺎﺭﺍ ﻓﻌﻼ ﺍﻟﺪﻧﻴﺎ ﻫﺬﻱ ﺻﻐﻴﺮﻩ
ﻭﺭﻭﺣﺖ ﺭﻧﻴﺖ ﻉ ﺍﺳﻴﻞ ﻭﺣﻜﻴﺘﻠﻬﺎ ﺍﻟﻲ ﺻﺎﺭ ﻛﻼ ﻭﻛﻨﺖ ﻣﺘﻔﺎﺋﻠﻪ ﻭﻓﺮﺣﺎﻧﻪ ﺑﻜﻞ
ﻭﺍﺗﻔﻘﻨﺎ ﻧﻤﺸﻮ ﻟﻠﺴﻨﺪﺑﺎﺩ ﺍﻧﻐﻴﺮﻭ ﺟﻮ
ﻟﺒﺴﻨﺎ ﻭﺣﻄﻨﺎ ﺑﺎﺑﺎ ﻗﺪﺍﻡ ﺍﻟﺴﻨﺪﺑﺎﺩ ﻭﺧﺸﻴﻨﺎ ﻭﻧﺤﻨﺎ ﻧﺪﻓﻌﻮ ﻉ ﺑﺎﺏ
ﻭﻳﺠﻲ ﺷﺎﺏ ﻳﻘﻮﻝ ﻟﺼﺤﺎﺏ ﺍﻟﺒﻮﺍﺑﻪ ﺧﻠﻴﻬﺎ ﺷﻮﺭﻱ
ﻭﺧﺸﺸﻬﻦ
ﺍﻟﺘﻔﺘﺖ ﻧﺸﻮﻑ ﻣﻦ ﻭﻧﻨﺼﺪﻡ ﻭﺟﺖ ﻋﻴﻨﻲ ﻓﻲ ﻋﻴﻨﺎ
.
.
.
.
# ﻳﺘﺒﻊ
