أبّكمُ القهوةْ#اكتملت.

#البارت الثاني

( بيت ايلان )

ايلان يدخل :..
ريك : يعني انا مافهمت كل الطلعه كنا اوكيه سرت الحمام رجعت شخص ثاني
ايلان : فيني نوم ياخي وين الغريب في الموضوع؟
ريك يستهبل  : صارحني شو استوى فالحمام ؟
ايلان : ريك انقلع اوكيه؟ بطلع انام انا
ريك يتسدح قدام التلفزيون : ع راحتك
ايلان يروح :....
ام ايلان تنزل الصاله : ماشاءالله انت ٢٤ ساعه متسدح لا شغله ولًامشغله؟
ريك يشد شعره : انا هالعيله بتجنني - يروح غرفته -
ام ايلان : تعال تعال الزفت الثاني وين؟ - تقصد ايلان-
ريك وهو طالع : في جيبي
ام ايلان تعصب : رد علي زين اذا كلمتك فاهم
ريك : يعني فغرفته يعني وين بيكون؟

...............

وهذا تقريبا حال ام ايلان وعيالها الاثنين فالبيت؟ وروتينهم اليومي والبيت ماشيء على نظام سبب المشاكل ايلان واللي ياكلها هو ريك.

.................

صباح يوم جديد ( الكافيه ) ..

جود تضرب ريما ع الخفيف : شوفي من وصل روميو حقك
ريما تضحك : عسى يكتب شيء اليوم
ايلان يدخل : صباح الخير
ريما : صباح النور
ايلان : واحد امريكانو بدون سكر لو سمحتي
ريما. : ان شاءالله
جود تتليقف : لو سمحت؟
ايلان : هلا ؟
جود : كم لك تجي الكوفي ؟
ايلان يبتسم : من قبل لاتشتغلون بشهر يمكن
جود : ماشاءالله
ريك يدخل مع ويصرخ : براذر براذر براذر الكيوت جدا - يلحنها -
ايلان يتأفف : انا ماعرف ليش قلتلك عن المكان هذا؟
ريك يبتسم : بما انه مكانك المفضل لازم تشاركه معي لانه نحن اخوان وانت تعرف شو معنى الاخوه طبعا
ايلان : شو تسوي هنا ممكن افهم؟ لا لك بالقهوه ولا بالكافيهات ولا شيء ؟
ريك يغمز : جاي اراضي الحب - يقصد زينه -
زينه ترتبك : قلنا نطلع مع بعض يعني
ايلان : تراضيها ليش؟
ريك يمسك يدها : زعلانه عشان امس طلعت ولا قلتلها
ايلان يخزها بصدمه : اها زين
ريك يلاحظ : شفيه؟
زينه بخوف : لالا مافي شيء يلا نطلب؟
ايلان ياخذ طلبه ويجلس : عالم غريبه

..............

( الطاوله الثانيه )

ريك : صاير شيء بينك وبين ايلان ولا شو؟
زينه : لالا مافي شيء بس تعرفه مايدانيني من اخر موقف
ريك : اعرف بس كان يتعامل معك عادي !
زينه : هو كارهني مادري ليش
ريك : اذا في شيء صاير قولي لاتخبين
زينه : والله مافي شيء صاير هو بس كذا يعاملني من زمان
ريك ينادي ايلان : ايلان قولي شو مستوي ؟
ايلان : ابد مافي شيء
زينه تمسك يده : شفت حبيبي مافي شيء لاتحاتي
ريك يتطمن : تمام بروح انا الحين انتي بتكونين اوكيه؟
زينه : هيه اليس قريبه مابتتأخر
ريك : ايلان تبي شيء؟
ايلان : لا مابا شيء
ريك يطلع : تمام اشوفكم بعدين

.......... ريك يطلع .......

زينه تلف ع ايلان : بتتم تفضحني كل مره يعني؟؟
ايلان يضحك : زعلانه ماشاءالله؟
زينه : مالك دخل انت انا زعلانه ولا لا!!
ايلان : شوفي انا ساكت وماقلت شيء بس وقاحتك صدمتني
زينه : وانت ايش تبي ؟
ايلان : ابدا بس صدمني فوق الخيانه قوة عين وجايه تطلبينه يراضيك
زينه : مالك دخل اخترت تسكت ف اسكت خلص
ايلان يضحك : انا قلت شيء؟ تكلمت؟ لا بعدين المسكين اللي زعلانه منه ترا كان معي امس وانتي تدرين
زينه : قلتلك مالك دخل !
ايلان : واضح تدورين مصلحه لك ولربعك من وراه لكن صدقيني انا م كنت بسكت لو م قلب اخوي بينكسر
زينه تطلع : شوف اسكت احسن والا بتخسر اخوك صدقني